Lompat ke isi

George Washington

Beccè' interwiki
Ḍâri Wikipèḍia bhâsa Madhurâ, lombhung pangataowan mardhika
Infobox orangGeneral (en) Terjemahkan Edit nilai pada Wikidata
George Washington
Asmana ḍâlem bhâsa asli(en) George Washington Edit nilai pada Wikidata
Carèta oḍi'
Èlahèraghi22 Fèbruwari 1732 Edit nilai pada Wikidata
Westmoreland County (en) Terjemahkan Edit nilai pada Wikidata
Sèdhâ14 Ḍèsèmber 1799 Edit nilai pada Wikidata (67 taon)
Mount Vernon (en) Terjemahkan Edit nilai pada Wikidata
Penyebab kematian (id) TerjemahkanAcute laryngitis (en) Terjemahkan Edit nilai pada Wikidata
Tempat pemakaman (id) TerjemahkanWashington's Tomb (en) Terjemahkan, New Tomb (1831–)Coordinates: Missing latitude
Argumen-argumen yang tidak sah telah diberikan kepada fungsi {{#coordinates:}}
Mount Vernon (en) Terjemahkan, Old Tomb (1799–1831)Coordinates: Missing latitude
Argumen-argumen yang tidak sah telah diberikan kepada fungsi {{#coordinates:}} Edit nilai pada Wikidata
  Commanding General of the United States Army (en) Terjemahkan 

13 Juli 1798 – 14 Ḍèsèmber 1799
← James Wilkinson (mul) Terjemahkan – Alexander Hamilton (id) Terjemahkan →
 1r Presiden Amerika Serikat (id) Terjemahkan 

30 April 1789 – 4 Maret 1797
← Office established (en) Terjemahkan – John Adams (id) Terjemahkan →

 1r Presiden terpilih Amerika Serikat (id) Terjemahkan 

Jânuwari 1789 – 30 April 1789
← tanpa nilai – John Adams (id) Terjemahkan →

  Delegate to the United States Constitutional Convention (en) Terjemahkan 

25 Mèi 1787 – 17 Sèptèmber 1787
Daerah pemilihan (id) Terjemahkan: Virginia (id) Terjemahkan

  Ketua (id) Terjemahkan 

19 Junè 1783 – 14 Ḍèsèmber 1799 – Alexander Hamilton (id) Terjemahkan →
  Commanding General of the United States Army (en) Terjemahkan 

15 Junè 1775 – 23 Ḍèsèmber 1788
  Member of the Virginia House of Burgesses (en) Terjemahkan 

1758 – 1776
  Member of the Virginia House of Delegates (en) Terjemahkan 

Edit nilai pada Wikidata
Data pribadi (id) Terjemahkan
AghâmaGereja Episkopal di Amerika Serikat (id) Terjemahkan bi' freemasonry (id) Terjemahkan Edit nilai pada Wikidata
Tègghi74 in Edit nilai pada Wikidata[convert: unknown unit]
Kalakoan
KarjâPolitikus (id) Terjemahkan, petani (id) Terjemahkan, kartografer (id) Terjemahkan, geometer (en) Terjemahkan, insinyur (id) Terjemahkan, davlat arbobi (mul) Terjemahkan, revolusioner (id) Terjemahkan, penulis (id) Terjemahkan bi' army officer (en) Terjemahkan Edit nilai pada Wikidata
Periode aktif (id) Terjemahkan1752 Edit nilai pada Wikidata –  Maret 1797 Edit nilai pada Wikidata
Partai politik (id) TerjemahkanPartai Federalist (id) Terjemahkan (1798–) Edit nilai pada Wikidata
Cabang militer (id) TerjemahkanAngkatan Bersenjata Kontinental (id) Terjemahkan bi' Angkatan Darat Amerika Serikat (id) Terjemahkan Edit nilai pada Wikidata
Pangkat militer (id) Terjemahkankolonel (id) Terjemahkan
Mayor Jenderal (id) Terjemahkan (1775–1798)
Letnan jenderal (AS) (id) Terjemahkan (1798–1976)
General of the Armies (id) Terjemahkan (1976–) Edit nilai pada Wikidata
Konflik (id) TerjemahkanPerang Revolusi Amerika Serikat (id) Terjemahkan, Kampanye Philadelphia (id) Terjemahkan, Perang Perancis dan Indian (id) Terjemahkan, Kampanye Boston (id) Terjemahkan, Battle of Fort Necessity (en) Terjemahkan, New York and New Jersey Campaign (en) Terjemahkan, Perang Indian Barat Laut (id) Terjemahkan, Braddock Expedition (en) Terjemahkan, Battle of the Monongahela (en) Terjemahkan, Battle of Jumonville Glen (en) Terjemahkan bi' Yorktown campaign (en) Terjemahkan Edit nilai pada Wikidata
Bhâlâ
Keluarga (id) TerjemahkanWashington family (en) Terjemahkan Edit nilai pada Wikidata
Pasangan nikah (id) TerjemahkanMartha Washington (id) Terjemahkan (1759–1799) Edit nilai pada Wikidata
PottraGeorge Washington Parke Custis (mul) Terjemahkan Edit nilai pada Wikidata
Orèng towaAugustine Washington (id) Terjemahkan Edit nilai pada Wikidata, Mary Ball Washington (id) Terjemahkan Edit nilai pada Wikidata
Saudara (id) TerjemahkanBetty Washington Lewis (mul) Terjemahkan, Samuel Washington (en) Terjemahkan, John Augustine Washington (en) Terjemahkan, Charles Washington (en) Terjemahkan, Mildred Washington (en) Terjemahkan, Butler Washington (en) Terjemahkan, Lawrence Washington (en) Terjemahkan, Augustine Washington Jr. (en) Terjemahkan bi' Jane Washington (en) Terjemahkan Edit nilai pada Wikidata
Kerabat (id) TerjemahkanMartha Parke Custis (en) Terjemahkan (stepdaughter (en) Terjemahkan)
John Parke Custis (en) Terjemahkan (stepson (en) Terjemahkan) Edit nilai pada Wikidata
Penghargaan (id) Terjemahkan
Tanda tangan (id) Terjemahkan
Lambang kebesaran (id)  George Washington
Musicbrainz: b0eb9de7-74d7-4177-9ac0-4f54cf462c76 Edit nilai pada Wikidata

