Saltar ao contido

NASA

Editar as ligazóns
Na Galipedia, a Wikipedia en galego.
Este artigo trata sobre a Administración Nacional para a Aeronáutica e o Espazo, para a arte de pesca véxase nasa.
NASA
Nome curtoNASA Editar o valor en Wikidata
Tipoaxencia espacial e agência independente do governo dos Estados Unidos (pt) Traducir Editar o valor en Wikidata
Historiahistory of NASA (en) Traducir Editar o valor en Wikidata
Personalidades
Cargo dirixenteAdministrador da NASA Editar o valor en Wikidata
Propietario/aGoberno federal dos Estados Unidos Editar o valor en Wikidata
Fundador/aDwight D. Eisenhower e Congreso dos Estados Unidos de América Editar o valor en Wikidata
Director/aBill Nelson 3 de maio de 2021
Jim Bridenstine 23 de abril de 2018 - 20 de xaneiro de 2021 Editar o valor en Wikidata
Autoridade executivaGoberno federal dos Estados Unidos Editar o valor en Wikidata
Actividade
Industriasetor público (pt) Traducir e exploración espacial Editar o valor en Wikidata
Entidades
MatrizGoberno federal dos Estados Unidos Editar o valor en Wikidata
Economía
Orzamento
  • 23200000000 $ (2021)
  • 18724000000 $ (2011) Editar o valor en Wikidata
Data
Fundación29 de xullo de 1958 Editar o valor en Wikidata
Cronoloxía
← NACA (pt) Traducir Editar o valor en Wikidata
Localización
Mapa
 38°52′59″N 77°00′59″O / 38.88294, -77.01628
PaísEstados Unidos de América Editar o valor en Wikidata
Código postal20546-0001 Editar o valor en Wikidata
Enderezo300 E St SW, Suite 5R30, Washington DC 20546 Editar o valor en Wikidata
SedeWashington, D.C. Editar o valor en Wikidata
Premios
Contacto
Páxina WEBnasa.gov Editar o valor en Wikidata
Teléfono+1-202-358-0001 Editar o valor en Wikidata
RedesIMDB: co0031180 Facebook: NASA Twitter: NASA Instagram: nasa Tumblr: nasa LinkedIn: nasa Snapchat: nasa Youtube: UCLA_DiR1FfKNvjuUpBHmylQ Pinterest: nasa Twitch: nasa Flickr: 35067687@N04 BNE: XX148293 Souncloud: nasa Musicbrainz: 7e779bc3-c034-468b-9cc2-b3d99ad50cfd Discogs: 1875876 GitHub: nasa Editar o valor en Wikidata
[ Wikidata ]
Logotipo chamado verme ("Worm") da NASA, usado entre 1975 - 1997.

A National Aeronautics and Space Administration (NASA, "Administración Nacional para a Aeronáutica e o Espazo") é a axencia do goberno norteamericano responsable do programa espacial dos Estados Unidos de América e a súa investigación aeroespacial xeral a longo termo. Establecida no 1958, é unha organización civil que dirixe e supervisa a investigación civil e militar nos sistemas aeroespaciais.

Visión e misión

[editar | editar a fonte]

Ten por propósito mellorar a vida na Terra, estender a vida, e atopar vida máis aló. As súas misións son coñecer e protexer o planeta Terra, explorar o Universo e investigar a vida extraterrestre, e inspirar a seguinte xeración de exploradores.

Historia

[editar | editar a fonte]

Carreira espacial

[editar | editar a fonte]
Lanzamento da nave espacial 'Mercury-Redstone 3' con Alan Shepard a bordo, o primeiro voo espacial tripulado americano.

