Ubatuba
| Ubatuba | ||
_-_panoramio.jpg)
| ||
| Strado en Ubatuba. | ||
|
| |
| Standardo | Blazono | |
| Lando: |  Brazilia
| |
| Regiono: | Sud-estala | |
| Stato: | Sao Paulo | |
Informo:
| ||
| Fondita ye: | 28ma di oktobro 1637 | |
| Latitudo: | 23°26'02" S | |
| Longitudo: | 45°04'15" W | |
| Altitudo: | 3 m | |
| Surfaco: | 723,88 km² | |
| Habitanti: | 92 980[1] (2022) | |
| Denseso di habitantaro: | 131,1 hab./km² | |
| Disto de Sao Paulo: | 224,7[2] km | |
| Horala zono: | UTC-3 | |
| Urbestro: | Flavia Pascoal (PL, 2025-2028)[3] | |
Mapo:
| ||
| ||
Oficala retosituo:
| ||
| www.ubatuba.sp.gov.br | ||
Ubatuba esas urbo an la litoro dil stato Sao Paulo, en Brazilia, distanta 223 km de la chef-urbo dil stato. Segun la demografiala kontado di 2022, ol havis 92 980 habitanti[1]. Lua tota surfaco esas 723,88 km², de qui cirkume 80% prezervesas en la Statala Parko Serra do Mar.
Existas du posibla origini por la nomo Ubatuba, ambe rezultinta de la junturo di vorti de la linguo Tupi: tyba signifikas "grupo" en Tupi; kontre ke ubá signifikas "kanoo", ed u'ubá esas la nomo por certena speco di junko multe rezistanta, uzita dal indijeni por manufakturar flechi. Do, Ubatuba posible originis sive de ubá+tyba ("grupo di kanoi"), sive de u'ubá+tyba ("grupo di junki"). Pro sua bela plaji, naturala peizaji e historiala konstrukturi, ol esas importanta turistala destino en Brazilia.
Geografio
[redaktar | redaktar fonto]
Distanta cirkume 230 km de Sao Paulo, Ubatuba havas frontieri kun municipi Parati norde, Cunha, São Luiz do Paraitinga e Natividade da Serra weste, Caraguatatuba sude, e kun l'Oceano Atlantiko este.Tropiko di Kaprikorno trairas la urbo proxim lua aeroportuo.
La reliefo dil urbo esas plana en streta regiono apud litoro, ma cirkondata da monti e kolini. L'urbo havas plu kam 100 plaji, e kelka insuli en lua teritorio. Lua mezavalora altitudo esas 3 metri e lua maxim alta punto jacas 574 metri super la marala nivelo[4].
La klimato dil urbo esas humida tropikala (Af segun la klimatala klasifikuro da Köppen). kun abundanta pluvi dum la tota yaro, tamen plu intensa dum somero. La mezavalora temperaturo en februaro (somero) esas 25,6°C, kontre ke la mezavalora temperaturo en julio (vintro) esas 13,6°C[5].
La pluvoza sezono iras de fino di septembro til la 3ma semano di aprilo. La mezavalora yarala pluvo-quanto esas 2517,5 mm, e la maxim pluvoza monato esas januaro, kun mezavalore 312,9 mm. De junio til agosto pluvas min kam 100 mm omnamonate, esanta agosto la min pluvoza monato, kun min kam 75 mm.
Referi
[redaktar | redaktar fonto]
- ↑ 1,0 1,1 População de Ubatuba (SP) é de 92.980 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ https://www.rome2rio.com/pt/s/S%C3%A3o-Paulo/Ubatuba-S%C3%A3o-Paulo-Brasil
- ↑ Eleições 2024: Flavia Pascoal, do PL, é eleita prefeita de Ubatuba no 1º turno - Publikigita da G1. Dato di publikigo: 7ma di oktobro 2024. Idiomo: Portugalana.
- ↑ https://pt-br.topographic-map.com/map-2nvgrr/Ubatuba/?zoom=15¢er=-23.54141%2C-45.2393
- ↑ Classificação climática de Köppen e de Thornthwaite e sua aplicabilidade na determinação de zonas agroclimáticas para o estado de São Paulo - Publikigita da SciELO Brasil. URL vidita ye 19ma di marto 2025. Idiomo: Portugalana.