George Washington (22 Februari 1732–14 Desember 1799) panèka Bhâpak Pendiri Amerika Serikat, perwira militer, bân politisi sè ajabat presiden lughâllunah Amerika Serikat ḍâri taon 1789 kantos 1797. Ètoddhu' sareng Kongres Kontinental kaḍuwâ' mènangka komandan Angkatan Bersenjata Kontinental n. 1775, Washington mimpin Patriot kaagghuy mennang è Perang Revolusi Amerika bân salastarèna dhâddhi Konvensi Konstitusional è taon 1787, sè nyoson Konstitusi Amerika Serikat samangkèn. Washington saterrossa èkennal mènangka "Bhâpak naghârânah."

Jabatan publik lughâllunah neng Washington, ḍâri taon 1749 kantos 1750, panèka mènangka surveyor Culpeper County è Koloni Virginia. È taon 1752, èpon narèma pelatihan militer bân èberri'i pangkat mayor è Resimen Virginia. È bâkto Perang Perancis bân India, Washington èpaènga' dhâddhi letnan kolonel è taon 1754 bân saterrossa dhâddhi kapala Resimen Virginia è taon 1755. Saamponna ghènèka èpèlè dhâddhi angghuta Virginia House of Burgesses bân èangka' mènangka delegasi ghâbây Kongres Kontinental è Philadelphia, sè ngangkat èpon panglima Angkatan Darat Kontinental. Washington mimpin pasukan Amerika bân kamennangennah è attas Inggris è Perang Revolusi, sè aghâbây Inggris atandatangani Perjanjian Paris, sè ngakoè kedaulatan bân kamardika'an Amerika Serikat. Salèrana toron dâri jabatanna è taon 1783 saamponna ahèrra Perang Revolusi.

Washington aghâdhui peran sè penting ḍâlem ngadopsi bân ngesahaghi Konstitusi, sè aghântè'è Artikel Konfederasiè taon 1789. Saamponnah ghènèka, èpon èpèlè ḍuwâ' kalè mènangka presiden kalabân èsepakati sareng Electoral College è taon 1788 bân 1792. Menangka presiden AS lu-ghâllunah, Washington alaksanaaghi pamarèntaan nasional sè kowat bân andil pendanaan sè beccè', namong pagghun ta' memihak ḍâlem persaingan sè sengit sè èmolaè antara angghuta kabinet Thomas Jefferson bân Alexander Hamilton. È bâkto Revolusi Perancis, èpon èproklamasiaghi kabijakan netral bân jhughân setuju ḍâ' Parjhânjhiyân Jay. Salèrana netteppaghi preseden sè langgheng ghâbây kantor presiden, tamaso’ republikanisme, transfer kakobâsa'an sacara aman, ghâdhuennah gelar "Tuan Presiden ", bân tradisi ḍuwâ' periode. Pidato parpèsaan, sè ètolès è taon 1796, dhâddhi pernyataan terkemuka tentang republikanisme  sè nolès tentang pentingnga persatuan nasional bân bahaya sè èghâbây sareng regionalisme, keberpihakan, bân pangaro manca.

Citra Washington panèka ikon budâjâ Amèrika Serikat. Salèrana ampon èabadiaghi kalabân monumen, arè-arè notopan federal, bânnya' paghâmbhârân media, lokasi geografis tamaso’ ibukota naghârâ, Naghârâ Bâgiyân Washington, perangko bân mata pèssè. È taon 1976, Washington èpromosiaghi pangkat Jenderal Angkatan Darat, pangkat palèng tèngghi è Angkatan Darat Amèrika Serikat . Washington ros-terrosan nempatè peringkat dâlem jajak pendapat sè terkenal bân ilmiah mènangka sala sèttong presiden sè palèng bhâgus dâlem sajhârâ Amèrika Serikat.

