試管

試管（粵音：si3 gun2）係實驗室用到嘅長條型透明容器，用嚟做化學同生物學等學科嘅實驗。試管好多時都係用玻璃造嘅，不過亦有啲係用塑膠造嘅。

基本諗頭

試管係用嚟處理少量樣本嘅器具，研究人員會喺入面進行操作，觀察反應同埋處理結果。試管嘅大細由幾厘米到二十厘米長，直徑由幾毫米到幾厘米不等。因為做研究好多時都要用明火加熱入面嘅嘢，所以試管好多時都會用耐熱抗膨脹嘅材料製造。一般嚟講，個口冇加工嘅試管可以叫「平口」試管，而為咗增加耐用度而喺個口度整成厚環狀嘅就叫做「卷口」試管。

外形分類

平口試管，係一條圓底嘅平口玻璃管，管口熔光咗。平口設計可以方便消毒殺死管口嘅細菌。常見嘅平口試管規格有15毫米×150毫米、18毫米×180毫米、20毫米×200毫米、30毫米×300毫米等。
卷口試管，係一條管口有卷邊（或者圓口）嘅圓底玻璃管。卷口（或者圓口）係用嚟增加機械強度，同時方便夾住唔容易跌落。
發酵試管，係一條管口細而短（口徑6毫米，長30毫米）嘅平口、圓底試管。
具支試管，係一條有側支管嘅平口試管，佢條側支管主要用嚟同抽氣管連接，管口用打咗窿嘅膠塞插入過濾漏斗，用嚟代替微量過濾瓶，做微量過濾嘅接收瓶。
具刻度試管，外形係一條圓口試管。喺管身上面刻住容量刻度標線，可以直接睇到計量數，用起上嚟好方便。
具塞試管，係一條有瓶頸式嘅圓底玻璃管，瓶頸上面配咗磨砂玻璃塞。具塞可以防止容易揮發嘅溶液揮發。
具塞刻度試管，佢係一條有磨砂玻璃塞，而且喺管身上面加咗容量刻度嘅試管。對於揮發物質，可以直接計量，又可以防止物質揮發，用起上嚟好方便。^[1]

睇埋

引述

↑ 鄭燕龍; 潘子昂編 (2007–05)。"§1.9". 《實驗室玻璃儀器手冊》 (中國中文) (第第1版第1次印刷版)。北京：化學工業出版社。頁 29~30。ISBN 978-7-122-00168-9。原著 (PDF)喺2016-09-21歸檔。喺2016-08-26搵到。 {{cite book}}: Unknown parameter |dead-url= ignored (|url-status= suggested) (help)CS1 maint: date format (link) CS1 maint: multiple names: 編者名單 (link)

[Zheng&Pan-1] 鄭燕龍; 潘子昂編 (2007–05)。"§1.9". 《實驗室玻璃儀器手冊》 (中國中文) (第第1版第1次印刷版)。北京：化學工業出版社。頁 29~30。ISBN 978-7-122-00168-9。原著 (PDF)喺2016-09-21歸檔。喺2016-08-26搵到。 {{cite book}}: Unknown parameter |dead-url= ignored (|url-status= suggested) (help)CS1 maint: date format (link) CS1 maint: multiple names: 編者名單 (link)

[1]