Wikipedia:正文

響維基百科嘅正文

呢粒星星係表示響維基百科度嘅正嘢。

正文係我哋相信維基百科最正嘅文。成為正文之前，文章會響Wikipedia:正文候選度，按照我哋嘅正文條件去檢討嗰篇文嘅準確性、中立性同完成度。

喺而家維基百科嘅144,631篇文章中，總共有 98 篇正文。即係大約每 1,470 篇文就有 1 篇正文。當一篇正文唔再合符有關嘅正文條件時，咁就可以喺Wikipedia:正文檢討度進行列示。

文章右上角一細粒銅星（）就係正文嘅標記。

睇下Wikipedia:是日正文

捷徑

WP:FA

正嘢：

正嘢工具：

同儕互評

正文工具：

頭版展示緊嘅正文

腦電圖係神經科學同心理學等領域上其中一種最常用嚟監察腦嘅活動嘅方法。原理簡單啲講係噉嘅：一個腦喺做親啲乜－包括記嘢、諗嘢同感知等等－嗰陣，佢裏面嗰啲數以億計嘅神經細胞都會係噉用好微弱嘅電流嚟互相傳訊號，電流改變會引致電壓嘅改變，而唔同嘅腦活動所牽涉到嘅資訊都唔同－所以當一個腦喺做唔同嘅工作嗰時，佢入面嗰啲電流同電壓改變嘅規律都會唔同樣。

腦電圖對科學研究嚟講相當有用：研究者可以用非入侵性嘅做法，將一啲電極黐喺個受試者嘅頭皮表面嗰度，靠噉嚟量度吓塊頭皮嗰度有嘅微弱電壓－微弱到通常以微伏特（μV；1 μV 相當於 10^-6 伏特）嚟計嘅，亦都可以用入侵性嘅手法－通常係開刀，將啲電極植入去個受試者嘅頭殼入面嚟度電壓改變，後者呢種做法喺用人類以外嘅動物做測試嘅研究當中比較常見。無論用咗邊種做法，呢啲電極嘅量度會得出一大柞 $V_{lt}$ 值，當中 $V_{lt}$ 指「位置 $l$ 喺時間點 $t$ 嘅電壓」，呢啲數據會提供一幅腦電圖：一幅腦電圖條 X 軸係時間，而 Y 軸係微電壓，會俾研究者清楚睇到個頭每一個量度咗嘅位置嘅微電壓隨時間嘅改變，然後研究者可以睇吓呢啲電壓嘅改變規律同個腦做緊啲乜係咪有相關。

喺實用上，腦電圖對醫學嚟講都有價值：腦電圖成日都俾神經內科醫生攞嚟診斷包括發羊吊、睡眠障礙同中風呢啲涉及個腦嘅病，因為過往嘅研究清楚噉表明咗，同個腦有關嘅病會搞到病人嘅腦電活動異常；另一方面，腦電圖亦都可以反映一個病人有幾清醒，醫生可以用腦電圖斷定一個病人係唔係進入咗麻醉、昏迷或者腦死等嘅狀態。 (成篇文章……)

以前嘅正文：神經細胞 – 電子遊戲人工智能 – 生物學

歸檔 – 提名 – 全部98篇正文...