Drög að niðurröðun leikja í Lengjubikarnum 2016 hefur verið birt á vef KSÍ undir mót 2016. Best er að skoða leiki ykkar á vef KSÍ undir "mótamál" á forsíðunni og velja svo leiki félaga, eða fylgja neðangreindum tengli:

ÍR og Leiknir úr Reykjavík mætast miðvikudaginn 2. desember, í árlegum minningarleik um Hlyn Þór Sigurðsson í EGILSHÖLL klukkan 18:30. Leikið verður að þessu sinni í Egilshöll þar sem vallaraðstæður og veðurfar hafa ekki verið upp á sitt besta undanfarið.

UEFA hefur ákveðið að hluti af þeim tekjum sem sambandið hafði af Meistaradeildinni 2014/2015 skuli renna til félaga í öllum aðildarlöndum UEFA til eflingar knattspyrnu barna- og unglinga.  Stjórn KSÍ hefur samþykkt að leggja til um 38 milljónir króna til viðbótar til barna-og unglingastarfs sem skiptist á milli aðildarfélaga í öðrum deildum og utan deilda.  

Samkvæmt reglugerð KSÍ um félagaskipti, samninga og stöðu leikmanna og félaga hefur skrifstofa KSÍ gefið út afreksstuðla leikmanna og hafa þeir verið uppfærðir á vef KSÍ. Mikilvægt er að forráðamenn félaga fari vandlega yfir stuðla leikmanna sinna.

Árlegur fundur formanna og framkvæmdastjóra aðildarfélaga KSÍ fór fram í höfuðstöðvum KSÍ á laugardag.  Fundinn sóttu um 70 fulltrúar félaga víðs vegar af landinu og hlýddu á erindi um knattspyrnumótin 2015 og 2016, um dómaramál, agamál, leyfiskerfi og félagaskiptamál.  Í lok fundar var svo dregið í töfluröð í efri deildum Íslandsmótsins 2016.

Á formanna- og framkvæmdastjórafundi sem haldinn var í höfuðstöðvum KSÍ í dag var dregið í töfluröð í Pepsi-deild kvenna og karla og 1. og 2. deild karla.  Íslandsmeistarar Breiðabliks í kvennaflokki mæta KR á heimavelli í fyrstu umferð en í Íslandsmeistarar FH fara í Laugardalinn og mæta þar nýliðum Þróttar í fyrstu umferðinni hjá körlunum.

Drög hafa verið gefin út af mótanefnd KSÍ fyrir Íslandsmótið í innanhússknattspyrnu 2016 – Futsal og má finna mótið á vef KSÍ.  Félög hafa frest til miðvikudagsins 4. nóvember til þess að koma með athugasemdir við þessi drög.  Vakin er athygli á því að laus sæti eru í keppni meistaraflokks kvenna og hægt er að bæta við einu félagi í meistaraflokki karla.

Stjarnan er úr leik í Unglingadeild UEFA en liðið vann samt leik sinn gegn Elfsborg í kvöld 1-0. Fyrri leikurinn fór 2-0 fyrir sænska liðinu Elfsborg sem kemst því áfram 2-1.

KSÍ óskar eftir að ráða starfsmann á skrifstofu sambandsins.  Meginverkefni er þjónusta við aðildarfélög KSÍ og starfsemi tengd leyfiskerfi KSÍ, samningum leikmanna, félagaskiptum, störfum milliliða, uppfærslu á reglugerðum sambandsins og ýmsum tilfallandi verkefnum.  Leitað er að einstaklingi með lögfræðimenntun. 

Stjarnan mætir Elfsborg í Unglingadeild UEFA á miðvikudag, en í þeirri deild leika U19 lið karla.  Þetta er seinni leikur liðanna, en þeim fyrri, sem fram fór í Borås í Svíþjóð, lauk með tveggja marka sigri Svíanna.  Leikurinn á miðvikudag fer fram á Samsung-vellinum í Garðabæ og hefst kl. 18:00.

Stjarnan er úr leik í 32-liða úrslitunum í Meistaradeild kvenna eftir 3-1 tap gegn Zvezda 2005 í Rússlandi. Stjarnan tapaði fyrri leiknum á Samsung-vellinum 1-3 og svo aftur 3-1 í dag.

Kvennalið Stjörnunnar leikur seinni leik sinn við rússneska liðið Zvezda 2005 í Meistaradeild Evrópu í dag, fimmtudag. Fyrri leikurinn fór fram á Samsung-vellinum í Garðabæ þar sem Zvezda 2005 hafði betur 1-3.

Skrifstofa KSÍ er lokuð á mánudag og þriðjudag og opnar aftur á miðvikudagsmorgun.

Stjarnan tapaði 1-3 gegn rússneska liðinu WFC Zvezda 2005 í fyrri leik liðanna í Meistaradeild Evrópu kvenna. Rússarnir byrjuðu leikinn af miklum krafti og komust yfir á 5. mínútu leiksins. Staðan var orðin 0-2 á 13. mínútu og útlitið ekki gott.

Það eru ansi margir Íslands- og bikarmeistarar krýndir á hverju tímabili. Það er keppt í mörgum flokkum allt frá 6. flokki upp í eldri flokk með leikmönnum 50 ára og eldri.

Alls mættu 146.138 áhorfendur á leiki Pepsi-deildar karla á keppnistímabilinu sem lauk í dag.  Þetta gera 1.107 áhorfendur að meðaltali á hvern leik en flestir mættu á leik FH og Breiðabliks í umferð, 2.843 talsins.  Það var líka heimavöllur nýkrýndra Íslandsmeistara, Kaplakrikavöllur, sem var með bestu meðaltalsaðsóknina, 1.925 áhorfendur.