Jump to content

Գրեյս Բրեդլի

Վիքիպեդիայից՝ ազատ հանրագիտարանից
Գրեյս Բրեդլի
Ծնվել էսեպտեմբերի 21, 1913(1913-09-21)[1]
ԾննդավայրԲրուքլին, Նյու Յորք, Նյու Յորք, ԱՄՆ
Մահացել էսեպտեմբերի 21, 2010(2010-09-21)[2][1] (97 տարեկան)
Մահվան վայրԴանա Փոյնթ, Օրինջ շրջան, Կալիֆոռնիա, ԱՄՆ
ԳերեզմանՖորեսթ Լոուն հուշայգի
ԿրթությունԻսթմանի երաժշտական դպրոց
Քաղաքացիություն ԱՄՆ
Մասնագիտությունդերասանուհի, երգչուհի, բարձրաշխարհիկ հեղինակություն, հեռուստատեսային դերասանուհի և կինոդերասանուհի
Ամուսին(ներ)Ուիլյամ Բոյդ

Գրեյս Բրեդլի (անգլ.՝ Grace Bradley, սեպտեմբերի 21, 1913(1913-09-21)[1], Բրուքլին, Նյու Յորք, Նյու Յորք, ԱՄՆ - սեպտեմբերի 21, 2010(2010-09-21)[2][1], Դանա Փոյնթ, Օրինջ շրջան, Կալիֆոռնիա, ԱՄՆ), թատրոնի և կինոյի ամերիկացի դերասանուհի, երգչուհի, պարուհի, դաշնակահարուհի, հուշավիպագիր, դերասան Ուիլյամ Բոյդի հինգերորդ և վերջին կինը[3][4]։

Կենսագրություն

[խմբագրել | խմբագրել կոդը]

Գրեյս Բրեդլին ծնվել է 1913 թվականի սեպտեմբերի 21-ին Բրուքլինում, Նյու Յորք, ԱՄՆ[5]։ Եղել է ընտանիքի միակ երեխան։ Վաղ մանկությունից նվագել է դաշնամուր, 12 տարեկանում ընդունվել է Իսթմենի երաժշտական դպրոց։ Հոր մահից հետո դաշնամուր է նվագել, երգել ու պարել թատրոններում և գիշերային ակումբներում՝ օգնելու մորը[6]։ Նրա պապը ցանկացել է աղջկան տանել Բեռլին, որպեսզի նա ստանա կրթություն, բայց Բրոդվեյի պրոդյուսերներից մեկը նկատել է Բրեդլինին և հրավիրել է նրան ելույթի պրոֆեսիոնալ շոուներում։

1930 թվականի դեկտեմբերի 22-ին նա իր նորամուտը նշել է Բրոդվեյի Համերսթայնի թատրոնում՝ «Բալիհու 1930» բեմադրությունում, որով էլ ավարտվել է նրա բրոդվեյան կարիերան։

1932 թվականին Գրեյս Բրեդլին առաջին անգամ հայտնվել է էկրանին՝ առանց անունի, խաղալով մի փոքրիկ դեր «Tip Tap Toe» կարճամետրաժ ֆիլմում։ 1933 թվականին նա որոշել է ամբողջությամբ զբաղվել կինոյով։ Տասը տարի անց նա նկարահանվել է երեսունչորս ֆիլմում՝ բավականին նշանավոր դերերով (նրան հաճախ էին տալիս ֆրանսուհիների դերեր): «Paramount Pictures» ընկերությունում նրա շաբաթական աշխատավարձը կազմել է 150 դոլար՝ մոտ 2866 դոլար՝ 2021 թվականի փոխարժեքով[7]։

1937 թվականի հունիսի 5-ին Բրեդլին ամուսնացել է հայտնի դերասան Ուիլյամ Բոյդի (1895-1972) հետ։ Ամուսնությունը տևել է 35 տարի՝ մինչև դերասանի մահը։ Զույգը երեխաներ չեն ունեցել։

1943 թվականին Բրեդլին ավարտել է կինոդերասանուհու կարիերան և հաջորդ մի քանի տարիները ամուսնու հետ շրջել ԱՄՆ֊ի մի շարք քաղաքներում։

Բրեդլին եղել է ԱՄՆ հանրապետական կուսակցության անդամ և 1952 թվականին ակտիվ մասնակցել է Դուայթ Էյզենհաուերի նախագահական քարոզարշավին։

2008 թվականին նա հրատարակել է հուշագրեր իր ամուսնու մասին։

Գրեյս Բրեդլին մահացել է 2010 թվականի սեպտեմբերի 21-ին՝ իր 97-րդ տարեդարձին, Դանա Փոյնթ քաղաքում (Կալիֆոռնիա)[8]։ Նա թաղված է Գլենդելի «Լեսնա Ֆոլյանա» անտառային գերեզմանատանը[9]։

Պատկերասրահ

[խմբագրել | խմբագրել կոդը]
  • Ռոջեր Պրայորի հետ «Նստած լուսնի վրա» (1936) ֆիլմում
    Ռոջեր Պրայորի հետ «Նստած լուսնի վրա» (1936) ֆիլմում
  • 1937 թվական
    1937 թվական
  • Ամուսնու հետ (1949)
    Ամուսնու հետ (1949)
  • Ամուսնու հետ (1954)
    Ամուսնու հետ (1954)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Discogs — 2000.
  2. ↑ 2,0 2,1 2,2 http://www.latimes.com/news/obituaries/la-me-grace-bradley-boyd-20100924,0,2019037.story
  3. ↑ Деннис МакЛеллан. Hopalong Cassidy's widow, Grace Boyd, dies Արխիվացված է Հունիս 24, 2021 Wayback Machine-ի միջոցով:(անգլ.) // sfgate.com // 24 сентября 2010
  4. ↑ Рональд Берган. Grace Bradley obituary Արխիվացված է Ապրիլ 21, 2019 Wayback Machine-ի միջոցով:(անգլ.) // theguardian.com // 8 ноября 2010
  5. ↑ Дэн Томас. Hollywood Horizon Shines With Light of Rising Stars; Grace Bradley Stands Out in New Line-Up Archive copy Wayback Machine-ի միջոցով:(անգլերեն) // The San Bernardino Sun // 23 июня 1935 // стр. 10
  6. ↑ Рональд Берган. Grace Bradley obituary Archive copy Wayback Machine-ի միջոցով: // theguardian.com // 8 ноября 2010
  7. ↑ Калькулятор инфляции доллара США Արխիվացված է Հունիս 24, 2021 Wayback Machine-ի միջոցով:(անգլ.)
  8. ↑ Деннис МакЛеллан. Hopalong Cassidy's widow, Grace Boyd, dies Արխիվացված է Հունիս 24, 2021 Wayback Machine-ի միջոցով:(անգլ.) // sfgate.com // 24 сентября 2010
  9. ↑ Рональд Берган. Grace Bradley obituary Արխիվացված է Ապրիլ 21, 2019 Wayback Machine-ի միջոցով:(անգլ.) // theguardian.com // 8 ноября 2010

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Գրեյս Բրեդլի» հոդվածին։
 ⛭ 
  Թեմատիկ կայքեր

]

Ստացված է «https://hy.wikipedia.org/w/index.php?title=Գրեյս_Բրեդլի&oldid=10305597» էջից