KR og Keflavík mætast í úrslitaleiknum á laugardag - Rafræn leikskrá
Miðasalan er hafin á midi.id
Á laugardag kl. 16:00 fer fram úrslitaleikur Borgunarbikars karla á Laugardalsvelli, þar sem mætast KR og Keflavík. Miðasalan er þegar hafin á midi.is.
Í undanúrslitum unnu KR-ingar stórsigur á ÍBV á Hásteinsvelli í undanúrslitum, 5-2. KR mætti eingöngu Pepsi-deildarliðum á leið sinni í úrslitaleikinn í ár. KR er því komið í úrslitaleik bikarsins í sjötta sinn á níu árum, og í fjórða sinn á fimm árum.
Keflvíkingar lögðu Víkinga úr Reykjavík í undanúrslitum eftir mikinn baráttuleik, þar sem hvorugu liðinu tókst að skora mark í venjulegum leiktíma og ekki heldur í framlengingu. Þar höfðu heimamenn betur og tryggðu sér sæti í úrslitum í fyrsta sinn síðan 2006, en mótherjinn þar var einmitt lið KR.
Keflavík hefur fagnað bikarmeistaratitli karla fjórum sinnum, síðast árið 2006 þegar 2-0 sigur vannst á KR. KR-ingar hafa hins vegar unnið bikarinn oftar en nokkurt annað lið, eða 13 sinnum, síðast árið 2012.
Rafræn leikskrá fyrir úrslitaleikinn.
Ýmsar upplýsingar um úrslitaleik Borgunarbikarsins
