Laugardaginn 20.ágúst næstkomandi verður haldin hin árlega hópa og firmakeppni í knattspyrnu á Tungubakkavöllum í Mosfellsbæ. 

ÍA mun leika vináttuleik við enska liðið Derby County í kvöld.  Leikurinn, sem er liður í undirbúningi enska félagsins fyrir keppnistímabilið þar í landi, fer fram á Akranesvelli og hefst kl. 19:00.

Íslandsmeistarar FH voru fyrstir til að tryggja sér sæti í undanúrslitum VISA-bikars karla, en þeir lögðu ÍA í 8-liða úrslitum í Kaplakrika á laugardag.  Leikurinn var jafn og spennandi, allt þar til komið var í framlengingu.

Dómarar hafa í mörg horn að líta og nauðsynlegt fyrir þá að þekkja bæði knattspyrnulögin og hinar ýmsu mótareglur.  Hefur þú það sem til þarf?

Samkvæmt reglugerð KSÍ eru félagaskipti innanlands ekki heimil frá og með 1. ágúst til og með 15. október. Á því tímabili geta leikmenn sem skráðir eru hjá erlendu knattspyrnusambandi heldur ekki skipt í íslenskt félagslið.

FH og ÍA mætast í Kaplakrika á laugardag í fyrsta leik 8-liða úrslita VISA-bikars karla.  Leikurinn hefst kl. 16:00 og er von á hörkuleik.  Aðrir leikir í 8-liða úrslitum fara fram í næstu viku.

ÍBV og færeyska liðið B36 gerðu 1-1 jafntefli í fyrri leik liðanna í UEFA-bikarnum, sem fram fór á Hásteinsvelli í Vestmannaeyjum.  Gestirnir náðu forystunni snemma leiks, en Pétur Óskar Sigurðsson jafnaði metin fyrir ÍBV.

Bikarmeistarar Keflavíkur gerðu góða ferð til Lúxemborgar í UEFA-bikarnum og unnu stórsigur á heimamönnum í Etzella, 4-0.  Framherjinn Hörður Sveinsson gerði sér lítið fyrir og skoraði öll mörk Keflvíkinga í leiknum.

Tindastóll stendur fyrir hinu árlega Króksmóti dagana 13. og 14. ágúst næstkomandi.  Mótið er fyrir 5. - 7. fl. karla og kvenna, þátttökugjald er kr. 6.000 á hvern keppanda og boðið er upp á gistingu fyrir liðin.

Áhorfendur á leikjum Landsbankadeildar karla eiga þess kost að velja Mann leiksins með SMS-kosningu á meðan á leik stendur.  Þátttaka gerir áhorfendum mögulegt að vinna til veglegra verðlauna og styðja við bakið á sínu félagi.

8-liða úrslitum VISA-bikars kvenna lauk á þriðjudagskvöld með þremur leikjum.  Breiðablik, Fjölnir og KR unnu nokkuð örugga sigra á andstæðingum sínum og Valur hafði þegar tryggt sæti sitt í undanúrslitum.

ÍBV og Keflavík leika fyrri leiki sína í 1. umferð forkeppni UEFA-bikarsins á fimmtudag.  Keflvíkingar leika á útivelli gegn FC Etzella í Lúxemborg, en Eyjamenn taka á móti færeyska liðinu B36.

FH-ingar töpuðu með tveggja marka mun gegn Neftchi í fyrri viðureign liðanna í 1. umferð forkeppni Meistaradeildar UEFA, en liðin mættust í Baku í Aserbaidsjan í dag.  Liðin mætast aftur í Kaplakrika miðvikudaginn 20. júlí.

Misskilnings hefur gætt varðandi meðferð leikskýrslna í keppni 7 manna liða. Mikilvægt er að þjálfarar og forráðamenn liða kynni sér vel þær reglur sem gilda.

Jóhannes Valgeirsson verður dómari í fyrri viðureign TVMK Tallinn og MyPa í UEFA-bikarnum á fimmtudag.  Aðstoðardómarar verða þeir Eyjólfur Finnsson og Ingvar Guðfinnsson, en varadómari verður Erlendur Eiríksson.

8-liða úrslit VISA-bikars kvenna hófust á mánudagskvöld með viðureign VISA-ÍBV og Vals.  Eyjastúlkur munu ekki verja bikarinn að þessu sinni þar sem Valsstúlkur unnu öruggan sigur.  Hinir þrír leikirnir í 8-liða úrslitum fara fram í kvöld, þriðjudagskvöld.

Íslandsmeistarar FH leika fyrri leik sinn í 1. umferð forkeppni Meistaradeildar UEFA á þriðjudag, gegn Neftchi frá Aserbaidsjan .  Leikurinn fer fram á Bakhramov leikvanginum í Baku og hefst kl. 14:00 að íslenskum tíma (19:00 að staðartíma).

Fyrsti leikur 8-liða úrslita VISA-bikars kvenna fer fram á Hásteinsvelli í Vestmannaeyjum í kvöld.  Núverandi VISA-bikarmeistarar kvenna taka þar á móti Íslandsmeisturum Vals og er von á hörkuleik.

Áhorfendur á leikjum Landsbankadeildar karla eiga þess kost að velja Mann leiksins með SMS-kosningu á meðan á leik stendur.  Þátttaka gerir áhorfendum mögulegt að vinna til veglegra verðlauna og styðja við bakið á sínu félagi.

Dregið hefur verið í 1. umferð Evrópukeppni félagsliða kvenna og leika Íslandsmeistarar Vals í riðli með með liðum frá Noregi, Eistlandi og Finnlandi.  Sigurvegarar riðlanna fara áfram í 2. umferð keppninnar.

Dregið var í 8-liða úrslit VISA-bikars karla í dag.  KR og Valur mætast í Frostaskjóli, HK leikur á heimavelli gegn Fylki, FH-ingar fá Skagamenn í heimsókn og Eyjamenn sækja Framara heim.

Landsbankadeildarliðin KR, ÍA, Valur, Fylkir, ÍBV, FH og Fram auk 1. deildarliðs HK verða í pottinum þegar dregið verður í 8-liða úrslit VISA-bikars karla á Hótel Loftleiðum í hádeginu á miðvikudag.

Þrír leikir fóru fram í 16-liða úrslitum VISA-bikars karla á mánudagskvöld.  Þrjú lið úr Landsbankadeild,  KR, ÍA og Valur, höfðu betur gegn þremur 1. deildarliðum og eru því komin í 8-liða úrslit.

Framundan eru hörkuleikir í Landsbankadeild kvenna.  Áttunda umferðin hefst í kvöld með leik FH og Keflavíkur í Krikanum, en á þriðjudagskvöld fara fram þrír leikir, þar á meðal mætast toppliðin í deildinni, Valur og Breiðablik.

Þrír leikir fara fram í 16-liða úrslitum VISA-bikars karla í kvöld, mánudagskvöld.  Víkingar taka á móti KR-ingum í Reykjavíkurslag, Skagamenn fá Breiðablik í heimsókn og Haukar sækja Valsmenn heim.