Þór/KA taka á móti þýska liðinu Turbine Potsdam í dag og hefst leikurinn kl. 16:15 á Akureyrarvelli.  Þetta er fyrri viðureign liðanna í 32. liða úrslitum Meistaradeildar kvenna en seinni leikurinn fer fram ytra eftir rétta viku.

Knattspyrnusamband Evrópu hefur gefið út þátttökulista fyrir næstu keppni í Meistaradeild kvenna.  Þar kemur í ljós að Ísland mun verða með eitt lið í þeirri keppni en nýkrýndir Íslandsmeistarar Stjörnunnar verða fulltrúar Íslands í keppninni.

Mánudaginn 3. október kl. 12:00 verða afhentar viðurkenningar vegna seinni helmings Pepsi-deildar karla, eða umferðir 12-22.  Viðurkenningarnar verða afhentar í húsakynnum Ölgerðarinnar að Grjóthálsi 7 - 11 í Reykjavík. 

KR tryggði sér Íslandsmeistaratitilinn á heimavelli í dag með því að leggja Fylki af velli.  Á sama tíma töpuðu ÍBV gegn FH þannig að fyrir síðustu umferðina hafa KR fimm stiga forystu á FH sem er í öðru sætinu.  Baráttan um Evrópusæti er ennþá í algleymi ásamt því að mikil barátta er um fallið.

Minnt er á að frestur til að tilkynna þátttöku í Framhaldsskólamótið í knattspyrnu rennur út á morgun, fimmtudaginn 22. september.  Þátttökugjald er 15.000 kr. á lið og ber að greiða um leið og þátttaka er tilkynnt..

Mótanefnd KSÍ hefur ákveðið að fresta fimm af sex leikjum 20. umferðar Pepsi-deildar karla vegna veðurs.  Eini leikurinn sem fer fram á tilsettum tíma er leikur Vals og Þórs sem hefst á Vodafonevellinum kl. 17:00 í dag, sunnudaginn 18. september.

Mótanefnd KSÍ hefur ákveðið að fresta leik ÍBV og KR í Pepsi-deild karla um einn dag.  Leikurinn átti að fara fram í dag á Hásteinsvelli en fer fram á morgun, mánudaginn 19. september, kl. 17:00.

Í dag voru veittar viðurkenningar fyrir umferðir 10 - 18 í Pepsi-deild kvenna og fór athöfnin fram í höfuðstöðvum Ölgerðarinnar.  Íslandsmeistarar Stjörnunnar voru áberandi en besti leikmaðurinn var valin Gunnhildur Yrsa Jónsdóttir úr Stjörnunni.  Þá var þjálfari Stjörnunnar, Þorlákur Árnason, valinn besti þjálfarinn sem og að stuðningsmenn Garðbæinga fengu viðurkenningu.  Besti dómarinn var svo norðanmaðurinn Valdimar Pálsson.

Mánudaginn 12. september kl. 12:00 verða afhentar viðurkenningar vegna seinni helmings Pepsi-deildar kvenna, eða umferðir 10-18.  Viðurkenningarnar verða afhentar í húsakynnum Ölgerðarinnar að Grjóthálsi 7-11 í Reykjavík.