Op den Inhalt sprangen

Peter Ustinov

Vu Wikipedia
Peter Ustinov
Portrait vun 1986
Gebuer 16. Abrëll 1921
Gestuerwen 28. Mäerz 2004
Genolier
Doudesursaach Häerzschwächt
Nationalitéit Vereenegt Kinnekräich
Educatioun Westminster School
Aktivitéit Schauspiller, Filmregisseur, Schrëftsteller, Fernseemoderator, Dréibuchauteur, Dramatiker, Filmproduzent, Autobiograph, Komiker, Televisiounsschauspiller, Regisseur, Sänger, Synchronspriecher, Filmschauspiller
Member vun Académie des beaux-arts, The Royal Society for the Encouragement of the Arts, Manufactures and Commerce (the RSA)
Gielercher Verdienstkreuz am Bande des Verdienstordens der Bundesrepublik Deutschland, Commander of the Order of the British Empire, Karl-Valentin-Orden, Oscar fir de beschte Schauspiller an enger Nieweroll, Oscar fir de beschte Schauspiller an enger Nieweroll, Commandeur des Arts et des Lettres‎, Großes Verdienstkreuz des Verdienstordens der Bundesrepublik Deutschland, Knight Bachelor, Bayeresche Fernseepräis, Sëlwere Bier
Famill
Bestuet mat Suzanne Cloutier
Papp Jona von Ustinow
Kanner Igor Ustinov

De Sir Peter Alexander Baron von Ustinov, CBE, FRSA, gebuer de 16. Abrëll 1921 zu London, a gestuerwen den 28. Mäerz 2004 zu Genolier am Kanton Vaud, war en englesche Kënschtler an de Beräicher Film, Tëlevisioun, Theater, Literatur a Musek.

Hie war als Schauspiller a Schrëftsteller bekannt, ma och als Film-, Theater- an Opereregisseur, Bünebild-Designer, Komiker, Humorist, Kolumnist vun Zeitungen an Zäitschrëften, Radiosspeaker an Televisiouns-Presentateur, an als Auteur vun Theaterstécker, Dréibicher fir Filmer an Televisioun, vu Romaner, Novellen, Erzielungen a Sachbicher. Hie war wéinst sengem Wëssen a pointéierten Erzielungen dacks Invité vun Talkshowen, an huet Virliesunge gemaach an Audiobicher virgelies. Ausserdeem war den Ustinov en unerkannten Akadeemiker, deen Interkulturalitéit a Virurteeler erfuerscht huet. Vun 1968 bis 1974 war e Rektor vun der University of Dundee a vun 1992 bis zu sengem Doud Kanzler vun der University of Durham. Den Ustinov war och e Goodwill Ambassador vun der UNICEF a President vun der World Federalist Movement.

Hie gouf mat enger Abberzuel Präisser a Gielercher ausgezeechent, dorënner zwéin Oscaren als bescht Nieweroll (a Spartacus an Topkapi), Emmy Awards, Golden Globes an BAFTA Awards als Schauspiller, e Grammy Award fir déi bescht Opnam fir Kanner, souwéi däitschen, franséischen, britteschen an aneren nationalen Éierenauszeechnungen, Éieren-Doktoraten, asw.

Seng Eltere ware vu russesch-däitsch-polnesch-ethiopescher Ofstamung, hie selwer ass an England opgewuess an huet 6 bis 8 Sprooche geschwat.

Zu senge bekanntste Filmrollen zielen déi vum réimesche Keeser Nero a Quo Vadis (1951), vum Lentulus Batiatus a Spartacus (1960), dem Captain Vere a Billy Budd (1962), engem ale Mann a Logan's Run (1976), an an enger hallwer Dose Filmer vum Detektiv Hercule Poirot.

Seng Autobiographie, Dear Me, koum 1977 eraus.

Filmographie

[änneren | Quelltext änneren]

Kino

[änneren | Quelltext änneren]

als Regisseur

[änneren | Quelltext änneren]

als Schauspiller

[änneren | Quelltext änneren]

Um Spaweck

[änneren | Quelltext änneren]
Commons: Peter Ustinov – Biller, Videoen oder Audiodateien
Vun „https://lb.wikipedia.org/w/index.php?title=Peter_Ustinov&oldid=2552561“