Kaoḍi'ân Awwâl (1732–1752)

[beccè' | beccè' sombher]

George Washington lahir è tangghâl 22 Februari 1732 è Popes Creek, Westmoreland County, Virginia.[1] Salèrana panèka ana' sè palèng towa ḍâri Augustine bân binèna sè kaḍuwâ', Mary Ball Washington.[2] Ramana lahir dâri kalowarga soghi sè asalla ḍâri Sulgrave, Inggris.[3] Mbanah George, John Washington, nengenneng è Virginia è taon 1657, maddhek perkebunan bhâko Popes Creek, bân ngaollè kakayaan aropaaghi tana bân buḍâk. Mbanah George, Lawrence bân Augustine, èbhu'na jhughân pongghâbâ tana bân pongghâbâ budâk'.[4] Augustine dhibi' jhughân atugas mènangka Hakim Perdamaian bân panèka tokoh terkemuka sè èberkatè 10 ana' (4 panèka ḍâri perkawinan pertamana sareng Jane Butler, è bâkto sè laènna ḍâri parkawinanna sareng Mary).[5]

George rajâ neng è daerah Tidewater è Virginia.[6][7] È bâkto aomor tello taon, kalowargana apinḍa ḍâri perkebunan Popes Creek ka perkebunan Epsewasson è pengghirrâ Songay Potomac. Tello taon saterrossa, rèng-orèng rowa apinḍa ka Ferry Farm è semma'na Fredericksburg.[8] Ca’èpon jhâ' kennengngan panèka aropaaghi latar kadhâddhiyân sè ècarètaaghi dâlem anekdot sè ètolès sareng Parson Weems.[9] Menorot anekdot, Agustinus perna atanya ka George ponapa salèrana sè marosak ka'-bhungka'an ceri, sè èjawab George, "Kaulâh ta' bisa lècèk; Kaulâh ampon ngettok bhungka ghènèka kalabân kapak kènè'." [10]

Tanghâl 12 April 1743, Augustine sèdhâ, saèngghâ Mary kodhu arabât George kadhibi'an.[11] George èwarisi Ferry Farm bân sapolo buḍâk, seddheng kakak bâllunnah, Lawrence, ngaollè Epsewasson bân ngobâ nyamana dâddhi Mount Vernon.[12] George pas mabhâttal rèncanana kaangghuy ajhâr è Appleby Grammar School è Inggris.[13] Salerana ajhâr duwâ' kantos tello taon è sakola'an pendeta Anglikan James Mayre è Fredericksburg.[14]

George sanget èpangaro sareng kunjunganna ka Mount Vernon, bân jhughân ka Belvoir, perkebbhunan sè èghâdhui William Fairfax.[15] George terro oḍi' akadhi orèng soghi sè andi' tana. Fairfax nangalè jhâ' George andi' potensi, bân èpon dhâddhi rama angkat.[16] È taon 1748, Fairfax ngèrèm George abâreng para pangokor wilajhâ kaangghuy ngokor tananah Fairfax è Shenandoah.[17] Namong, saamponna alèbâthih bulân sè kerras, George motossaghi kaangghuy kalowar dâri kalompo' bân molè.[18]

È taon 1749, George narèma lisensi mènangka pangokor ḍâri College of William & Mary, bân è buḍi arè èpaalakoh è Culpeper, Virginia, kalabân bhântowan Fairfax.[19] Salèrana ngalakonè pan-bârâmpan survei è Lembah Shenandoah, khusussa ghâbây Fairfax, bân salèrana ampon biyasa kalabân alam liar. È bulan Oktober 1750, George ampon mellè para' 1.500 ekar (600 ha) è lembâ Shenandoah, bân èpon pensiun dâri lalakonna è Culpeper. È taon 1752, èpon ampon aghâdhui 2.315 ekar (937 ha) tana è cora.[20]

È taon 1751, George bân Lawrence entar ka Barbados kalabân pangarep jhâ' iklim bhâkal maèlang panyakèt TBC sè èalami kakakna; Kunjungan panèka sèttong-sèttongnga kunjungan George è loar naghârâ è bâkto oḍi'na.[21] È bâkto parjhâlânan, George èkennèng cacar variola, sè aghâbây èpon kebal, namong mowana dhâddhi akadhi èparot.[22] Kasèhadhân Lawrence terros sajân sarah bân akhèrra matè è tangghâl 26 Juli 1752.[1] George èwârisaghi tana è Mount Vernon è taon 1754 saamponna binèna bân potrana Lawrence matè.[1]

Karir Militer Awwâll (1752–1758)