Seguindo o programa espacial soviético, que lanzou ao espazo o primeiro satélite feito polo ser humano (Sputnik 1) o 4 de outubro de 1957, a atención dos Estados Unidos dirixiuse cara aos seus propios esforzos espaciais. O Congreso, alarmado pola perda de liderado percibido como unha falta de seguridade, urxiu unha acción forte e rápida. O Presidente Dwight D. Eisenhower e os seus conselleiros tomaron medidas máis precisas. Varios meses de debate concluíron co acordo de crear unha nova Axencia Federal para realizar actividades non militares no espazo.

O 29 de xullo de 1958, o Presidente Eisenhower asinou a "National Aeronautics and Space Act", establecendo a "National Aeronautics and Space Administration" (NASA). Comezou a operar o 1 de outubro de 1958, consistindo daquela en catro laboratorios e uns 8.000 empregados do goberno na axencia aeronáutica que contaba daquela 46 anos, o National Advisory Committee for Aeronautics (NACA, Comité consultor nacional para a aeronáutica).

Os primeiros programas da NASA foron de investigación para o voo tripulado, e foron levados baixo a presión da competición entre os EUA e a URSS, a 'carreira espacial' que se realizou durante a chamada guerra fría. O Programa Mercurio (Mercury Program) foi iniciado no 1958 pola NASA co fin de explorar o espazo con misións tripuladas, comezando por indagar sinxelamente se o home podía sobrevivir no espazo. O 5 de maio de 1961, o astronauta Alan Shepard foi o primeiro americano no espazo, pilotando a nave Mercury-Redstone 3 nun voo suborbital de 15 minutos. John Glenn foi o primeiro norteamericano en dar a volta á Terra o 20 de febreiro de 1962 durante o voo de 5 horas do Mercury-Atlas 6 .

Proxecto Apollo

[editar | editar a fonte]
Artigo principal: Proxecto Apollo.

Unha vez que o programa Mercurio probou que os voos espaciais tripulados eran posibles, lanzouse o proxecto Apollo para facer traballos no espazo e poñer o home arredor da lúa (non sobre ela). A liña operativa do programa Apolo foi radicalmente alterada polo seguinte Presidente, John F. Kennedy, quen anunciou o 25 de maio de 1961 que os Estados Unidos se propoñían "aluar un home e retornalo a salvo á Terra" para 1970. Así o programa tivo o obxectivo de levar un home á Lúa. O Programa Gemini comezou prontamente para subministrar unha nave e probar técnicas para Buzz Aldrin camiñar sobre a superficie da Lúa no Apolo 11.

Tras oito anos de misións preliminares, incluídas as primeiras perdas de astronautas co Apollo 1, o programa Apolo conseguiu o seu propósito co Apollo 11, que lanzou a Neil Armstrong e Buzz Aldrin á superficie da Lúa o 20 de xullo de 1969 e devolveunos á Terra o 24 de xullo. As primeiras palabras tras a aluaxe do Eagle foron: "É un pequeno paso para un home, pero un gran paso para a humanidade" ("That's one small step for [a] man, one giant leap for mankind.") Outros dez homes foron lanzados á Lúa ata a fin do programa Apolo en decembro de 1972.

A NASA gañou a carreira espacial, o que a deixou en certo sentido sen unha dirección concreta, ou polo menos sen a atención pública e interese, o que é necesario para ter fondos do Congreso. O desastre do Apollo 13, no que unha explosión de osíxeno danou os tres astronautas, axudou a atraer de novo a atención, mais aínda que foron planeadas misións ata a Apollo 20 e máis, a Apollo 17 foi a derradeira da serie. Cortes orzamentarios (en parte a causa da guerra de Vietnam) planearon sobre o fin do programa, e contribuíron a crear a necesidade dun vehículo reusable.

