Mardì
|
Quest articol chì l'è scrivud in lombard, con la Noeuva Ortografia Lombarda |
El Mardì (apò Martedì) a l'è el segond dì de la setimana: el ven prima del mercoldì e dopo del lundì.
In de le lengue neo-latine la parolla la deriva del latin martes dies, che 'l significa dì de Mart, invece in portoghes la se ciama Terça Feira, cioè terz dì, perchè el prim dì a l'è la domenega per la tradizzion cristiana. Apò varie lengue celtiche le dopera la derivazzion del latin: l'è insì in irlandes, breton, galles e gaelich scozzes.
Ingles e lengue scandinave le deriva 'l nom del mardì de la divinità nordica Týr: Tirsdag per el danes e 'l norveges, Tuesday per l'ingles modèrno, Tisdag per el svedes e Týsdagur in islandes.
La parolla todesca Dienstag e quella olandesa Dinsdag se pensa che le vegne de 'na interpretazzion de dies judicii (el thing, l'assemblea che i se ciapava le decision in dei popoi germanich) o del Dio Týr sociad al Marte.
Riferimencc
[Modifega | modifica 'l sorgent]Olter progecc
[Modifega | modifica 'l sorgent]
Wikiquote el gh'ha dent citazzion de o su Mardì
Wikimedia Commons el gh'ha dent imagin o alter archivi su Mardì
