Oligarchia

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

S'oligarchia (dae su gregu ὀλιγαρχία (oligarchía); derivadu dae ὀλίγος (olígos), chi sinnìficat "pagu, iscassu, piticu", e ἄρχω (archo), chi signìficat ("cumandare, èssere su primu")​ in sa sièntzia polìtica est una forma de guvernu in ue su podere supremu est in manos de pagas persones, in generale de matessi classe sotziale. Is iscritores polìticos de sa Grètzia Antiga aiant impreadu su faeddu pro designare sa forma disgeniada e negativa de aristocratzia (etimologicamente, guvernu de is mègius). In sentidu istrintu, s'oligarchia nàschet cando sa sighidura de unu sistema aristocràticu si perpetuat pro mèdiu de unu mandu de sàmbene o mìticu, chentza chi is calidades èticas e de diretzione de is mègius pèsent dae mèritu pròpiu. A s'imbesse de sa meritocratzia in ue is gerarchias sunt conchistadas segundu su mèritu, custa definitzione est prus pròssima meda a sa de monarchia e galu prus a sa de nobilesa.

In su cursu de s'istòria, is oligarchias sunt istadas a fatu·fatu tirànnicas, fidende·si a s'ubbidièntzia pùblica o s'opressione. Aristoteles fiat istadu pioneri in s'impreu de su trèmene a sinònimu de su domìniu de is ricos, pro su cale unu àteru trèmene comunemente utilizadu oe in die est sa plutocratzia.