Pegi ngagai isi

Abdullah Ahmad Badawi

Ari Wikipedia
Yang Amat Berbahagia Tun
Abdullah Ahmad Badawi
DK I (Johor) DK (Kelantan) DK I (Pahang) DK I (Brunei) DUK SMN SPMS SUMZ SSSJ SPSA SSAP SPNS DUPN DGPN SPDK DUNM SUMW DP DSSA DMPN DJN KMN AMN
عبد الله احمد بدوي
Abdullah in 2006
5th Prime Minister of Malaysia
Megai pengawa
31 October 2003 – 2 April 2009
Rajas
SapitNajib Razak
DiuluMahathir Mohamad
DigantiNajib Razak
6th President of the United Malays National Organisation
Megai pengawa
23 September 2004 – 26 March 2009
SapitNajib Razak
DiuluMahathir Mohamad
DigantiNajib Razak
Ministerial roles
1978–1980Parliamentary Secretary of Federal Territories
1980–1981Deputy Minister of Federal Territories
1981–1984Minister in the Prime Minister's Department
1984–1986Minister of Education
1986–1987Minister of Defence
1991–1999Minister of Foreign Affairs
1999–2004Minister of Home Affairs
1999–2003Deputy Prime Minister
2003–2008Minister of Finance
2004–2008Minister of Internal Security
2008–2009Minister of Defence
Other roles
2003–2006Secretary General of the Non-Aligned Movement
Faction represented in Dewan Rakyat
1978–2013Barisan Nasional
Personal details
Ada
Abdullah bin Ahmad Badawi

(1939-11-26)26 November 1939
Bayan Lepas, Penang, Straits Settlements, British Malaya (now Malaysia)
Midang14 April 2025(2025-04-14) (umur 85)
National Heart Institute, Kuala Lumpur, Malaysia
Parti politikUnited Malays National Organisation (UMNO)
Other political
affiliations		Barisan Nasional (BN)
PeninggiTemplat:Height
Kaling
​
​
(m. 1965; died 2005)​
​
​
(m. 2007)​
KaulSyeikh Abdullah Fahim (grandfather)
Khairy Jamaluddin (son-in-law)
Anak4 (2 children and 2 stepchildren)
Palan pendiauBait Badawi, Kampung Palimbayan, Sungai Penchala, Kuala Lumpur, Malaysia[1]
PelajarBukit Mertajam High School
Alma materUniversity of Malaya (BA)

Abdullah bin Ahmad Badawi (Melayu: عبد الله بن احمد بدوي, ; 26 November 1939 – 14 April 2025) nya siku orang politik Malaysia ti kala nyadi Menteri Besai Malaysia kelima kenyau taun 2003 ngagai 2009. Iya mega nyadi presiden keenam Organisasyen Bansa Melayu Beserakup (UMNO), parti politik pemadu besai (maya nya) di Malaysia, lalu nguluka gempung parlimen Barisan Nasional (BN) ke megai perintah. Iya dikelala enggau nama Pak Lah, Pak reti iya ‘Aya’, lalu Lah diambi ari nama iya ‘Abdullah’. Iya mega kala nyadi Kaban Parlimen (MP) Kepala Batas sepengelama lapan penggal bejurut, ari taun 1978 ngagai 2013. Maya bagi ke dudi maya pemegai perintah Abdullah, perintah iya napi kritik ketegal polisi enggau prestasi ekonomi, nyengkaum pengirau ati pasal inflasyen enggau kos pengidup ke majak niki.

Pengidup tumu enggau pelajar

[edit | edit bunsu]

Abdullah ada ba Bayan Lepas, Pulau Pinang dalam ruang bilik ke tebilang ketegal pengarap sida. Aki Badawi ari sukut apai, Syeikh Abdullah Badawi Fahim, bebansa Hadrami.[2] Syeikh Abdullah siku tuai pengarap enggau nasionalis ti dipebasaka, siku ari kaban pemungkal Hizbul Muslimin, ke udah nya dikelala enggau nama PAS. Pengudah meredeka, Syeikh Abdullah nyadi mufti keterubah Pulau Pinang pengudah Meredeka.[3] Apai iya, Ahmad Badawi, siku orang ke tebilang ba pengarap sereta kaban UMNO. Indai iya, Kailan Haji Hassan parai di Kuala Lumpur lebuh umur iya manggai 80 taun kena 2 Februari 2004.[4] Aki iya ari sukut indai, Ha Su-chiang (ke mega dikelala enggau nama Hassan Salleh), iya nya siku orang Islam Utsul ke datai ari Sanya ba Hainan.[5][6][7][8][9]

