Marto de 2025
| marto | ||||||
| lu | ma | me | ĵa | ve | sa | di |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
| aranĝo de 2025 tagoj | ||||||
Jen listo de okazaĵoj en marto 2025:
Pli ol 230 mortoj en la marborda areo de Sirio pro subpremado de alavitoj fare de la nova reĝimo kaj pro gerilaj ribeloj fare de sekvantoj de la antaŭa reĝimo.
En Bukareŝto (Rumanio) komenciĝis amasaj protestoj post kiam la Centra Balotkomisiono rifuzis partoprenon en prezidenta baloto al la plej populara kandidato Călin Georgescu.- Jam oni atingis en kelkaj tagoj pli ol 1 300 mortoj en la marborda areo de Sirio ĉefe pro masakro de alavitoj fare de la nova reĝimo.
Mark Carney estas elektita gvidanto de la reganta partio de Kanado kaj nomumata ĉefministro anstataŭ Justin Trudeau.
La eksa filipina prezidento Rodrigo Duterte estis arestita en Manilo laŭ ordono de la Internacia Kriminala Kortumo (ICC) pro suspekto de farado de Krimoj kontraŭ la homeco kadre de lia milito kontraŭ drogoj en la lando.
Pli ol 60 mortoj pro incendio dum koncerto en dancejo en Kočani, Nord-Makedonio.
Israelo rompis la batalĉeson en Gazao kaj mortigis per atakondo pli ol 400 homoj, el kiuj 130 infanoj.
Urbestro de Istanbulo Ekrem İmamoğlu estis arestita pro akuzoj pri korupto kaj subtenado de teroristoj. 
Pli detale ĉe Vikinovaĵoj.
- Jam estis pli ol 50 000 palestinanoj mortintaj pro atako de Israelo al la Gaza-strio.
Tertremo ĉefe en Birmo (sed ankaŭ en Tajlando) okazigis pli ol 3 300 mortojn.
En Niĝero la reganta militreĝimo malfondis la politikajn partiojn.
| ||||||||||||||||||||||