Fana Mjymcůw
 |
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Fana Niymcōw skłŏdŏ sie ze trzech poziōmych pasōw: czŏrnego, czerwōnego a żōłtego.
Użycie
[edytuj | edytuj zdrzōdło]Użycie fany państwowyj je ściśle uregulowane bez rozporzōndzynie Regyrōnku Federalnego z dnia 22 marca 2005 roku (połne niymiecke miano: Erlass der Bundesregierung über die Beflaggung der Dienstgebäude des Bundes). Dni, co w nich idzie wywieszać fanã państwowõ to:
- Dziyń Pamiyńci Ôfiar Nazizmu (Tag des Gedenkens an die Opfer des Nationalsozialismus) – 27 stycznia
- Świynto Roboty – 1 mŏja
- Dziyń Ojropy – 9 mŏja
- Rocznica przijyńciŏ Kōnstytucyji (Jahrestag der Verkündung des Grundgesetzes) – 23 mŏja
- Rocznica 17 czyrwnia 1953 (Jahrestag des 17. Juni 1953)
- Rocznica zamachu 20 lipnia (Jahrestag des 20. Juli 1944)
- Dziyń Jedności Niymiec (Tag der Deutschen Einheit) – 3 paździyrnika
- Dziyń Pamiyńci (Volkstrauertag) – dwa tydnie przed 1. niydzielōm Adwyntu
- dziyń welonkōw do Bundestagu
- dziyń welonkōw do Parlamyntu Ojropejskigo
(* niy we wszyjskich krajach zwiōnzkowych)
Ôkrōm wyżyj wymiyniōnych przileżytości fana państwowŏ może być wywieszana tyż w czasie ważnych trefiyń, bp. w dniu welonkōw prezydynckich abo w czasie żałoby po śmierci znaczōncych politykōw niymieckich abo zagranicznych. Decyduje ô tym, bez wydŏwanie forymne rozporzōndzynie, minister spraw wnōntrznych.
Gyszichta
[edytuj | edytuj zdrzōdło]Czŏrno-czerwōno-złote farby wywodzōm sie od farb wapyna I Rajchu, użyto jejich po piyrszy rŏz we 1817 r. na zōmku Wartburg w czasie festynu studynckigo. Fana ôstała ôficjalnie przijyntŏ we 1848 r. Przijmowano że farby symbolizujōm: Czŏrny - niywola, czerwōny - krwŏwe bitwy, złoty - światło swobody[1]. Gdy powstoło Niymiecke Cysŏrstwo przijynto fane czŏrno-bioło-czerwōnõ. Po upŏdku cysŏrstwa we 1918 r. a utworzyniu Weimarskej Republiki wkludzōnŏ bōła czŏrno-czerwōno-złoto fana[2]. We 1933, po dojściu nazistōw do władzy, przijynto fanã z biołym kołym na czerwōnym zadku ze wrażōnōm w nim czŏrnōm swastykōm[1][2]. Po II światowyj wojnie Niymcy ôstały podzielōne na Niymieckõ Dymokratycznõ Republikã a Federalnõ Republikã Niymcōw, bez co ukŏzały sie liczne propozycyje nowyj fany miyndzy inkszymi fany z krziżym skandynawskim w farbach Weimarskej Republiki[2]. Fany NDR a FRN były take same, bez co we 1959 r. do fany NDR wkludzōno wapyn tego państwa[2]. Po zjednoczyniu Niymcōw we 1990 prziwrōcōno fane czŏrno-czerwōno-złotõ[1].