KSÍ er komið með Twitter-aðgang þar sem sambandið mun pósta inn ýmsu sem tengist starfinu dags daglega. Stefnan er að hafa tístið á léttu nótunum og er öllum sjálfsagt að henda þar inn spurningum og slíku sem KSÍ mun reyna að svara eins og kostur er. Sé um formlegar fyrirspurnir að ræða þá bendum við fólki á að hafa beint samband við KSÍ.

Lesa meira

Íslandsmeistarar voru krýndir á KR vellinum í dag en þá fengu KR afhentan titilinn við mikinn fögnuð en þeir höfðu tryggt sér sigur í deildinni fyrir leikinn gegn Fram í dag.  Ekkert félag á Norðurlöndunum hefur unnið deildina oftar en KR vann titilinn nú í 26. skiptið.

Lesa meira

Að gefnu tilefni vill Knattspyrnusamband Íslands ítreka að öll notkun blysa er stranglega bönnuð á leikvöngum á Íslandi. Blysin brenna við gríðarlegan hita og tilgangslaust er að reyna að slökkva í þeim með vatni og geta þau skapað mikla hættu ef ekki er rétt farið með þau. Lesa meira

Í dag fer fram leikur ÍA og KR í Pepsi-deild karla kl. 16:30 á Akranesi. Í ljósi mikillar úrkomu á Akranesi eru vallarskilyrði slæm eins og staðan er núna og meta heimamenn Norðurálsvöll óleikhæfan. Lesa meira

Mótanefnd KSÍ hefur ákveðið að færa lokaumferð Pepsi-deildar karla á upphaflegan leiktíma, þ.e. til laugardagsins 28. september. Eftirfarandi breytingar hafa því verið gerðar á leikjum Pepsi-deildar karla: Lesa meira

KR tryggði sér í dag sigur í Pepsi-deild karla með því að leggja Valsmenn að velli á Vodafonevellinum. KR hefur því 49 stig og fimm stiga forystu á FH, sem er í öðru sæti, en Hafnfirðingar eiga einungis einn leik eftir.  KR hefur oftast allra félaga orðið Íslandsmeistari í karlaflokki en þeir hafa unnið þennan titil í 26 skipti. Lesa meira

Það er viðburðarík helgi framundan í knattspyrnunni en þá ráðast m.a. úrslitin í toppbaráttu 1. og 2. deildar karla og heil umferð er í Pepsi-deild karla. Þá eru þrjú af okkar landsliðum í eldlínunni, U17 og U19 karla og U19 kvenna, en öll leika þau ytra um helgina. Lesa meira

Hilmar Þór Guðmundsson hefur verið ráðinn á skrifstofu KSÍ. Hilmar mun sinna kynningar- og markaðsmálum, en þar hefur hann mikla reynslu eftir áralangt starf á þessum vettvangi. Hlutverk Hilmars verður m.a. að styðja við markaðsstarf aðildarfélaga KSÍ og efla frekar tengsl og samstarf við samstarfsaðila KSÍ. Lesa meira

Grunnskólamót KRR og Stöðvar 2 Sport hefst í Egilshöll, mánudaginn 23. september en þarna leika 7. og 10 bekki grunnskóla Reykjavíkur. Leikið er í riðlakeppni en úrslit fara svo fram á sama stað, laugardaginn 28. september og verða þá Grunnskólameistarar 2013 krýndir.

Lesa meira

Stjörnustúlkur fengu í gær afhent sigurlaunin í Pepsi-deild kvenna en þær eru verðugir handhafar Íslandsmeistaratitilsins. Stjarnan lauk keppni með fullt hús stiga, unnu alla sína leiki með markatölunni 69 - 6.

Lesa meira

Lokaumferð 3. deildar karla fer fram laugardaginn 14. september og er baráttan hörð um efsta sætið.  Fjarðabyggð og Huginn hafa fyrir nokkru tryggt sér sæti í 2. deildinni að ári en berjast hatrammri baráttu um efsta sætið.  Félögin eru jöfn að stigum fyrir síðustu umferðina en markatala Fjarðabyggð er hagstæðari.