[beccè' | beccè' sombher]
Mayor Washington è taon 1754

Lawrence aghâdhui pangkat ajudan jenderal è bâkto sèdhâ, sè madâteng inspirasi ka George kaangghuy nerrossaghi karir militer.[19] Salèrana lu-ghâlluna èsangowèh èlmocara kaangghuy makompol bân alatè pasukannah. Saterrossa, letnan gubernur Virginia, Robert Dinwiddie, ngangka’ George mènangka ajhudhân è distrik Lao' è bulân Desember 1752 bân saterrossa jhughân è Distrik ḍâjâ bân Tèmor.[1][19] È bulân Februari 1753, Dindwiddie ngangka’ George mènangka jenderal tambâ’ân distrik kalabân gâji taonan £100, bân è buḍi arè èpangkat dâddhi mayor. George abhâkte mènangka utusan militèr Britania sè abherri' petodu ka para pejabat Perancis kaangghuy ngosongaghi wilajâh sè èklaim sareng Britania. Tello polo taon saterrossa, George ènga’ ḍâ’ masa panèka bân ngoca' jhâ' orèng-orèng è bâkto ghènèka takerjhât karana bâdâ orèng sè "cè' ngoḍâna bân ta' andi' pangalaman" sè èutus kaangghuy ngalakonè tugas sè cè' pentingnga.[17][1]

Pamarènta Inggris ampon marenta'aghi Dinwiddie kaangghuy ajâgâ wilajâh sè èklaim Britania è cekungan Songay Ohio sopajâ pardhâghângan sareng orèng asli bân pemukim bisa èamanaghi.[19] È taon 1753, Dindwiddie ètugasaghi George kaangghuy mabâḍâh perdamaian sareng Konfederasi Iroquois, makompol informasi sè bisa èberri'aghi, bân aghâbây sorat sè nyo'on komandan Perancis Jacques Legardeur de Saint-Pierre è Fort Le Boeuf kaangghuy kalowar dâri Lembah Ohio bân ètabâraghhi èkawal ka ḍaèrah tlaghâ Erie.[1] George bân ennem orèng perbatasan napa' ka Songay Ohio è bulân November, tapè orèng Perancis la mundur. Salèrana atemmo sareng Tanacharison bân para pamimpin Iroquois laènna è Logstown. Salèrana berhasil ollè jhânjhi dukungan ghâbây alabân orèng Perancis, bân saterrossa salèrana mangkat ka Venango kaangghuy atemmoè orèng Perancis, tapè rèng-orèng ghènèka ta' poron narèma sorat-soratta. George pas dâteng ka Fort Le Boeuf, abherri' sorat ka komandan, bân narèma jawabanna sè nyo'on Dinwiddie ngatorragi tuntutanna ka Mayor Jenderal prancis anyard è Quebec.[19][1] È attas parènta ḍâri Dinwiddie, buku arèyan ekspedisi George Washington ècetak sareng William Hunter, bân nyamana Washington èkennal è Virginia bân Inggris;[19] Panerbitan panèka jhughân aghâbây èpon narèma tugas kaangghuy mabhângon kompolan pasukan.[9]

Perang Perancis bân Indian

[beccè' | beccè' sombher]

È taon 1753, pasukan Perancis abâli ka negeri Ohio, è dhissa' Perancis bân Britania nyoba' ngèbâ penduduk asli. Dinwiddie bân Washington panèka pemegang saham è Perusahaan Ohio sè èbentuk kaangghuy memukimkan orèng Virginia è Ohio. Wilajâh sè sabellan bân Songay Monongahela bân Allegheny èrebbhu’ sareng Britania bân Perancis. Hasèlla, Perang Perancis bân India (1754-62) èmolaè, kalabân temba’an sè èparèntaaghi sareng Washington. Temba’an panèka jhughân maḍâteng Perang Pèttong Taon (1756-63).[23]

Letnan Kolonel Washington mabâdâ pertemuan malem è Fort Necessity

Tangghâl 31 Oktober 1753, Gubernur Dinwiddie nugasaghi Washington (sè ampon dhâddhi letnan kolonel è Resimen Virginia sè anyar èbentuk) kaangghuy ngadheppi pasukan Perancis kalabân aman è Forks of the Ohio, bân manabi ta' berhasil bisa nangkep otabâ mate'è orèng sè alabân pamarenta'an Britania è ḍaèrah kasebbhut.[1] Tangghâl 2 April, Washington mangkat kalabân 150 prajurit, bân rèng-orèng rowa dhibi' ngèdingaghi jhâ' orèng Perancis ampon ngojuk para padhâghâng kolonial bân molaè ahbângon Fort Duquesne. Tanacharison nemmoaghi detasemen Perancis è tèmor Uniontown, Pennsylvania, sè èpimpin sareng Joseph Coulon de Jumonville, saènggâ Washington ajâwâb kalabân abhângon Fort Necessity. Saamponna ghènèka, èpon mimpin satuwannah èbârengi sekutu dâri suku Mingo (Iroquois) kaangghuy nyerang pasukan Perancis è tangghâl 28 Mei è paperrangan Jumonville Glen sè ta' abit.[19] Jumonville matè dâlem paperrangan, bân sabâgiyân bânnya' pasukanna ètawan otabâ èpate'è. Mèlana, Tanacharison abherri' Washington jhulughân Conotocaurius ("Pangancor Kotta").[24][25]

