Forseti Alþjóða Knattspyrnusambandsins, Joseph S. Blatter, kom í heimsókn til landsins í gær og hélt til Færeyja í dag. Forseti FIFA nýtti tímann til að skoða knattspyrnumannvirki sem og að hann heimsótti mennta- og menningarmálaráðherra, Katrínu Jakobsdóttur og forseta Íslands, herra Ólaf Ragnar Grímsson.

Skráning er hafin í Íslandsmótið í innanhúsknattspyrnu - Futsal en frestur til að tilkynna þátttöku er til föstudagsins 12. október. Þátttökutilkynningar hafa verið senda út til félaganna en hana má einnig finna hér að neðan

Alls mættu 136.470 áhorfendur á leikina 132 í Pepsi-deild karla á nýliðnu keppnistímabili sem gerir 1.034 áhorfendur að meðaltali á hvern leik. Flestir mættu að jafnaði á heimaleiki Íslandsmeistara FH eða 1.595 að meðaltali á leik.  Næstflestir komu á KR völlinn eða 1.452 að meðaltali á hvern leik.

Stjarnan leikur síðari leik sinn í 32 liða úrslitum Meistaradeildar kvenna í dag þegar þær mæta Zorky frá Rússlandi og er leikið ytra. Stjörnustúlkur eygja möguleika á að komast áfram en fyrri leiknum á Stjörnuvelli lauk með markalausu jafntefli.  Leikurinn í dag hefst kl 11:00 að íslenskum tíma og er hægt að fylgjast með textalýsingu frá leiknum á heimasíðu UEFA.

Grunnskólamóti KRR lauk um helgina en að venju er keppt hjá 7. og 10 bekk karla og kvenna. Leikið var í Egilshöll og mátti sjá glæsilegt tilþrif á meðal spennandi leikja. Rimaskóli vann tvöfalt hjá 10. bekk en stelpurnar í Breiðagerðisskóla og strákarnir í Hólabrekkuskóla unnu í 7. bekk.

Forseti FIFA, Joseph S. Blatter, mun heimsækja Ísland í næstu viku en hann mun koma til landsins næstkomandi mánudag, 8. október. Þetta er í annað skiptið sem Blatter heimsækir landið síðan hann tók við sem forseti FIFA en hann kom hingað sama ár og hann tók við embættinu, árið 1998.