Neil Armstrong

Neil Alden Armstrong ( 5 Agustus 1930 – Tangghâl 25 Agustus 2012 ) panèka astronot, pilot ojhi coba’, insinyur penerbangan, ḍosen universitas, bân Penerbangan Angkatan Laut Amerika Serikat. Salèrana orèng sè ḍâ’-aḍâ’ ajhâlân è Bulân. Sabellum ḍhâḍḍhi astronot, Armstrong panèka pârwira Angkatan Laut Amerika Serikat bân a tugas è Perrang Korea. Saellana perrang, salèrana ḍhâḍḍhi pilot ojhi coba’ è Komite Penasehat Nasional ka angghuy Stasiun Penerbangan Kecepatan Tinggi Aeronautika, samangkèn Pusat Penelitian Penerbangan Dryden, tempat salèrana nyatet para' 900 penerbangan. Salèrana lulus ḍâri Universitas Purdue bân ampon lastare a kuliah sarjana è Universitas Southern California.

Mènangka peserta è ḍâlem program penerbangan luar angkasa Man In Space Soonest bân X-20 Dyna-Soar Angkatan Uḍara Amerika Serikat, Armstrong ngèrèng Korps Astronot NASA è taon 1962. Penerbangan luar angkasa pertamana panèka misi Gemini 8 NASA è taon 1966, sè èghâbây pilot komanḍo bân ḍhâḍḍhi warga AS pertama è lowar angkasa.^[1] È misi panèka, salèrana ngalakonè pangerrebbhân duwâ' pesawat ruwang angkasa sè a pilot pertama kalabân pilot David Scott.

Penerbangan lowar angkasa sè kaḍuwâ' bân sè ahèr Armstrong panèka ḍhâḍḍhi komanḍan misi penḍaratan bulân Apollo 11 è bulân Juli 1969. È ḍâlem misi panèka, Armstrong bân Buzz Aldrin toron ka bulân bân mataḍâ’ ḍuwâ’ setengnga jhâm kaangghuy ajâlajah Bulân, ḍhinèng Michael Collins pagghun è orbit è dâlem tarèkah Komando. Armstrong èberri' Medali Kebebasan Presiden sareng Presiden Richard Nixon kalabân Collins bân Aldrin, Medali Kehormatan Luar Angkasa Kongres sareng Presiden Jimmy Carter è taon 1978, bân Medali Emas Kongres è taon 2009.Tanggal 25 Agustus 2012, Armstrong seda è Cincinnati, Ohio,^[2] è omorra 82 taon polana komplikasi dâri arteri koroner sè asompet.

Taon-Taon Pertama

Neil Armstrong bhâbbhâr è tangghâl 5 Agustus 1930 ^[3] è Wapakoneta, Ohio, pottra dâri Stephen Koenig Armstrong bân Viola Louise Engel. ^[4] ^[5] Salèrana teḍḍhâ’an Skotlandia bân Jerman, bân anḍi' ḍuwâ' alè’, June bân Dean. Stephen Armstrong alako ḍhâḍḍhi auditorra ^[6]pamarèntah naghârâ bâgiyân Ohio, bân kâlowargana apinda ka 20 kotta è Ohio è 15 sajjhek Armstrong bhâbbhâr. Kâsennenganna nerbang tombu molaè bâkto ramana ngater Neil sè ghik omor 2 taon ka Cleveland Air Races. Tangghâl 20 Juli 1936, è omor 6 taon, Armstrong ngarâssaen penerbangan de’-ade’en è pesawat Ford Trimotor sè èjhulughi "Tin Goose" kalabân ramana è Warren, Ohio. ^[7]