Abdullah nya siku tarak ba Sekula Tinggi Bukit Mertajam. Iya belajar ba MBS (Sekula Lelaki Methodist) Pulau Pinang lebuh iya Pom 6. Abdullah bulih degree Sarjana Muda Seni dalam Pelajar Islam ari Universiti Malaya dalam taun 1964.[10]

Pengawa tumu

[edit | edit bunsu]

Pengudah nembuka pelajar ba Universiti Malaya, iya nyereta Kor Administrasyen enggau Diplomatik Malaysia (leka jaku formal servis perintah). Iya kala mangku pengawa nyadi Direktor Nembiak ba Opis Menteri Nembiak enggau Lumba kelimpah ari Sekretari Kaunsil Engkebut Menua (MAGERAN). Iya nyurutka diri dalam taun 1978 laban deka nyadi kaban parlimen ungkup sitak iya ba Kepala Batas di utara Seberang Perai (ti mega kala diarika apai iya).

Pengawa politik

[edit | edit bunsu]

Ba pun maya Mahathir nyadi menteri besai, penyarut nyadi dalam parti UMNO ke megai perintah lalu iya dibagi ngagai dua kem, ke dikelala enggau nama ‘Tim A’, ke mungkur raban ke taluk ngagai Mahathir, enggau ‘Tim B’, ke nyukung ex-Menteri Wang Tengku Razaleigh Hamzah enggau ex-sapit menteri besai Musa Hitam. Mahathir menang, ngujungka Tengku Razaleigh Hamzah dibuai ari UMNO Baru ke baru ditumbuhka. Abdullah siku penyukung rat mentor politik iya Musa Hitam dalam Tim B lalu ketegal nya, iya dibuai ari pangku pengawa Menteri Penyaga Pengelikun Menua dalam Kabinet. Iya enda nyeretai parti Semangat 46 ti ditumbuhka Tengku Razaleigh Hamzah. Semangat 46 diatu udah nadai agi.

Lebuh UMNO (Baru) ditumbuhka dalam bulan Februari taun 1988, Mahathir ke nyadi presiden UMNO enggau menteri besai mai Abdullah masuk komiti pro tem UMNO (Baru) nyadi sapit presiden. Ba taun 1990, Abdullah mengkang ngetanka penuduk iya nyadi sapit presiden. Maya pengawa ngaduka baru Kabinet dalam taun 1991, Mahathir mai iya pulai baru ngagai Kabinet nyadi menteri luar. Iya udah mangku pengawa tu nyentuk ke bulan November 1999, maya Syed Hamid Albar nganti iya. Taja pan iya alah nyadi sapit presiden ba pengawa bepilih UMNO taun 1993, tang iya mengkang dalam Kabinet lalu dipadu nyadi Menteri Luar. Sebedau taun 1998, iya mega kala nyadi Menteri ba Opis Menteri Besai, Menteri Pelajar, Menteri Penyaga Pengelikun Menua, enggau Menteri Luar. Kena 7 Januari 1999, Menteri Besai Mahathir Mohamad nyiri iya nyadi sapit menteri besai nganti Anwar Ibrahim. Abdullah lalu nganti Mahathir nyadi menteri besai dalam taun 2003.

Pengidup diri empu

[edit | edit bunsu]
Badawi begulai enggau bini iya, Jeanne Abdullah

Kena 20 Oktober 2005, bini Abdullah Badawi, Endon Mahmood, mati ketegal penyakit riman tusu. Endon tetemuka diri bisi penyakit nya dalam taun 2003 seraya menyadi sapit indu iya Noraini ke dulu agi ari nya ditemu bisi penyakit ti sama, mati dalam bulan Januari 2003. Iya nerima perubat di Amerika Syarikat lalu pulai ke Malaysia 18 hari sebedau iya mati. Iya dikubur ba pendam orang Islam, ba Taman Selatan, Presin 20, Putrajaya.

