Lars Lagerbäck, landsliðsþjálfari A karla, hefur valið hópinn sem mætir Sviss og Albaníu í undankeppni HM 2015. Leikið verður gegn Sviss í Bern, föstudaginn 6. september en gegn Albaníu á Laugardalsvelli, þriðjudaginn 10. september.

Freyr Alexandersson hefur verið ráðinn þjálfari A landsliðs kvenna til næstu tveggja ára. Samningur var undirritaður í dag, föstudag, og gildir hann a.m.k. til loka árs 2014, eða fram yfir úrslitakeppni HM 2015, sem fram fer sumarið 2015 í Kanada.

Eyjólfur Sverrisson, landsliðsþjálfari U21 karla, hefur valið hópinn sem mætir Kasakstan í undankeppni EM 2015 á Kópavogsvelli. Leikið verður þriðjudaginn 10. september á Kópavogsvelli og hefst leikurinn kl. 16:00.

Íslandsmeistarar FH leika í kvöld seinni leik sinn í umspili fyrir riðlakeppni Evrópudeildar UEFA, þegar þeir mæta Genk frá Belgíu ytra. Belgarnir höfðu betur í fyrri leiknum á Kaplakrikavelli, 0 - 2, og verður spennandi að sjá hvort að Íslandsmeistararnir nái að velgja heimamönnum undir uggum.

Víkingur Ólafsvík mætir gríska liðinu Athina '90 í lokaleik H riðils í undankeppni Futsal Cup kl. 20:00 í kvöld en leikið verður í íþróttahúsinu á Ólafsvík. Bæði þessi félög unnu eistneska liðið Anzhi Tallinn og því ljóst að sigurvegari kvöldsins tryggir sér sæti í milliriðlum keppninnar.

Stjörnustúlkur tryggðu sér í gærkvöldi sigur í Pepsi-deild kvenna þegar þær lögðu Val á heimavelli, 4 - 0. Breiðablik, sem er í öðru sæti, tapaði í gærkvöldi fyrir Aftureldingu sem þýðir að ekkert lið getur náð Stjörnunni að stigum þegar fjórar umferðir eru eftir.

FIFA stendur nú fyrir sérstökum háttvísidögum í 17. sinn. Að þessu sinni urðu dagarnir 6. til 10. september fyrir valinu, en á því tímabili fara m.a. fram landsleikir um allan knattspyrnuheiminn. Háttvísidagarnir eru haldnir hátíðlegir á ýmsan hátt í öllum aðildarlöndum FIFA.

Kristinn R. Jónsson, landsliðsþjálfari U19 karla, hefur valið hóp fyrir 2 vináttulandsleiki gegn Skotum sem fram fara 3. og 5. september. Átján leikmenn eru valdir í hópinn og fara leikirnir fram á Forthbank Stadium í Stirling.

Úrtakshópur hefur verið valinn yfir æfingar hjá U15 karla og fara æfingarnar fram um komandi helgi.  Þessar æfingar eru liður í undirbúningi fyrir undankeppni Ólympíuleika ungmenna en þar munu fjórar þjóðir, Ísland, Finnland, Armenía og Moldóva, keppa um eitt sæti.  Ólympíuleikar æskunnar fara svo fram í Nanjing í Kína, dagana 16. - 28. ágúst 2014.

Nú um helgina lauk riðlakeppni 1. deildar kvenna og liggur því fyrir hvaða félög mætast í undanúrslitum en fyrri leikirnir fara fram laugardaginn 31. ágúst.  Sigurvegarar viðureignanna tryggja sér sæti í Pepsi-deild kvenna að ári en mætast einnig í úrslitaleik um sigurinn í 1. deild kvenna.

Eftir leiki helgarinnar er ljóst hvaða félög mætast í úrslitakeppni 4. deildar karla en fyrri leikir 8 liða úrslita fara fram, laugardaginn 31. ágúst.  Seinni leikirnir verða svo leiknir þriðjudaginn 3. september en sigurvegarar viðureignanna komast í undanúrslit

Breiðablik lagði Þór/KA í fjörugum úrslitaleik Borgunarbikars kvenna á Laugardalsvelli í dag. Lokatölur urðu 2 - 1 fyrir Breiðablik en þær leiddu einnig í leikhléi, 1 - 0. Þetta er í tíunda skiptið sem Breiðablik vinnur þennan titil en síðast unnu Blikar árið 2005.

