عطارد
| ||||
|---|---|---|---|---|
 | ||||
| على اسم | ||||
| الأوج | 69817445 كيلومتر ، 0.4667008 وحده فلكيه | |||
| الحضيض | 0.3074995 وحده فلكيه ، 46001009 كيلومتر | |||
| المسافة من الأرض | 82000000 كيلومتر ، 217000000 كيلومتر | |||
| نصف المحور الرئيسي | 57909176 كيلومتر ، 0.38709893 وحده فلكيه [1] | |||
| الشذوذ المداري | ||||
| فترة الدوران | 87.969 يوم [2] | |||
| زاوية وسط الشذوذ | 174.796 درجة | |||
| الميل المداري | ||||
| زاوية نقطة الاعتدال | ||||
| زاويةالحضيض | ||||
| تابع إلى | شمس | |||
| نصف القطر | ||||
| التفلطح | 0 | |||
| الحجم | 60830000000 كيلومتر مكعب [3] | |||
| الكتلة | 330 يوتاغرام | |||
| الحرارة | ||||
| القدر الظاهري | ||||
تعديل  |
||||
عطارد (رمزه: ☿; انجليزى: Mercury <ميركورى>) هو اصغر كوكب فى النظام الشمسى و اقرب واحد فى الكواكب للشمس و بيلف حواليها لفه كامله كل 87.969 يوم.
من على كوكب الارض و قبل التيليسكوبات الحديثه، عطارد كان اكتر كوكب صعب يتشاف بالعين المجرده بسبب قربه من الشمس و بسبب حجمه الصغير جدا.قطر عطارد بيساوى 4,879 كم بس يعنى تقريبا (5/1) خمس القطر بتاع كوكب الارض.
الاسم
[تعديل]عطارد هو اسرع كوكب بيلف حوالين الشمس و اليونانيين القدام كانو بيسموه هيرميس (رسول الالهه) بسبب سرعته العاليه دى. اليونانيين اعتقدو انه كوكبين مش كوكب واحد و سمو اللى بيشفوه وقت شروق الشمس هيرميس و اللى بيشوفوه وقت الغروب ابولو.الرومان القدام و لنفس السبب كانو بيسموه ميركوريوس ، المقابل الرومانى لهيرميس اليونانى.
كلمة عطارد هى كلمه عربيه جايه من العطره يعنى السرعه العاليه و الخفه و قبيلة تميم اعتبرته الاه قبل الاسلام و كان بيوحيلهم بقول الشعر .عطارد كان معروف عند السومريين القدام من 5000 سنه ، و مش معروف اذا كان المصريين القدام لاحظوه و لا لأ بس لما اتصلو باليونانيين حصل ربط بين هيرميس/عطارد و بين تحوتى الاه الحكمه و العلم و مخترع الكلام و الكتابه.
الاستكشاف
[تعديل]مركبة مارينر 10 الفضائيه كانت اول مركبه تقرب من كوكب عطارد و عدت من جنبه مرتين بين سنة 1974 و سنة 1975 و قدرت تبعت خرايط ل45% بس من سطح الكوكب.
تانى محاوله لاستكشاف عطارد كانت بردو مبعوته من ناسا و اسم المركبه الفضائيه دى هو ميسينجر .المركبه عدت قرب عطارد فى 14 يناير 2008 و بعتت خرايط ل30% من سطحه و المفروض تعدى مره تانيه فى 2009 و تدخل مجال الجاذبيه بتاعه و تبتدى تلف حواليه فى سنة 2011 و ساعاتها ممكن تعمل مسح شامل و تبعت خرايط للكوكب بالكامل.
كواكب المجموعه الشمسيه
[تعديل]- عطارد (ميركورى) Mercury
- الزهره Venus
- الارض Earth
- المريخ Mars
- المشترى Jupiter
- زحل Saturn
- اورانوس Uranus
- نيبتون Neptune
مصادر
[تعديل]- ↑ ISBN 0387987460
- ↑ https://www.webcitation.org/6QPNXiw5w — تاريخ الاطلاع: 18 يونيه 2014 — تمت أرشفته من الأصل في 17 يونيه 2014
- ↑ https://nssdc.gsfc.nasa.gov/planetary/factsheet/mercuryfact.html
