Kastilia e Leon
| ||||||||||||||||||||||||||||||||||||||||||||||||||||||||
Kastilia e Leon esas autonoma regiono di Hispania. Segun statistiki de 2024, ol havis 2 391 682 habitanti. Lua tota surfaco esas 94 226 km².
Bazala fakti pri Kastilia e Leon.
Historio
[redaktar | redaktar fonto]Kreita en 1983, la regiono formacesas per l'anciena teritorii di rejii Kastilia e Leon. La regiono habitesas de la prehistorio. Che montareto Atapuerca, trovesis restaji de Homo antecessor e de Homo heidelbergensis, qui vivis cirkume 900 mil e 600 mil yari ante nun, rispektive. La regiono habitesis da Kelti e pose da Romani.
Geografio
[redaktar | redaktar fonto]Kastilia e Leon esas senlitora autonoma regiono an la nord-westo di Iberia. Lua teritorio vicinesas norde kun Asturia e Kantabria ultre Baskia (Bizkaia e Alava); este kun La Rioja e Aragon (provinco Zaragoza), sude kun l'Autonoma regiono Madrid, Kastilia-La Mancha (provinci Toledo e Guadalajara) ed Extremadura (provinco Cáceres) e weste kun Galisia (provincii Lugo ed Ourense) e Portugal).
La reliefo di la regiono esas grandaparte montoza, trairata da montaro Meseta, qua en multa arei esas alta planajo kun mezavalora altitudo di 800 metri. Fluvio Durio naskas che provinco Soria e trairas la teritorio di Kastilia e Leon, formacanta granda valo.
La klimato di la regiono esas mediteranea, kun influi kontinentala (Csa, segun la klimatala klasifikuro da Köppen, kun sika e varma someri e relate kolda vintri, pro lua grand altitudo e disto del oceano. La mezavalora temperaturi varias de 19° til 22 °C en julio, e 3°C til 6°C en januaro. La maxim pluvoza regiono esas Leon, qua recevas 556 mm omnayare. En regioni montoza, la klimato esas temperema kolda, kun temperaturi infre 3°C dum vintro.
Ekonomio
[redaktar | redaktar fonto]
Cetera aferi
[redaktar | redaktar fonto]Kolokado en eduko en Kastilia e Leon superiras la mezavaloro de Hispania. Pro to, Kastilia e Leon esas un ek la regioni di Hispania kun min akademiala nesuceso, nur 16,94% dum l'akademiala yaro 2010-2011.
Referi
[redaktar | redaktar fonto]
|
Provinci di Kastilia e Leon |
|
|---|---|---|
| Ávila · Burgos · León · Palencia · Salamanca · Segovia · Soria · Valladolid · Zamora | ||
|
Autonoma regioni di Hispania |
|
|---|---|---|
| Andaluzia • Aragon • Asturia • Baleari • Baskia • Extremadura • Galisia • Kanarii • Kantabria • Kastilia e Leon • Kastilia-La Mancha • Katalunia • Madrid • Murcia • Navara • La Rioja • Valencia Autonoma urbi: Ceuta • Melilla Suverena teritorii: Chafarinas • Vélez de la Gomera • Alhucemas | ||