أمازيغ
أمازيغ
| ||
| ||
| منتاميين ل | قبيلة شعوب إفريقية آسيوية indigenous peoples of Africa | |
| شحال دالسكان | 36 مليون | |
| كاينين ف | لمغريب جزاير نيجر مالي ليبيا بوركينا فاصو تونس موريطانيا مصر | |
| اللوغات لأصلية | لوغات أمازيغية عربية | |
| لأديان | إسلام سني | |
الأمازيغ (ب لأمازيغية imaziɣn ⵉⵎⴰⵣⵉⵖⵏ، لمفرد ديالها amaziɣ ⴰⵎⴰⵣⵉⵖ) ؤلا البربر (سمية برّانية) هوما واحد المجموعة إتنية، وكيتّعتابرو السكان الأصليين د شمال إفريقيا من واحة سيوة ف شّرق حتال جزر الكناري ف لغرب، وأكبر نسبة ديالهوم كاينة فالمغريب ، عاد باش الدزاير، و كايشكلو طرف من سّكان د تونس و ليبيا و موريطانيا و الشمال ديال مالي و الشمال ديال النيجر. لعاداد ديالهوم كان ف 2015 ف جوايه 36 مليون.[1]
حاليا كثر من 40 مليون نسمة أمازيغ وكاين تعداد كبير من السكان لي ماعارفينش العرق ديالهم بسبب سياسة التعريب اللي نهجها المغرب ف بداية الإستقلال ديالو.
عاداد كبير د لأمازيغ تعرّبو فاللّسان معا مرور زّمان. و بزاف د نّاشطين لأمازيغ كيعتابرو بلي أغلبية د سّكان د شمال إفريقيا أمازيغ ف لأصل، ؤ بلي لهوية ديالهوم خاصها ترجع.[2]
سّمية د "يمازيغن" كاتعني "النبلاء" ؤلا "لكرام" ؤلا "لأحرار"، و هيّ السمية لي كيسمّيو لأمازيغ بيها راسهوم (سمية دخلانية endonym)، موقابيل مصطلحات خرين باش سمّاوهوم أقوام خرين تاريخياً (سمية برانية exonym)، بحال بارباروي ليونانية لبالية: βάρβαροι عند ليونانيين لقدام (لي سماو بيها بزاف د لقوام، ماشي غير لأمازيغ) لي خداوها لعرب ب صيغة بربر، و مشواش عند لمصريين لقدام.[3][4][5] على حساب محمد شفيق، لكلمة أصلها "أمازاغ" لي جات من لفيعل "يوزغ"، لي كيعني "هجم"، و هاكا كانت لكلمة ف لأصل كاتعني "داك لي كيهجم و ما كيتّهجمش عليه".[6]
- ^ Steven L. (2015-03-10). Native Peoples of the World: An Encyclopedia of Groups, Cultures and Contemporary Issues (ب نڭليزية). Routledge. ص. 23. ردمك 978-1-317-46400-6.
Worldwide, the Berber populations numbers approximately 36 million people
- ^ بروس مادي وايتزمان (1999). Minorities and the State in the Arab World, The Berber Question in Algeria, Nationalism in the Making? (ب نڭليزية). pp. 32–33. ردمك 978-1-55587-647-0.
- ^ Gibbon، Edward. The Decline and Fall of the Roman Empire. 5. ص. 162.
- ^ "The term barbaros, "A Greek-English Lexicon" (Liddell & Scott), on Perseus". Perseus.tufts.edu. تطّالع عليه ب تاريخ 2018-07-12.
- ^ Delante Bravo، Chrostopher (2012). Chirping like the swallows: Aristophanes' portrayals of the barbarian "other". ص. 9. ردمك 978-1-248-96599-3.
- ^ محمد شفيق (1999). الدارجة المغربية، مجال توارد بين الأمازيغية و العربية. أكاديمية المملكة المغربية. ص. 56.
|
ويكيميديا كومنز عندا تصاور و معلومات على Berber people. |
 هادي زريعة ديال مقالة خاصها تّوسع. تقدر تشارك ف لكتبة ديالها. |