Миелобласт

Миелобласт (myeloblastus, грек, myelos — сүйек кемігінің майы, blastos — өскін) — сүйектің қызыл кемігі майында орналасқан балғын қан жасушасы. Миелобласттан гранулалы (дәншелі, түйіршікті) лейкоциттер (миелобласт, промиелоцит, миелоцит, метамиелоцит, гранулоцит): эозинофилдер, базофилдер, нейтрофилдер түзіледі. Миелобласт ашық түсті сопақ немесе дөңгелек ядролы ірі жасуша. Ядро маңындағы цитоплазмада центросома, Гольджи кешені, лизосомалар орналасады. Миелобласт цитоплазмасы солғын базофилді боялады.