Tangghâl 3 Juli 1754, Perancis ngala' tindakan pembalasan kalabân nyerang Benteng Necessity. Washington akhèrra èpaksa nyerah, tapè dokumen nyerah sè ètandatangani ampon èterjemahaghi kalabân tak bhender, karana è bâbâna ènyataaghi jhâ' rèng-orèng kak rowa ampon "mate'è" Jumonville. Akèbâddhâh, Washington èyaranè mènangka panghasut sè molaè perrang.[9] Sejarawan Joseph Ellis nyimpullaghi jhâ' kadhâddhiyân panèka nojjhuaghi kabângalan bân inisiatif ḍâri pihakka, namong è bâkto sè padâ jhughân katon ta' anḍi' pangalaman bân ta' sabbhâr.[26] Namong, Washington jhughân èfitna mènangka dhâddhih sè nyebbhebaghi kakalaan, bân èghântè sareng Kolonel James Innes. Saamponnah abâli ka Virginia, Washington ta' poron èpatoron ḍâri pangkat dâddhi kapten bân toron ḍâri tugassa.[13] Kadhâddhiyân panèka jhughân matarèk perhatian internasional: Perancis ngaranè Jumonville sè ampon èpate'è bâḍâ è dhissa' coma kaangghuy maènga' Washington sopajâ ta' alangghâr wilajâh sè èklaim Perancis.[26] Prancis bân Britania Raya saterrossa molaè aperrang arebbhu’ negeri Ohio kalabân ngèrèm pasukan bân nyataaghi perrang è taon 1756.[25]

Lukisân sè aghâmbhâraghi Letnan Kolonel Washington teppa’ naik jhârân è bâkto pertempuran Monongahela-Regnier, 1834

È taon 1755, Britania Raya molaè ekspedisi palèng rajânah ka koloni-kolonina. Ekspedisi panèka èpimpin sareng Jenderal Edward Braddock kalabân tugas kaangghuy arebbhu’ Fort Duquesne bân ngojuk orèng Perancis dâri negeri Ohio.[19] Braddock matabâr ḍâ’ Washington posisi staf, bân ètarèma.[19] Washington nyaranaghhi Braddock kaangghuy abâgi pasukanna dhâddhi duwâ', bhârisân otama bân bhârisân kaduwâ', kalabân persenjataan dhâmmang sè èsebbhut "bhârisân ngabbher."[23] E bâkto pasukanna agerrak, Washington sakè' bân èdhinaaghi è buḍi. Washington katemmo polè sareng Braddock è Monongahèla. Kalagghuenna, Perancis bân sekutu penduduk aslina nyerang pasukan Braddock sè ampon èbâgi, bân Braddock dhibi' loka sarah è Perang Monongahela, akhèrra matè.[23] Bâḍâ korban sè bânnya' ḍâri pihak Britania, 2/3 sè matè otabâ loka. Washington dhibi' sanggup ngator pasukanna kaangghuy nyurot kalabân cara sè tertib sanajân èpon ngadhebbhi demam bân sakè' cètak.[23] Jhârânna sè ḍuwâ’ ekenneng tembak, bân songkok ban jubana ècapo’ peluru.[19] Tèndhâghân panèka berhasil "menèbus kasala'anna” è Pertempuran Fort Necessity,[18] namong èpon ta' terlibat ḍâlem perencanaan operasi sè èlaksanaaghi sareng panglima pengganti Braddock, Kolonel Thomas Dunbar.[19]

È bulân Agustus 1755, Dinwiddie ngangka’ Washington mènangka kolonel bân panglima tèngghi Resimen Virginia. Salèrana ètugasaghi kaangghuy mempertahanaghi perbâtessan sè lanjhângnga 480 km ḍâri serrangan pribumi sanajân coma anḍi' 300 prajurit.[19] Dupolo perrang èmolaè ḍâlem bekto sapolo bulân.[19] Washington arassa yâkin jhâ' Braddock bhâkal nyaranaghhi aba'na kaangghuy ngaollè pangkat biasa è Angkatan Darat Britania mon aba'na salamet, dhâddhi aba'na nyo'on ka Lord Loudoun.[3] Loudoun nolak parnyo'onanna, namong sangghup massra'aghi tanggung jawab Fort Cumberland dâri Virginia ka Maryland.[3] Jumlah pasukan è bâbâna komando Washington atambâ dhâddhi saèbu. E bâbâna pimpinanna, èpon negghâsaghi pentingnga disiplin bân pelatihan. Berkat lalakonna, orèng-orèng è wilajâh perbâtessan Virginia ta' sangsara akadhi orèng-orèng è koloni perbâtessan laènna. Keberhasilan panèka èangghep sala sèttong "keberhasilan mutlak" Washington è Perang Perancis bân India.[26]