Kena 6 Jun 2007, opis Menteri Besai madahka Abdullah Badawi udah jadi enggau Jeanne Abdullah. Kena 9 Jun, pengerami peribit udah dipejalaika ba rumah Menteri Besai, Seri Perdana, lalu digulu kaban belayan ke semak. Jeanne suba kala jadi enggau menyadi biak niang bini Abdullah Badawi. Iya mega kala nyadi menijar ba kompleks genturung pendiau Seri Perdana lalu bisi dua iku anak ari tikah iya sebedau tu.[11]

Abdullah udah dikritik ketegal udah ngemendarka menantu iya, Khairy Jamaluddin, nyadi pengaruh ti enda patut dalam politik UMNO.[12]

Abdullah mega udah dikritik ketegal udah ngemendarka menyadi iya Fahim Ibrahim Badawi meli 51 peratus kompeni MAS Catering Sdn Bhd ke dipegai perintah. Fahim udah nya nyual saham tu ngagai LSG Skychef Lufthansa enggau penguntung ti besai.[13]

Iya dikelala mega nyadi penyair.[14] Puisi iya I Seek Eternal Peace disalin ngagai lebih 80 bansa jaku lalu dipansutka nyadi bup.[15]

Kena 11 September 2022, Khairy madahka Abdullah bisi penyakit demensia, enda ulih ngelala tauka ingatka diri sebilik, lalu begunaka kerusi roda.[16]

Pemidang

[edit | edit bunsu]

Kena 14 April 2025, Abdullah udah midang ba Institut Jantung Nasional, Kuala Lumpur maya umur 85 taun pukul 7.10 malam.[17]

Penyanding

[edit | edit bunsu]
  1. ↑ "Minister fined for violating SOP with Pak Lah house visit". Malaysiakini. 12 July 2021. Retrieved 12 July 2021.
  2. ↑ Noor, Elina, Noor, Ismail.
  3. ↑ "Case of three Abdullah Badawi's at launching of Institute", The Star, 13 February 2008.
  4. ↑ "Pak Lah's mother dies at 78". The Star Online. 3 February 2004.
  5. ↑ Backman, Michael.
  6. ↑ PM meets relatives from China Archived 15 November 2013 at the Wayback Machine, The Star Online, 22 December 2003.
  7. ↑ "UMNO man and that 'immigrants' remark suspended"[permanent dead link].
  8. ↑ "Radaris Asia: Looking for Su Chiang? What's a background check? View name, hometown or phone number!".
  9. ↑ "Chinese/Native intermarriage in Austronesian Asia".
  10. ↑ "Tun Abdullah Ahmad Badawi: Full Biography". Archived from the original on 12 March 2012. Retrieved 26 July 2012.
  11. ↑ "Prime Minister To Wed Jeanne Abdullah Badawi Saturday". Bernama. 6 Jun 2007. Archived from the original on 14 July 2007.
  12. ↑ Goh, Melissa (18 November 2006).
  13. ↑ "Malaysia Chronicle: Mahathir and Badawi in 2 separate abuse-of-power cases". 2010-08-26. Archived from the original on 26 August 2010. Retrieved 2022-08-30.
  14. ↑ "Abdullah's poem holds personal meaning". The Star. 2 November 2003. Retrieved 26 August 2021.
  15. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  16. ↑ "Khairy: Pak Lah is suffering from dementia". New Straits Times. 11 September 2022.
  17. ↑ "Former PM Abdullah Ahmad Badawi passes away". The Star. 14 April 2025. Retrieved 14 April 2025.

Bacha ke silik agi

[edit | edit bunsu]
  • Bridget Welsh & James Chin (ed) Pengangkat: Taun-taun Abdullah Badawi di Malaysia (KL: SIRD 2013)

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Abdullah_Ahmad_Badawi&oldid=12226"