Paleng ahèr ramana ngallè ka Wapakoneta (Auglaize County) è taon 1944, è ḍissa Neil ajhâr è Blume High School. Armstrong molaè ngala' palajhâran nerbang è bandara kabupaten lokal, bân ollè sertifikat nerbang è omorr 15 taon, sabellumma ollè SIM. Armstrong aktif è Pramuka bân èberri'i pangkat Pramuka Garuḍa . Menangka orèng seppo, èpon èberri'i pengharghâân Distinguished Eagle Scout Award bân Silver Buffalo Award sareng Boy Scouts of America. ^[8]Tangghâl 18 Juli 1969, è bâkto nerbang ka Bulân è Columbia, salèrana nyapa ca-kanca Pramukana: "Sengko’ terro ngoca'aghi salam ka sakabbhina kanca sè bâdâ è gerakan Pramuka è Farragut State Park è Idaho sè hadir è National Jamboree minggu rèya; bân Apollo11 nyo'onnaghi se paleng sae bhâḍhi kabbih. Houston: "sâkalangkong, Apollo 11. Sengko’ yâkin maske ta’ ngeding, reng-oreng jâreya bhâkal ngedinga e berta. kabbi bhâkal cè' ngarghâna." ^[9]

Anggkatan Laut

Pamanggilân Armstrong dâri Angkatan Laut dâtâng è tangghâl 26 Januari 1949, èpakon alapor ka Stasiun Udara Angkatan Laut Pensacola kaangghuy pâlateyân penerbangan. Pâlateyân panèka ajhân 18 bulân; è bâkto jârèya èangghep sanggup mendarat è kapal induk USS Cabot bân USS Wright. Tangghâl 16 Agustus 1950, duminggu saamponna ulang taonna sè kapeng 20, Armstrong è kèrèmèh sorat sè nyataaghi jhâ' aba'na la ngampengè sarat ḍhâḍḍhi Penerbang Angkatan Laut . ^[10]

↑ "Elliot M. See, Jr"NASA. Èaksès 2025-04-03
↑ "Space legend Neil Armstrong dies" CNN. Èaksès tangghâl April 03, 2025.
↑ http://www.jsc.nasa.gov/Bios/htmlbios/armstrong-na.html NASA. Èaksès 2025-04-03
↑ http://www.wapakoneta.net/history. Èaksès 2025-04-03
↑ Hansen 2005, pp. 49–50.
↑ "Neil Armstrong grants rare interview to accountants organization", CBC News. Èaksès 2025-04-03
↑ http://history.nasa.gov/ap11ann/astrobios.htm#Armstrong NASA. Èaksès 2025-04-03
↑ http://www.scouting.org/filestore/pdf/02-529.pdf Boy Scouts of America.https://web.archive.org/web/20160312002744/http://www.scouting.org/filestore/pdf/02-529.pdf. Èaksès 2025-04-03
↑ http://history.nasa.gov/ap11fj/09day3-entering-eagle.htm NASA. Èaksès 2025-04-03
↑ Hansen 2005, pp. 68–78.

[1] "Elliot M. See, Jr"NASA. Èaksès 2025-04-03

[2] "Space legend Neil Armstrong dies" CNN. Èaksès tangghâl April 03, 2025.

[bio-3] ttp://www.jsc.nasa.gov/Bios/htmlbios/armstrong-na.html NASA. Èaksès 2025-04-03

[4] ttp://www.wapakoneta.net/history. Èaksès 2025-04-03

[5] Hansen 2005, pp. 49–50.

[6] "Neil Armstrong grants rare interview to accountants organization", CBC News. Èaksès 2025-04-03

[7] ttp://history.nasa.gov/ap11ann/astrobios.htm#Armstrong NASA. Èaksès 2025-04-03

[desalista-8] ttp://www.scouting.org/filestore/pdf/02-529.pdf Boy Scouts of America.https://web.archive.org/web/20160312002744/http://www.scouting.org/filestore/pdf/02-529.pdf. Èaksès 2025-04-03

[9] ttp://history.nasa.gov/ap11fj/09day3-entering-eagle.htm NASA. Èaksès 2025-04-03

[10] Hansen 2005, pp. 68–78.

[1]

[2]

[3]

[4]

[5]

[6]

[7]

[8]

[9]

[10]