Songay Donau

Songay Donau iyâ arèya songay palèng lanjhâng è Èropa samarèna Songay Volga.^[1] Alèrân songay rèya huluna bâdhâ è paghunongan Jèrman bâgiyân lao' bân a moara è Tasè' Cèlleng, bâgiyân tèritorial Rusia.

Ètimologi

Nyama "Donau" asalla ḍari dānu, nyama lambâ' songay neng Èropa, dâlem bhâsa Proto-Inḍo-Èropa. Salaèn jarèya, pan-bârâmpan nyama songay è Èropa akadhi Daugava, Don, Donets, Dnieper, Dniester, Desna, bân Tana asalla ḍari oca' sè paḍâ. Dâlem bhâsa Weda, dānu anḍi' artè caèrân' otabâ 'embun' bân dānuja anḍi' artè 'tarlahèr ḍari dānu ' otabâ 'tarlahèr ḍari embun'; kantos dâlem bhâsa Avesta oca' kasebbhut anḍi' artè 'songay'. Dâlem bhâsa Sami, deatnu anḍi' artè 'songay rajâ'. Dâlem bhâsa Avesta dānu jughân anḍi' artè 'songay' dâlem bhâsa Skithia. Saèngghâ, nyama Dnieper bân Dniestr, ḍari Danapris bân Danastius, mènangka toronan ḍari dānu apara 'songay sè jâu' bân dānu nazdya- 'songay sè semma'' dâlem bhâsa Skithia.^[2]

Gèografi

Songay rèya tong-sèttongnga songay Èropa sè rajâ sè ngalèr ḍari bârâ' ka tèmor. Songay Donau andi' hulu è kotta Donaueschingen, Alas Cèlleng, Jèrman sabâb ḍari partemuân antara Songay Brigach kalabân asongay Breg.^[3] Alèrân Songay Donau ngara ka tenggara salanjhâng 2.730 km bân alèbâdhi empa' ibu kotta naghârâ akadhi Wina, Bratislava, Budapest, bân Beograd sampè' a muara è Delta Donau sampè' Tasè' Cèlleng. Sabâb jarèya, songay kasebbhut tamaso' mènangka paraèrân internasional.

Songay Donau èyangghuy kaangghuy lalu lintas kapal bhârâng sè penting polana cokop lèbâr bân dâlem. È bâgiyân hulu, è Jèrman, la èbângon terosân sè manyambung kalabân Songay Rhein lèbât Songay Main.

Sacara sakabbina, bâḍhâ sapolo naghârâ, sè sajjhâ' èra Kakaèsarân Romawi la dhâddhi Songay Donau mènangka tapal bâtes pan-bârâmpan naghârâ è Èropa akadhi: Rumania (29,0% ḍari DAS), Hungaria (11,6%), Sèrbia (10,2%), Austria (10,0%), Jèrman (7,0%), Bulgaria (5,9%), Slowakia (5,9%), Kroasia (4,4%), Ukraina (3,8%), bân Moldova (1,6%). Songay rèya jughân anḍi' ana' songay è pètto' naghârâ laènna.

Daèrah alèran songay

Ana' songay ḍari Songay Donau a bentuk daèrah alèrân songay (DAS) sè dhâddhi bâtes pan-bârâmpan naghârâ akadhi: Bosnia bân Herzegovina (4,6% ḍari DAS), Cèko (2,9%), Slovenia (2,0%), Montenegro (0,9%), Swiss (0,2%), Italia (<0,1%), Polandia (<0,1%), Makedonia Dâjâ (<0,1%) bân Albania (<0,1%). Lowas sakabbina ḍari DAS kasebbhut ra-kèra 801.463 km2 (309.447 sq mi) bân DAS kasebbhut è kennengngè bi' 83 juta orèng.^[4] Titik palèng tèngghi ḍari DAS kasebbhut bâdhâ è bâtes Italia kalabân Swiss è puncak Piz Bernina neng katèngghiân 4.049 mèter (13.284 ft). Daèrah alèrân songay Donau è bâgi dhâddhi tello' bâgiyân otama, iyâ arèya:

• Daèrah Alèrân Songay Attas ḍari hulu songay Donau sampè' Ngarai Devín è bâtes Slowakia bân Austria,

• Daèrah Alèrân Songay Tengnga otabâ biasa è sebbhut mènangka Cekungan Pannonia è antara Ngarai Devín bân Ngarai Iron, tamaso' Dârâtdhân Kisalföld bân Alföld.

• Daèrah Alèrân Songay bâbâ ḍari Ngarai Iron sampè' ka hilir songay iyâ arèya Dèlta Donau.

Ana'- ana' songay

È daèrah alèrân songay Donau, bâdhâ Ana'- ana' songay sè aghili è pan-bârâmpan naghârâ è Èropa bâgiyân bârâ' bân tèmor. Ana'- ana' songay Donau anḍi' peran sè penting è dâlem pendistribusiân sè èlakonè bi' tongkang bân kapal paraèrân dhângkal laènna.

Sombher

↑ Faizah, K. U. R. N. I. A. T. U. L. (2018). Regresi Gamma dan Regresi Lognormal untuk memodelkan Biomassa Klorofil-α di Sungai Danube Eropa. Aksès 2025-04-11.
↑ . Mallory, J.P; Mair, Victor H. (2000). The Tarim Mummies: Ancient China and the Mystery of the Earliest Peoples from the WestPerlu mendaftar (gratis). London: Thames and Hudson. hlm. 106.. V. I. Adaev (1949). Осетинский язык и фольклор [Ossetian language and folklore] (PDF) (dalam bahasa Rusia). Moscow: Publishing house of Soviet Academy of Sciences. hlm. 236. Aksès 2025-04-11.
↑ Jenihansen, Ricky. "Kapal Kuno Kekaisaran Romawi Ditemukan di Tambang Batu Bara di Serbia". National geographic. 2023-08-08. Aksès 2025-04-11.
↑ DAMANIK, F. H. S. (2023). Pendalaman dan Pemantapan Materi Ilmu Pengetahuan Sosial untuk SMP/MTs Kelas IX. Penerbit Andi. Aksès 2025-04-11.

[1] Faizah, K. U. R. N. I. A. T. U. L. (2018). Regresi Gamma dan Regresi Lognormal untuk memodelkan Biomassa Klorofil-α di Sungai Danube Eropa. Aksès 2025-04-11.

[2] . Mallory, J.P; Mair, Victor H. (2000). The Tarim Mummies: Ancient China and the Mystery of the Earliest Peoples from the WestPerlu mendaftar (gratis). London: Thames and Hudson. hlm. 106.. V. I. Adaev (1949). Осетинский язык и фольклор [Ossetian language and folklore] (PDF) (dalam bahasa Rusia). Moscow: Publishing house of Soviet Academy of Sciences. hlm. 236. Aksès 2025-04-11.

[3] Jenihansen, Ricky. "Kapal Kuno Kekaisaran Romawi Ditemukan di Tambang Batu Bara di Serbia". National geographic. 2023-08-08. Aksès 2025-04-11.

[4] DAMANIK, F. H. S. (2023). Pendalaman dan Pemantapan Materi Ilmu Pengetahuan Sosial untuk SMP/MTs Kelas IX. Penerbit Andi. Aksès 2025-04-11.

[1]

[2]

[3]

[4]