Washington terros nganjuraghi kaangghuy Fort Duquesne èrebbhu’,[19] bân Britania saterrossa ngèrèm Jenderal John Forbes bân Kolonel Thomas Gage kaangghuy arebbhu’ benteng è taon 1758.[19] Washington èpadhâddhi jenderal brigadir kahormatan, bân ḍuwâ' resimenna èparèntaaghi kaangghuy kerjasama.[19] Washington mimpin Resimen Virginia lughâlluh bân atugas è bâbâna Forbes. Saabiddhâh Ekspedisi Forbes, usulan Washington kaangghuy ngalakonè perrang ala Indian ta' èpardhuliaghi. Salèrana panèka sèttong-sèttongnga perwira kolonial è pasukan Britania bân coma masok ḍâlem sèttong perrang è bâkto kampanye militer kasebbhut. Menangka bâgiyân ḍâri rèncana Forbes kaangghuy nyerang Fort Duquesne, Washington mimpin sala sèttong ḍâri tello' brigade sè bâḍâ. Èpon èbherri' tao jhâ' bâḍâ pengintai moso, bân èpon ngotos Kolonel George Mercer èbhârengi ratosan prajurit Virginia kaangghuy nyelidiki. Sowara peluru ekèding ḍâri jhâuna. Satuan Washington arèspon tèmba’an, tapè akhèrra nembak kancana dhibi' bâkto bala bhântowan dâteng.

Forbes berhasil makompol 2.500 pasukan è ahèr bulân November kaangghuy melancarkan serrangan ahèr ka Fort Duquesne, bân èpangkat sareng Washington dhâddhi brigadir jenderal kehormatan bân èpadhâddhih jhughân pimpinan operasi. Pasukanna ḍâtèng ka Benteng Duquesne è tangghâl 25 November, namong benteng panèka èlang bân èobbar sareng orèng Perancis. Pasukan Britania ampon ngaollè kamennangan strategis lèbât keberhasilanna è ḍâlem arebbhu’ lembâ Ohio, namong Washington ambu ḍâri tugassa è Resimen Virginia è bulân Desember 1758 bân abâli ḍâ’ Mount Vernon. Perang Perancis bân India èsambhât kalabân ḍuwâ' parjhânjhiyân sè ètandatangani è taon 1763: Parjhânjhiyân Paris sè èsambhât perrang è Amerika Dâjâ bân Parjhânjhiyân Hubertusburg sè èsambhât perrang è Eropa. Maskè Washington ta' narèma pangkat biasa è Angkatan Darat Britania, èpon ajhâr bânnya' tentang taktik pertempuran bân kepemimpinan militer Britania. Bherkat pangalaman panèka, èpon jhughân yâkin jhâ' pamarènta pusat sè kowat panèka parlo. Namong, è bâkto panèka, èpon jhughân nyakse'è langsung persaingan bân perpeca’an è antara politisi kolonial sè coma bisa ngabâs jangka panḍâ', bân hal-hal akadhi panèka bhâkal muncul polè è ḍâlem pamarèntaan Patriot saabiddhâh Revolusi Amerika.[21]

Dhâddhi Pangusaha bân Politisi (1759–1774)

[beccè' | beccè' sombher]

E bâkto aomor 27 taon, Washington akabin sareng Martha Dandridge Custis, randhâ soghi sè aomor 28 taon sè ampon dhâddhi binèna almarhum Daniel Parke Custis. Martha panèka orèng sè pènter bân bhârânca, bân ampon apangalaman è ḍâlem ngator tana sè èghâdhui sareng towan tana. kaduwâ'na ajhâlin parkabinan sè senneng. Kaḍuwâna areng-sareng ngajhâri John Parke Custis bân Martha Parke (Patsy) Custis, ḍuwâ' ana' ḍâri lakèna Martha sabellunna, bân saterrossa jhughân ngajhâri ponakanna, Eleanor Parke Custis bân George Washington Parke Custis. Panyakèt campak variola sè toman merrè ḍâ’ Washington è taon 1751 èyangghep aghâbây èpon mandul, bân kaḍuwâna cè' sossa karana ta' èbherkatè ana'. Kaḍuwâna apinḍa ka Gunong Vernon  semma’ ḍâ’ Alexandria, è ḍissa' kaḍuwâna oḍi’ mènangka pongghâbâ bhâko bân gandum, bân jhughân molaè dhâddhi tokoh politik.[21]

Bherkat pakabinan panèka, Washington ollè hak ghâbây sapartello' ḍâri arta sè èkaollè Martha ḍâri almarhum lakèna. Lakèna dhibi' anḍi' 18.000 ekar (7.300 ha) tana sè arghâ sekitar £40.000 (sè èpadhâddhi $10 juta è taon 2018). Washington jhughân ngator ḍuwâ' pertèlo ḍâri kapamilikan lèbât ana'na Martha. Salaèn ghèpanèka, èpon ollè 84 buḍâk' ḍâri pakabinan panèka. dint ka'ḍ, èpon dhâddhi sala sèttong orèng soghi è Virginia bân drâjhâddhâh meningkat.[27]

