Antipapa
|
Quest articol chì l'è scrivud in lombard, con la Noeuva Ortografia Lombarda |
Un antipapa a l'è vun che l'è elesgiud Papa de la Gesa catolega in d'una manera contraria al dirit canonegh o che 'l deciara de vesser lu el vescov de Roma in contrast a un Papa votad legitimament.
El prim antipapa l'è stad l'Ipolit de Roma, elesgiud de un grup scismategh per protesta contra el Calist I e mort in esili dopo vesser conciliad con la Gesa: incoeu l'è sant. Al temp de la lota per i investidure e de la lit in tra poder de Gesa e de l'Imperi gh'è stad vari antipapa, e se pensa che i vari problema de sucession inn stad in tra i varie cause de la reforma protestanta.
Del 1449 el fenomen di antipapa che s'cepen la Gesa l'è finid: gh'è stad vari moviment conclavista che hann votad el so noeuv Papa in polemica con Roma, i pussee important inn la Gesa palmariana e i Apostoi de l'Amor Infinid. I sostenidor del penser benevacantista pensen che 'l papa Franzesch el fuss antipapa, in del vesser votad illegitimament per l'invalidità di dimission del predecessor.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su antipapa
