Pepuju
Pepuju (hurup Arab Gundul: ففوجو) atawa rahim (hurup Arab Gundul: رحم; basa kedoktorannya: uterus) entu peranti jimaan wadon nyang utama di banyak héwan nété', masup juga' manusia. Atu ujungannya ièlah lèèr pepuju, nyang ngebuka ke dalemnya parji, èn ujung atunya nyang rada onggaran, nyang dianggep awak pepuju, disambung di kedua sisi ama gelondong telor. Pepuju bisa bentuknya ama ukurannya macem-macem begantung di mahluk idup nyang mana. Di orang, bentukah kaya' buah pir èn sembabad ama telor ayam. Ada mahluk idup, kaya' kucing ama babi, serènta laèn-laèn jenis héwan makan daging, gableg pepujunya dua ponjèn.