Karana desakan ḍâri Washington, Gubernur Lord Botetourt alaksanaaghi jhânji sè èghâbây sareng Dinwiddie è taon 1754 kaangghuy aberri' hadiah tana ḍâ' kabbhi milisi sukarelawan è bâkto Perang Perancis bân Indian. È aher taon 1770, Washington marèksa tana è ḍaèrah songay Ohio bân Kanawha, bân maalakoh pangokor tana, William Crawford sè èalokasiaghi 23.200 ekar (9.400 ha) tana sè palèng bhâgus ghâbây Washington. Washington mator ḍâ' para veteran jhâ' tana rèng-orèng rowa bukit bân ta' cocok kaangghuy ètanè, bân èpon sangghup mellè 20.147 ekar (8.153 ha) ḍâri tana rèng-orèng rowa. Bânnya' sè senneng kalabân jhuwâlân tana panèka, tapè sè laèn arassa èco-koco. Washington jhughân aghâlimpo'aghi lowassa Ghunong Vernon dhâddhi 6.500 ekar (2.600 ha) bân nambâi jumlah buḍâk dhâddhi lebbi ḍâri 100 è taon 1775.[26]

Washington èpèlè dhâddhi angghuta House of Burgesses Virginia sè ngawakilè Frederick County è taon 1758, bân èpon ngabdhi saabiddhâ pèttong taon. Sabellunna ghâpanèka, è taon 1755, èpon ampon mèkkèr kaangghuy ongghâ dhâddhi calon dewan neng ḍaèrah asaalah, Fairfax County, namong èpon tak dhâddhi ongghâ saamponna arassa ta' bisa mennang. [ 70 ] È pemilu 1758, èpon nyoba' ngala’ atèna pamèlè kalabân 170 galon arak bherrâs, bir, wine, bân cider ghâli, sanajân èpon ta' hadir sacara langsung karana èpon ghi' talèbât è Ekspedisi Forbes. Jumlah sowara sè èkaollè è pemilu para' 40% bân èpon berhasil makala tello' calon laènna. Washington jarang acaca è adha'na orèng bânnya' tentang karir legislatiffa, tapè  dhâddhi kritikus kebijakan pajhek bân merkantilisme Britania è taon 1760-an.[18]

Washington panèka orèng pongghâbâ bân lalakonna tamaso' aburu rubah, mancing, atari bân apesta, nyonggngo’ teater, balapan, bân sabung ajâm. Èpon jhughân senneng amaèn kartu, backgammon, bân billiard. Kalakoennah aropa’aghi orèng se anḍi’ kebbhun. Washington ngèmpor bhârang-bhârang mewah bân bhârang-bhârang laènna ḍâri Inggris bân majâr ngangghuy bhâko. È taon 1764, bâkto pasar bhâko sè toron nimbullaghi otang £1.800, èpon merrè ka bidang laèn bân musattaghi paratèennah ḍâ’ kauangan bân ngurangè impor bhârâng mewah. [ 74 ] Salèrana ngobâ sombher panghasèlan otama Ghunong Vernon ḍâri bhâko dhâddhi gandum, bân salèrana jhughân ajhâlânaghi paghilingan tepong, mancèng, ternak jhârân, ternak babi, pemintalan, panennunan. [ 75 ] È taon 1790-an, èpon maddhek pabrik penyulingan sè ngasèllaghi wiski.[18]

Pottra bâllunnah Washington, Patsy Custis, ècapo’ epilepsi è bâkto aomor 12 taon, bân matè è taon 1773. Saarè saamponna ghènèka, Washington nolès sorat ḍâ’ Burwell Bassett: "Lebbi ghâmpang abâyangaghi, ètèmbhâng ajhârbâ'aghi, kasossa'an kalowarga rèya...." Salèrana abhâttalaghi sadhâjâna usaha bân pagghun asareng Martha sabbhân malem saabiddhâh tello bulân. Satengnga ḍâri sangkolan Patsy bisa èghunaaghi kaangghuy majâr otang ḍâri kreditur Britania.[26]

Washington dhibi' èangghep mènangka bâgiyân ḍâri elit politik bân sosial è Virginia. taon 1768 kantos 1775, Washington ngonjhâng ra-kèra 2.000 orèng ka Ghunong Vernon, sè sabâgiyân bânnya' orèng sè èangghep "sadhârâjhât." Parkara rèng-orèng sè pangkattah lebbi rèndâ, ḍpon aberrih' saran kaangghuy "èperlakuaghi kalabân cara manossa", namong "jâgâ jarak, karana rèng-orèng panèka bhâkal melunjak lantaran akrab, sabâtara kakowasaan sajân toron".[28]

Kamatèyan

[beccè' | beccè' sombher]

È tangghâl 14 Desember 1799, George Washington matè neng romanah saamponnah sakèk sè mistèrius bân ampon kaèlangan ḍârâna ra-kèra 40 persen.[29]

Tangghâl 12 Desember 1799, Washington marèksa kebbhunna kalabân nompa' jhâran è bâkto cuaca sè ta' beccè' è ḍâlem bâkto lèma jhâm. Salèrana pas ngakan sareng tamoy ta' ngangghuy kalambhi kerrèng. Washington sakè' gherrungan tapè ampon cokop bârâs kaangghuy nandhâ'aghi ka'-bhungka'an kaangghuy èpogher. Kalagguenna, è bâkto ghu-lagghu, èpon jhâghâ kalabân gherrungan sè radang bân malarat sè anyabâ'âh. Salèrana marènta ḍâ' pangawas tana, George Rawlins, kaangghuy makalowar ḍârâna (pèlèyan ḍârâ panèka praktek umum è bâkto ghènèka). Kalowargana ngolok dokter James Craik, Gustavus Richard Brown, bân Elisha C. Dick. Brown awalla parcajâ jhâ' Washington anḍi' radang, nyangkana kondisi panèka lebbi parah "peradangan sè ganas è gherrungannah". Dokter pas makalowar ḍârânah empa' kalè ḍâlem 8 jhâm. Pas ènyataaghi jhâk Washington ampon kaèlangan ḍârâna sabennya'an 40 persen.

