2. maí 2025

Sumarhátíð táknmálsbarna

Sumarhátíð táknmálsbarna verður haldin laugardaginn 24. maí kl. 10:30 - 12:30 á Klambratúni. Það eru Samskiptamiðstöð heyrnarlausra og heyrnarskertra, foreldra- og styrktarfélag heyrnardaufra, leikskólinn Sólborg, Félag heyrnarlausra og Málnefnd um íslenskt táknmál sem standa að þessari hátíð. Hlökkum til að sjá ykkur öll!

29. apríl 2025

Dr. Luigi Lerose

Föstudaginn 9. maí kl. 10:00-12:00 flytur Dr. Luigi Lerose rannsóknardósent við University of Central Lancashire (UCLan) og fyrrum formaður Félags evrópskra táknmálskennara (ENSLT) fyrirlesturinn: Improving Sign Language - Theoretical understanding of sign linguistics; Tools to identify linguistic errors; Practice activities to minimise and ideally eliminate errors.

7. apríl 2025

Spilavinir á SHH

Laugardagana 12. apríl og 10. maí, kl. 10:30 - 12:30, ætla Spilavinir að koma hingað á Samskiptamiðstöð þar sem við munum eiga notalega fjölskyldustund saman og spila á spil. Athugið að þessi viðburður er ætlaður táknmálsbörnum og fjölskyldum þeirra. Hámarksfjöldi er 40 manns og því er skráning nauðsynleg. Til að skrá sig skal senda póst á [email protected] með nöfnum þeirra sem mæta frá hverri fjölskyldu. Foreldra- og styrktarfélag heyrnardaufra styrkir viðburðinn.

20. mars 2025

Lokað fyrir endurgjaldslausa túlkaþjónustu út mars

Fjármagn til endurgjaldslausrar túlkaþjónustu í daglegu lífi á 1. ársfjórðungi 2025 er uppurið. Myndsímatúlkun SHH verður því lokuð frá og með 24. mars til og með 31. mars. Ekki verður hægt að verða við beiðnum um endurgjaldslausa túlkun í daglegu lífi sem fara á fram á sama tímabili og hefur ekki þegar verið pöntuð. Túlkaþjónusta gegn gjaldi verður áfram veitt. Þriðjudaginn 1. apríl verður hægt að veita endurgjaldslausa túlkaþjónustu að nýju og þá opnar Myndsímatúlkun SHH aftur.

20. febrúar 2025

Ný myndbönd birt á Signwiki

Á dögunum birti Samskiptamiðstöð myndbönd af tveimur af elstu málhöfum íslenska táknmálsins sem til eru upptökur af. Þeir eru mikilvægir hlekkir í sögu döff og íslensks táknmáls á Íslandi. Þetta eru myndbönd af þeim Ragnari Erlendssyni og Þorsteini Þorgeirssyni.

12. febrúar 2025

Rudolf Kristinsson hlýtur heiðursviðurkenningu SHH árið 2025

Í tilefni af degi íslensks táknmáls árið 2025 veitir Samskiptamiðstöð heyrnarlausra og heyrnarskertra (SHH) Rudolfi Kristinssyni heiðursviðurkenningu SHH fyrir ómetanlegt framlag hans til varðveislu íslensks táknmáls.

11. febrúar 2025

Til hamingju með dag íslensks táknmáls!

Í tilefni af degi íslenska táknmálsins fengum við okkar allra bestu Táknmálseyju börn til liðs við okkur. Innilega til hamingju með dag íslensks táknmáls!

18. desember 2024

Ráðstefna í Slóveníu

Starfsmenn SHH sóttu ráðstefnuna Everything is in our hands sem haldin var í Slóveníu

12. desember 2024

Táknmálsnámskeið vorannar

Táknmálsnámskeið vorið 2025

6. desember 2024

Framhaldsnámskeið í íslensku táknmáli fyrir döff innflytjendur

Vinnumálastofnun býður döff innflytjendum upp á framhaldsnámskeið í íslensku táknmáli.