Ísland mætir Noregi í undankeppni HM 2014, þriðjudaginn 15. október næstkomandi.  Leikið verður á Ullevaal vellinum í Noregi og hefst leikurinn kl. 17:00 að íslenskum tíma.  Panta þarf miða í síðasta lagi, fimmtudaginn 12. september, með því að senda póst á Ragnheiði Elíasdóttur

Ísland mætir Sviss í undankeppni HM 2014, föstudaginn 6. september næstkomandi.  Leikið verður á Stade de Suisse í Bern og hefst leikurinn kl. 20:30 að staðartíma eða 18:30 að íslenskum tíma.

Um helgina fara fram síðustu leikirnir í 1. deild kvenna en þá fara fram lokaumferðirnar í A og B riðli.  Þegar er ljóst hvaða félög leika í úrslitakeppninni en eftir síðustu leikina kemur í ljóst hvaða félag verður efst í B riðli.

Skipulag og vinnureglur leyfiskerfis KSÍ fá toppeinkunn í árlegri gæðaúttekt UEFA, sem fram fór í vikunni. Það er alþjóðlega matsfyrirtækið SGS sem framkvæmir úttektina í öllum aðildarlöndum UEFA. Í umsögn fulltrúa SGS um leyfiskerfi KSÍ segir að það sé uppsett og rekið á „framúrskarandi“ hátt.

Úrslitaleikur Borgunarbikars kvenna 2013 fer fram á Laugardalsvelli, laugardaginn 24. ágúst kl. 16:00. Það verða Breiðablik og Þór/KA sem mætast í úrslitum að þessu sinni.  Breiðablik hefur unnið bikarinn 9 sinnum og hafa Blikar alls leikið 15 sinnum til úrslita. Þór/KA hafði fjórum sinnum áður komist í undanúrslit, en leikur nú í fyrsta sinn til úrslita

Vegna leiks Breiðabliks og KR í Pepsi-deild karla sem flautaður var af sl. sunnudag hefur stjórn KSÍ tekið ákvörðun til að eyða óvissu vegna leikbanns Hannesar Þórs Halldórssonar, leikmanns KR, en leikmaðurinn átti að taka út leikbann í umræddum leik.

Ólafur Þór Guðbjörnsson, landsliðsþjálfari U19 kvenna, hefur valið æfingahóp sem æfir um komandi helgi. Þessar æfingar eru liður í undirbúningi fyrir forkeppni EM en riðill Íslands verður leikinn í Búlgaríu, dagana 21. - 26. september.

Allar kröfur sem settar eru fram í reglugerðum KSÍ um aðstöðu, starfsfólk og annað viðbúnað, voru uppfylltar á leik Breiðabliks og KR í Pepsi-deild karla á sunnudag.  Aga- og úrskurðarnefnd mun fjalla um leikbann eins leikmanns KR á fundi sínum á þriðjudag.  Nýr leikdagur verður tilkynntur innan skamms.

Bikarmeistaratitill Fram í ár er sá áttundi í sögu félagsins í karlaflokki, en eins og kunnugt er lögðu Framarar Stjörnuna í úrslitaleik Borgunarbikarsins á Laugardalsvelli, í æsispennandi leik, eftir framlengingu og vítaspyrnukeppni. Þessi titill er þó sá fyrsti í 24 ár.

Framarar eru Borgunarbikarmeistarar karla 2013 eftir sigur á Stjörnunni í æsispennandi úrslitaleik á Laugardalsvellinum. Leikmenn beggja liða reimuðu á sig markaskóna og þessi sex marka leikur fór alla leið í framlengingu og vítaspyrnukeppni, þar sem Framarar höfðu betur.