Lesa meira

Á laugardaginn, 14. september, verður leikið til úrslita í 4. deild karla en þar mætast Berserkir og Einherji á Sauðárkróksvelli kl. 13:00.  Sama dag verður leikið um 3. sætið en þar mætast Elliði og KFG á Fylkisvelli og hefst sá leikur kl. 14:00.

Lesa meira

Vegna breytinga sem gerðar voru á nokkrum leikjum í Pepsi- deild karla frá 15. september og yfir á 16. september, hefur mótanefnd KSÍ ákveðið að færa lokaumferð Pepsi-deildar kvenna frá mánudeginum 16. september og fram til sunnudagsins 15. september kl. 13.00.

Lesa meira

Fylkisstúlkur stóðu uppi sem sigurvegarar í úrslitaleik 1. deildar kvenna þegar þær lögðu ÍA í úrslitaleik, 2 - 1, á Fylkisvelli. Staðan í leikhléi var 1 - 0 fyrir Fylki. Bæði félögin höfðu tryggt sér sæti í Pepsi-deildinni á næsta tímabili og mega því vel við una. Lesa meira

Fylkir og ÍA mætast í úrslitaleik 1. deildar kvenna, laugardaginn 7. september kl. 14:00. Leikið verður á Fylkisvelli en bæði félögin hafa þegar tryggt sér sæti í Pepsi-deild kvenna að ári. Nú verður barist um sigurlaunin í 1. deild kvenna og má búast við hörkuleik á Fylkisvelli. Lesa meira

Í dag var dregið í 32 liða úrslitum Meistaradeildar kvenna og fór drátturinn fram í höfuðstöðvum UEFA. Íslandsmeistarar síðasta árs, Þór/KA, voru í pottinum og mæta Zorky frá Rússlandi og leika fyrri leikinn á heimavelli Lesa meira

Í dag verður dregið í 32 liða úrslitum Meistaradeildar kvenna og fer drátturinn fram í höfuðstöðvum UEFA. Íslandsmeistarar síðasta árs, Þór/KA, verða í pottinum en félögunum er skipt í 2 styrkleikaflokka og eru Akureyringar í neðri flokknum. Lesa meira

Í gærkvöldi varð ljóst hvaða félög komust í undanúrslit 4. deildar karla en síðari leikirnir í 8 liða úrslitum fóru þá fram.  Undanúrslitin hefjast á laugardaginn þegar fyrri leikirnir fara fram en síðari leikirnir eru svo miðvikudaginn 11. september.  Siguvegarar viðureignanna tryggja sér sæti í 3. deild karla að ári. Lesa meira

Fylkir og ÍA tryggðu sér í gærkvöldi sæti í Pepsi-deild kvenna að ári þegar þau höfðu betur í undanúrslitaviðureignum sínum.  Fylkir lagði Grindavík 3 - 2 á heimavelli og samtals 6 - 3.  Á KR velli voru það KR sem lagði ÍA, 2 - 0, en ÍA hafði betur samanlagt 3 - 2.

Lesa meira

Nokkrar viðamiklar breytingar hafa verið gerðar á leikjum Pepsi-deildar karla og eru viðkomandi félög beðin um að kynna sér þær gaumgæfilegar.  Hér að neðan má sjá þær breytingar sem gerðar hafa verið og hefur þessu verið breytt í leikjalista Pepsi-deild karla hér á heimasíðunni.

Lesa meira

Úrslitakeppni 4. deildar karla heldur áfram í dag en þá eru á dagskrá síðari viðureignir 8 liða úrslita. Búast má við spennandi viðureignum en barist er um að tryggja sér sæti í undanúrslitum, sem hefjast næstkomandi laugardag. Lesa meira

Í dag fara fram síðari leikir undanúrslita í úrslitakeppni 1. deildar kvenna og hefjast báðir leikirnir kl. 17:30. Á KR velli mætast KR og ÍA og á Fylkisvelli taka heimastúlkur á móti Grindavík.  Siguvegarar viðureignanna, samanlagt, tryggja sér sæti í Pepsi-deild kvenna að ári

Lesa meira