Continuación

[editar | editar a fonte]

O proxecto Apollo non tivo continuación durante moito tempo. No 2019 a NASA estaba na procura de socios para o desenvolvemento de vehículos lunares reusables para usar a partir do 2024, coa vista na volta de persoas á Lúa no 2028.[1]

Outras misións dos primeiros tempos

[editar | editar a fonte]

Aínda que a gran maioría do orzamento foi empeñado nos voos tripulados, houbo neste tempo moitas misións sen tripulación. En 1962 lanzouse a Mariner 2, primeira nave en sulcar os ceos doutro planeta; neste caso Venus. Despois, as dúas Viking aterraron en Marte e enviaron imaxes en cor. Mais pode que o máis impresionante fose o programa Pioneer e particularmente o programa Voyager, misións que visitaron Xúpiter, Saturno, Urano e Neptuno e enviaron datos científicos e imaxes a cor de todos eles.

Asemade, neste período cambiou a visión entre os programas espaciais americano e da Unión Soviética. O 17 de xullo de 1975 un propulsor Apolo (que atopou así un novo uso tras a cancelación do Apollo 18) foi preparado para o Soiuz 19. Este foi un punto de inflexión histórica en plena guerra fría, marcando unha era de cooperación internacional nova. A primeira estación espacial americana, Skylab, ocupou a actividade principal da NASA ata o final dos 70.

A Era Shuttle (Lanzadeiras Espaciais)

[editar | editar a fonte]
Transbordador Espacial Columbia, abril 1981.

A Transbordador espacial foi o proxecto estelar da NASA no final dos 1970 e os 1980. Planeadas para ser lanzadas con frecuencia e reusábeis na súa meirande parte, construíronse catro lanzadeiras cara 1985. A primeira, Transbordador espacial Columbia, foino o 12 de abril de 1981.

As lanzadeiras non representaron un éxito tan rotundo para a NASA: os voos foron moito máis caros do previsto ao inicio e aínda tras o desastre de 1986 do Transbordador espacial Challenger, que amosou os riscos dos voos espaciais, o público perdeu de novo interese, tomando as misións un carácter ordinario.

A pesar diso, as lanzadeiras foron usadas para lanzar proxectos clave como o Teslescopio Espacial Hubble (HST segundo as súas siglas en inglés). O HST fíxose cun orzamento relativamente pequeno de 20 000 millóns de dólares, pero continúa en operación desde 1990 e fixo as delicias dos científicos e o público. Algunhas das imaxes tomadas xa son case lenda, como as do Campo Profundo. O HST é un proxecto conxunto coa ESA, e o seu éxito abriu a vía dunha maior colaboración entre ambas.

En 1995 volveu a haber colaboración ruso-americana co comezo das misións Shuttle-Mir, e de novo houbo unha ensamblaxe entre unha nave americana e un aparello ruso. Esta cooperación non se volveu interromper ata o presente, participando ambas na Estación Espacial Internacional (ISS, siglas en inglés) xunto coa ESA e outras axencias. A notar que foron naves rusas as que mantiveron en servizo a ISS a continuación do desastre do Columbia.

Cun custo de cen mil millóns de dólares, foi dificultoso para a NASA xustificar a ISS. A poboación estaba impresionada cos detalles científicos anteriores, pero nos novos tempos prefire outro tipo de noticias sobre grandes proxectos en lugares exóticos. Ninguén quer escoitar falar da ISS como a primeira instalación humana científica no espazo[Cómpre referencia], e aínda hoxe non pode albergar a varios científicos como foi planeado, especialmente co uso da lanzadeira fóra de cuestión ata marzo de 2005. De feito, na década dos 2010, a NASA estaba incapacitada para enviar ós seus propios astronautas ó espazo, usando os Syuz rusos dende Baikonur, e tendo un contrato coa empresa privada Space X para doce misións á ISS de cara á fin da década.[2]

Durante parte dos 1990, a NASA encarou cortes anuais de orzamento debido á contención de gastos do Congreso de Washington. En resposta, o noveno administrador da axencia, Daniel S. Goldin, lanzou a campaña "máis rápido, mellor, máis barato" que permitiu á NASA continuar cunha variedade de programas a pesar dos recortes orzamentarios. O método foi criticado e reavaliado tras as perdas xemelgas do Mars Climate Orbiter e o Mars Polar Lander en 1999.

