Fridericus Merz

Fridericus (Theod. Friedrich) Merz (natus 11 Novembris 1955 oppido Brilon (Westfalia) vir publicus Germaniae factionis CDU et cancellarius foederalis Germaniae ab anno 2025 est.

Iuventus et munus

Merz anno 1975 maturitatem adeptus militavit et ab anno 1976 Bonnae et Marburgi iurisprudentiae studebat. Anno 1982 primam, anno 1985 secundam probationem accepit. Ad usque 1986 deinde iudex Saravipontis laboravit. Ex hoc tempore causidicus admissus est.

Familia

Merz cum uxore atque tribus liberis in oppido Arnsberg vivit.

Cursus honorum

Anno 1988 Merz sodalis CDU legatus Parlamenti Europaei electus est et ad annum 1994 mansit. Tum legatus Dietae Foederalis Germaniae electus anno 1998 vicarius praeses, anno 2000 praeses legatorum CDU electus est. Anno 2002 Angela Merkel post suffragium a CDU/CSU perditam ipsa dux fractionis fieri voluit atque Merz iterum vicarius factus est. A quo officio anno 2004 se recessit. Post controversias varias inter se et Merkel habitas anno 2007 pronuntiavit se e vita publica recessurum. Ab anno 2009 ad annum 2025 non candidatus dietae foederalis erat. Die 6 Maii 2025 ssecundo suffragio paralamenti canceallarius foederalis Germaniae electus est.

Consilia

Merz consiliis suis de vectigaliis clarus factus est. Nam postulavit declarationem vectigalium simpliciorem, quae in charta parva fieri potuit, quae sub cervisia poneret.

Postquam dietam foederalem reliquit, Merz pro diversis societatibus commercialibus laborabat.

Bibliographia

Deborah Cole, "Friedrich Merz looks likely to be Germany’s next leader but how will he defuse the AfD?" in The Observer (8 Septembris 2024)

Nexus externi

Lexica biographica: • Den store danske • Deutsche Biographie •

Vicimedia Communia plura habent quae ad Fridericus Merz spectant.

Commentarius Diarii Die Welt de Friderico Merz Parlamentum relinquente (24 Iulii 2009, lingua Theodisca)
Pagina personalis (lingua Theodisca)

Praesides Fractionis CDU/CSU Dietae Foederalis Germaniae