Breiðablik og Þór/KA mætast í úrslitaleik Borgunarbikars kvenna á Laugardalsvelli laugardaginn 24. ágúst og hefst leikurinn kl. 16:00. Opnað hefur verið fyrir miðasölu á leikinn á midi.is en miðasala hefst á Laugardalsvelli á leikdegi kl. 12:00.

Hvort var það Birkir Bjarnason eða Kolbeinn Sigþórsson sem skoraði sigurmark Íslands í vináttuleiknum gegn Færeyjum á miðvikudagskvöld? Á hvorn á að skrá markið? Reglurnar um þetta tiltekna atvik eru skýrar.

Dregið hefur verið í milliriðla fyrir EM U17 kvenna, en dregið var í höfuðstöðvum UEFA í Nyon í Sviss í dag, fimmtudag.  Ísland verður í milliriðli með Rúmeníu, Írlandi og Spáni og fer riðillinn fram í Rúmeníu um mánaðamótin september/október.

Úrslitaleikur Borgunarbikars karla 2013 fer fram á Laugardalsvelli á laugardag og hefst kl. 16:00. Liðin sem mætast eru Fram og Stjarnan.  Framarar hafa orðið bikarmeistarar 7 sinnum, en langt er um liðið frá síðasta titli.  Stjarnan hefur aldrei unnið bikarinn, en lék í fyrsta sinn til úrslita í fyrra.  Miðasala á leikinn er á http://www.midi.is/.

A landslið karla vann í kvöld, miðvikudagskvöld, 1-0 sigur á Færeyingum í vináttulandsleik á Laugardalsvellinum, að viðstöddum 4.815 áhorfendum. Íslenska liðið réði lögum og lofum í leiknum, en Kolbeinn Sigþórsson skoraði eina mark leiksins á 65. mínútu eftir góða sendingu frá Eiði Smára Guðjohnsen og skot frá Birki Bjarnasyni sem hafði viðkomu í Kolbeini á leið sinni í markið.

U21 landslið karla vann í dag, miðvikudag, frábæran 4-1 sigur á liði Hvít-Rússa í undankeppni EM 2015, enliðin mættust á Vodafone-vellinum að Hlíðarenda. Emil Atlason gerði sér lítið fyrir og skoraði þrennu - hefur nú skorað 6 mörk í 3 leikjum í keppninni. Ísland er efst í riðlinum með fullt hús stiga.

Byrjunarlið Íslands í leikjum dagsins birtast sjálfkrafa á viðkomandi mótasíðu á vef KSÍ einni klukkustund áður en leikirnir hefjast. Leikskýrslurnar eru þannig forskráðar í mótakerfi KSÍ, sem stýrir birtingunni. Byrjunarlið U21 birtist þannig kl. 16:00 og byrjunarlið A karla kl. 18:45.

Ísland og Færeyjar mætast í vináttulandsleik á Laugardalsvellinum á miðvikudag og verður þetta í 25. sinn sem þessar frændþjóðir mætast í A landsliðum karla. Ísland hefur unnið 22 leiki, einu sinni hafa þjíðirnar gert jafntefli og Færeyingar hafa einu sinni unnið sigur.

U21 landslið karla mætir Hvít-Rússum á Vodafone-vellinum á miðvikudag kl. 17:00. Leikurinn er liður í undankeppni EM 2015 og með sigri getur íslenska liðið tekið stórt skref í riðlinum.  Miðaverði er stillt í hóf, kr. 1.000 fyrir 17 ára og eldri og ókeypis aðgangur fyrir þá sem eru 16 ára og yngri.

Fram og Stjarnan mætast í úrslitaleik Borgunarbikars karla á Laugardalsvelli laugardaginn 17. ágúst. Opnað hefur verið fyrir miðasölu á leikinn á vefsíðunni midi.is. Bæði lið mæta hungruð til leiks og munu leggja allt í sölurnar til að landa Borgunarbikarmeistaratitlinum.

