Kilab bin Murrah

Kilab bin Murrah sorang bângâseppo ḍâri pangibâna ajârân Islam, panèka Nabi Muhammad.

Orèng towa ḍuwâ'na Kilab panèka katoronan Ibrahim ḍâri pottrana Ismail, bân nyarè ghâris katoronanna kabbi abâli ka Fihr bin Malik, ghârumbhâ Bani Quraisy. Èngghi panèka pottra ḍâri Murrah bin Ka'ab bin Lu'ay bin Ghalib bin Fihr bin Malik ḍâri binè ḍâ'-aḍâ'na sè asmana Hindun binti Surayr bin Harits bin Thalabah bin Fihr bin Malik.

Kilab ngaghungi ḍuwâ' trètan tongghâl eppa', Taim bin Murrah bân Yaqazah bin Murrah, ḍâri binè sè nomer ḍuwâ' eppa'na sè asmana Asma binti Adiy (Hindun binti Haritsah al-Bariqiyyah) ḍâri Asad.

Kilab akabin bân Fatimah binti Sa'ad bin Sayal, pas alahèraghi ḍuwâ' pottra. Pottra sè wa'-towaan asmana Zuhrah bin Kilab, ghârumbhâ ḍâri Bani Zuhrah; bân pottra sè ḍâ'-ngoḍâân asmana Qushay bin Kilab, èngghi panèka pajâgâna ka'bah sè ḍâ'-aḍâ' è kaom Bani Quraisy. Saampona pasèdhâna, binèna araka polè kalabân Rabi'ah bun Haram ḍâri suku Bani 'Udzrah.