Verður aðsóknarmetið slegið þriðja árið í röð?

Aðsóknarmet í bikarúrslitaleik kvenna hefur verið slegið síðustu tvö ár

25.8.2015

Úrslitaleikur Borgunarbikars kvenna fer fram á Laugardalsvelli á laugardag kl. 16:00.  Þar mætast Stjarnan og Selfoss, sem léku einnig til úrslita í fyrra.  Búist er við hörkuleik og er vonast eftir sem flestum áhorfendum úr röðum stuðningsmanna beggja liða.  Í fyrra var sett aðsóknarmet þegar 2.011 áhorfendur studdu liðin dyggilega og var þá met slegið sem sett var árið á undan.  Stefnan er sett á að ná þrennunni og slá aðsóknarmetið þriðja árið í röð!

Áhorfendafjöldi á úrslitaleik bikarkeppni kvenna síðustu 20 ár  

Miðaverð 2015 (ónúmeruð sæti)

17 ára og eldri:                  kr. 1500

16 ára og yngri:                 kr. 500

10 ára og yngri:                 Ókeypis aðgangur

Netsala á www.midi.is fram að leik

Miðasala við Laugardalsvöll á leikdegi frá kl. 12:00