Misoginia
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.
| Supkategoria di | sexism, aversion  |
|---|---|
| Lo kontrario di | philogyny, misandry |
Misoginia òf odio pa hende muhé ta odio i/òf un avershon patológiko pa hende muhé. E término ta bini di e palabra griego misos (odia) i gyne (muhé). Su kontrapartido ta misandria òf odio pa hende hòmber. Di otro banda, ta eksisti tambe ginofobia òf miedu di hende muhé. Odio, despresio i diskriminashon kontra hende muhé pretu ta wòrdu yamá misoginoir.[1]
Misoginia ta un forma di seksismo ku por tene hende muhé na un status sosial mas abou ku hende hòmber, manteniendo asina e ròlnan sosial di patriarka. Misoginia a wòrdu praktiká ampliamente pa míles di aña. E ta reflehá den arte, literatura, struktura sosial humano, susesonan históriko, mitologia, filosofia i religion rònt mundu.
Un ehèmpel di misoginia ta violensia kontra hende muhé, ku ta inkluí violensia doméstiko i, den su formanan mas ekstremo, terorismo misogino i femisidio. Hopi biaha misoginia tambe ta operá a traves di akoso seksual, preshon i téknikanan sikológiko dirigí na kontrolá hende muhé, i dor di ekskluí hende muhé legalmente òf sosialmente for di siudadania kompletu. Den algun kaso, misoginia ta rekompensá hende muhé pa aseptá un status inferior.
Misoginia por wòrdu komprondé tantu komo un aktitut individual, prinsipalmente di hende hòmber, komo un kustumber òf sistema kultural generalisá. Tin biaha misoginia ta manifestá na maneranan opvio i tribí; otro biaha e ta mas sutil òf disfrasá na maneranan ku ta fasilitá un negashon plausibel.
Mira tambe
[editá | editá fuente]Fuente, nota i/òf referensia
|