Handhafar A-skírteina frá KSÍ fá aðgöngumiða á vináttulandsleik karlalandsliða Íslands og Færeyja á miðvikudag afhenta þriðjudaginn 13. ágúst frá kl. 10:00 til kl. 16:00. Miðarnir verða afhentir á skrifstofu KSÍ gegn framvísun skírteinis.

Af 19 leikmönnum í landsliðshópi Færeyinga fyrir vináttulandsleikinn við Ísland á miðvikudag eru sex leikmenn sem leika utan heimalandsins, eða rétt tæplega þriðjungur hópsins. Jónas Tór Næs er sá eini sem leikur með íslensku liði, en nokkrir aðrir í hópnum hafa reyndar gert það líka.

Í tengslum við úrslitaleik Borgunarbikars karla laugardaginn 17. ágúst mun Knattspyrnuþjálfarafélag Íslands í samstarfi við KSÍ standa fyrir árlegri ráðstefnu. Ráðstefnan er öllum opin - miði á úrslitaleikinn og léttar veitingar eru innifaldar í verðinu.

Eyjólfur Sverrisson, þjálfari U21 landsliðs karla, hefur tilkynnt 18 manna hóp fyrir leikinn við Hvít-Rússa í undankeppni EM 2015. Leikurinn fer fram á Vodafone-vellinum miðvikudaginn 14. ágúst og hefst kl. 17:00.

A landslið karla fer upp um þrjú sæti á nýjum styrkleikalista FIFA, sem gefinn var út í vikunni, og situr nú í 70. sæti. Ísland hefur sveiflast nokkuð upp og niður á listanum í ár, byrjaði árið í 89.sæti, hefur lægst verið í 98. sæti og hæst í því 61.

Úrtökumót KSÍ vegna drengja sem fæddir eru 1998 fer fram að Laugarvatni dagana 16.-18. ágúst næstkomandi. Til æfinganna hafa verið boðaðir 64 leikmenn frá félögum víðs vegar af landinu. Smellið hér að neðan til að skoða nánar.

Þorlákur Árnason, landsliðsþjálfari U17 karla, hefur tilkynnt byrjunarliðið sem mætir Svíþjóð á Opna Norðurlandamótinu sem fram fer í Noregi. Þetta er þriðji leikur íslenska liðsins og hefst hann kl. 13:00 að íslenskum tíma.

Á nýjum styrleikalista FIFA kvenna, sem gefinn var út í morgun, er Ísland í 15. sæti sem er sama sæti og á síðasta lista. Bandaríkin tróna sem fyrr á toppnum og nýkrýndir Evrópumeistarar, Þýskaland, eru í öðru sæti.

Stelpurnar í U17 unnu í dag öruggan sigur á Moldavíu í öðrum leik liðsins í undankeppni EM en riðillinn er einmitt leikinn í Moldavíu. Lokatölur urðu 6 – 0 eftir að staðan í leikhléi var 2 - 0.  Með sigrinum er Ísland öruggt áfram í milliriðla en tvær efstu þjóðirnar tryggja sér sæti þangað. Ísland vann Lettland í fyrsta leik sínum, 5 – 0, og er því með sex stig

Úrtökumót KSÍ 2013 fyrir stúlkur fæddar árið 1998 fer fram á Laugarvatni í ár. Félög leikmanna eru beðin um að kynna sér eftirfarandi upplýsingar:

Mikil aukning varð á félagaskiptum á milli ára í seinni glugganum en síðasti dagur félagaskipta var í gær, miðvikudaginn 31. júlí.  Alls voru 377 félagaskipti afgreidd af skrifstofu KSÍ í þessum seinni glugga og hafa ekki verið fleiri síðan mælingar hófust. Flest höfðu þau verið 287 talsins en það var á síðasta ári.

Fyrri undanúrslitaleikur Borgunbikars karla fer fram á Samsung vellinum í Garðabæ kl. 20:00 í kvöld. Heimamenn í Stjörnunni taka þá á móti bikarmeisturum KR og má búast við miklu fjöri á vellinum í kvöld. Seinni undanúrslitaleikurinn verður svo á milli Fram og Breiðabliks og fer fram á Laugardalsvelli, sunnudaginn 4. ágúst.