Marte e máis aló

[editar | editar a fonte]
Florida, USA, collida desde a misión da Lanzadeira Espacial da NASA STS-95 o 31 de outubro de 1998.

Seguramente a misión máis publicitada nos últimos tempos foi a Mars Pathfinder[3][4], lanzada no 1997. Os xornais de todo o mundo difundiron imaxes da saída do rover Sojourner para explorar a superficie de Marte dun xeito nunca antes feito noutro planeta. Menos difundida foi a misión que abrangue dende 1997 á actualidade (2004) Mars Global Surveyor, misión de tipo orbital. Desde 2001, o orbitador Mars Odyssey procura a evidencia de auga no pasado ou presente marciano e pola actividade volcánica do planeta.

O 14 de xaneiro de 2004, dez días despois da aterraxe dos Rover Spirit e Opportunity , o Presidente George W. Bush anunciou a "Vision for Space Exploration". A humanidade retornará á Lúa cara a 2020, e sentará as bases e recursos potenciais para futuras misións. A lanzadeira espacial será retirada en 2010 e o Crew Exploration Vehicle será substituído cara ao 2014, capaces ambos de seren ensamblados á ISS e deixar a órbita terrestre. O futuro da ISS é incerto; a construción será completada, pero non se sabe máis. Os Centennial Challenges, premios tecnolóxicos para equipos non gobernamentais, foron establecidos no 2004.

Outros campos de actuación

[editar | editar a fonte]

A NASA investiga noutros campos complementarios diferentes da astronáutica. No 2019 anuncia a captura das primeiras imaxes dende o aire ó aire dunha interacción en vó de onda de choque supersónica.[5]

Misións espaciais da NASA

[editar | editar a fonte]

Tripuladas

[editar | editar a fonte]

Non tripuladas

[editar | editar a fonte]

Lista de administradores da NASA

[editar | editar a fonte]
  1. T. Keith Glennan (1958-1961)
  2. James E. Webb (1961-1968)
  3. Thomas O. Paine (1969-1970)
  4. James C. Fletcher (1971-1977)
  5. Robert A. Frosch (1977-1981)
  6. James M. Beggs (1981-1985)
  7. James C. Fletcher (1986-1989)
  8. Richard H. Truly (1989-1992)
  9. Daniel S. Goldin (1992-2001)
  10. Sean O'Keefe (2001–2005)
  11. Michael D. Griffin (2005–)

Instalacións

[editar | editar a fonte]

Ademais do cuartel xeral en Washington, D.C., a NASA ten as seguintes instalacións:

Premios e condecoracións

[editar | editar a fonte]

As actuais medallas outorgadas pola NASA son as seguintes:

Notas

[editar | editar a fonte]
  1. ↑ Jackson, Shanessa (2018-12-12). "NASA Seeks US Partners to Develop Systems to Land Astronauts on Moon". NASA. Arquivado dende o orixinal o 08 de febreiro de 2019. Consultado o 2019-02-18. 
  2. ↑ Rivière, Philippe (setembro 2012). "Al asalto del octavo continente". Le Monde diplomatique en español. p. 19. 
  3. ↑ Loff, Sarah (2017-06-23). "Mars Pathfinder and Sojourner Rover". NASA. Arquivado dende o orixinal o 22 de xaneiro de 2019. Consultado o 2019-03-06. 
  4. ↑ "Mars Pathfinder Home". mars.nasa.gov. Consultado o 2019-03-06. 
  5. ↑ Conner, Monroe (2019-03-05). "NASA Captures Supersonic Shock Interaction". NASA. Arquivado dende o orixinal o 07 de marzo de 2019. Consultado o 2019-03-06. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]

Investigacións na NASA

[editar | editar a fonte]
Traído desde «https://gl.wikipedia.org/w/index.php?title=NASA&oldid=6633982»