Washington akemmur kalabân camporan mulase, cokkah, bân mantèghâ, èpon ngèro' uappah cokkah bân udara panas.


Sombher

[beccè' | beccè' sombher]
  1. ↑ 1,0 1,1 1,2 1,3 1,4 1,5 1,6 1,7 Ron Chernow, Washington: A Life. 2010. Kaca 6. Bisa maca neng situs Amazon.
  2. ↑ Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 3.
  3. ↑ 3,0 3,1 3,2 Ron Chernow, Washington: A Life. 2010. Kaca 3-5. Bisa maca neng situs Amazon.
  4. ↑ Ron Chernow, Washington: A Life. 2010. Kaca 3-5. Bisa maca neng situs Amazon.
  5. ↑ Cooke, Jacob E. (2002). "George Washington". Dalam Graff, Henry (ed.). The Presidents: A Reference History (edisi ke-3). Scribner. hlm.  1– 21. ISBN nomor telepon 9780684312262.
  6. ↑ Chernon (2010). Washington: Sebuah Kehidupan . Penguin Press. ISBN nomor telepon 9781594202667.
  7. ↑ Alden, John R. (1996). George Washington: A Biography. Louisiana State University Press. ISBN nomor telepon 9780807121269.
  8. ↑ Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 4.
  9. ↑ 9,0 9,1 9,2 Grizzard, Frank E. Jr. (2002). George Washington: A Biographical Companion. ABC-CLIO. ISBN 9781576070826.
  10. ↑ Novak, Michael; Novak, Jana (2007). Washington's God: Religion, Liberty, and the Father of Our Country. Basic Books. ISBN 9780465051267.
  11. ↑ Ron Chernow, Washington: A Life. 2010. Kaca 8-10. Bisa maca neng situs Amazon.
  12. ↑ Ron Chernow, Washington: A Life. 2010. Kaca 9-10. Bisa maca neng situs Amazon.
  13. ↑ 13,0 13,1 Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 14.
  14. ↑ Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 5-6.
  15. ↑ Cooke, Jacob E. (2002). "George Washington". Dalam Graff, Henry (ed.). The Presidents: A Reference History (edisi ke-3). Scribner. hlm.  2. ISBN nomor telepon 9780684312262.
  16. ↑ Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 4-5, 73.
  17. ↑ 17,0 17,1 Randall, Willard Sterne (1997). George Washington: A Life. Henry Holt. ISBN 9780805027792.
  18. ↑ 18,0 18,1 18,2 18,3 Ferling, John E. (2002). Setting the World Ablaze: Washington, Adams, Jefferson, and the American Revolution. Oxford University Press. ISBN 9780195134094.. 2002. Kaca 15.
  19. ↑ 19,00 19,01 19,02 19,03 19,04 19,05 19,06 19,07 19,08 19,09 19,10 19,11 19,12 19,13 19,14 19,15 Fitzpatrick, John C. (1936). "Washington, George". In Malone, Dumas (ed.). Dictionary of American Biography. Vol. 19. Scribner. pp. 509–527.
  20. ↑ Ron Chernow, Washington: A Life. 2010. Kaca 23. Bisa maca neng situs Amazon.
  21. ↑ 21,0 21,1 21,2 Ron Chernow, Washington: A Life. 2010. Kaca 24. Bisa maca neng situs Amazon.
  22. ↑ Flexner, James Thomas (1965). George Washington: The Forge of Experience (1732–1775). Little, Brown. ISBN 9780316285971.
  23. ↑ 23,0 23,1 23,2 23,3 Alden, John R. (1996). George Washington: A Biography. Louisiana State University Press. ISBN 9780807121269.
  24. ↑ Lengel, Edward G. (2005). General George Washington: A Military Life. Random House. ISBN 9781400060818.
  25. ↑ 25,0 25,1 Anderson, Fred (2007). Crucible of War: The Seven Years' War and the Fate of Empire in British North America, 1754–1766. Alfred A. Knopf. ISBN 9780307425393.
  26. ↑ 26,0 26,1 26,2 26,3 26,4 Ellis, Joseph J. (2004). His Excellency: George Washington. Alfred A. Knopf. ISBN 9781400040315.
  27. ↑ Wiencek 2003; "Ten Facts About Washington & Slavery".
  28. ↑ Fischer, David Hackett (2004). Washington's Crossing. Oxford University Press. ISBN 9780195170344.
  29. ↑ The mysterious death of George Washington. Staf NCC. Èakses tangghâl 2025-04-14.
Èpondhut ḍâri "https://mad.wikipedia.org/w/index.php?title=George_Washington&oldid=42903"