Handhafar A-passa frá KSÍ 2011 fá aðgöngumiða á leikinn Ísland - Kýpur afhenta mánudaginn 5. september frá kl. 10:00 - 16:00.  Miðarnir eru afhentir á skrifstofu KSÍ gegn framvísun skírteinis.

Handhafar A-passa 2011 frá KSÍ þurfa ekki að sækja miða fyrir landsleik Íslands og Belgíu í undankeppni EM U21 karla.  Dugar að sýna passann við innganginn þegar mætt er á völlinn en leikið verður á Vodafonevellinum.  Frjálst sætaval er á leiknum sem hefst kl. 17:00, fimmtudaginn 1. september.

KSÍ hefur ákveðið að bjóða yngri iðkendum aðildarfélaga sinna, ókeypis aðgang að landsleik Íslands og Kýpur í undankeppni EM sem fram fer á Laugardalsvelli þriðjudaginn 6. september kl. 18:45  

FH og Selfoss munu leika í Pepsi-deild kvenna að ári en þetta var ljóst eftir seinni undanúrslitaleiki í 1. deild kvenna.  Bæði félögin unnu örugga sigra í leikjum sínum í gærkvöldi.  FH lagði Hauka 6 - 0 og Selfoss hafði betur gegn Keflavík, 6 - 1.

Stjarnan tryggði sér í gærkvöldi sigur í Pepsi-deild kvenna eftir sigur á Aftureldingu á heimavelli.  Lokatölur urður 3 - 0 Stjörnuna í vil og hefur Stjarnan þá sjö stiga forystu á Valsstúlkur þegar tvær umferðir eru eftir af mótinu. Stjörnustúlkum og Garðbæingum er óskað innilega til hamingju með þennan Íslandsmeistaratitil. 

Í hálfleik á viðureign Íslands og Kýpurs í undankeppni EM 2012, munu fimm heppnir vallargestir fá tækifæri til að spyrna knetti frá vítateigsboganum (efst á boganum) með það fyrir augum að hitta þverslána.  Vinningurinn ef það tekst er ferð fyrir tvo til Evrópu með Icelandair!

Í kvöld verður leikið í úrslitakeppni 1. deildar kvenna og 3. deildar karla en eftir leiki kvöldsins skýrist hvaða félög leika í Pepsi- deild kvenna að ári. Þrír leikir fara svo fram í úrslitakeppni 3. deildar karla í kvöld og er þar um að ræða síðari leiki í 8 liða úrslitum. Fjórði leikurinn fer fram á morgun.

Fyrsti leikur Íslands í undankeppni EM 2013 fer fram fimmtudaginn 1. september.  Leikið verður við Belga á Vodafonevellinum og hefst leikurinn kl. 17:00.  Ísland hefur leik í þessari keppni með þremur leikjum á heimavelli.

Í kvöld fer fram heil umferð í Pepsi-deild kvenna, sú 16. í röðinni.  Mesta spennan verður í Garðabænum en þar geta Stjörnustúlkur tryggt félaginu fyrsta Íslandsmeistaratitilinn í meistaraflokki.  Stjarnan mætir Aftureldingu og með sigri er titillinn þeirra.  Afturelding hefur leikið mjög vel í seinni umferð Pepsi-deildarinnar en eru þó ekki alveg lausar úr fallhættu.

Ólafur Jóhannesson, landsliðsþjálfari, hefur gert fjórar breytingar á landsliðshópnum er mætir Noregi og Kýpur í undankeppni EM 2012.  Inn í hópinn koma þeir Steinþór Freyr Þorsteinsson, Matthías Vilhjálmsson, Hallgrímur Jónasson og Guðmundur Kristjánsson

FIFA stendur nú fyrir sérstökum háttvísidögum í 15. sinn, en þeir voru fyrst haldnir árið 1997.  Að þessu sinni urðu dagarnir 2. til 6. september fyrir valinu, en á því tímabili eru m.a. landsleikjadagar hjá A- og U21 landsliðum karla.

Ólafur Jóhannesson, landsliðsþjálfari karla, hefur tilkynnt hópinn er mætir Noregi og Kýpur í undankeppni EM 2012.  Leikið verður við Noreg á Ullevaal vellinum í Osló, föstudaginn 2. september en leikurinn við Kýpur verður á Laugardalsvellinum, þriðjudaginn 6. september.

KSÍ hefur komist að samkomulagi við LMA (League Managers Association) í Englandi og Sportspath.com um að bjóða þjálfurum á Íslandi upp á þjálfaranámskeið í fjarnámi.  Námskeiðið inniheldur m.a. 6 klukkutíma af vídeóviðtölum við Alex Ferguson, Fabio Capello, David Moyes, Arsene Wenger, Roy Hodgson og Howard Wilkinson. 

Kristinn Rúnar Jónsson, landsliðsþjálfari U19 karla, hefur valið hóp fyrir tvo vináttulandsleiki við Eistland.  Leikið verður ytra og fara leikirnir fram laugardaginn 3. september og mánudaginn 5. september.  Leikirnir eru liður í undirbúningi liðsins fyrir undankeppni EM en riðill Íslands verður leikinn á Kýpur.  Auk heimamanna eru Noregur og Lettland í riðlinum.

Úrslitakeppni 1. deildar kvenna hefst næstkomandi laugardag en fjögur félög eru í baráttunni um tvö sæti í Pepsi-deild kvenna að ári.  Leikið er heima og að heiman en úrslitaleikurinn sjálfur fer fram 3. september.

Framundan er úrslitakeppni 3. deildar karla og hefst hún næstkomandi laugardag, 27. ágúst.  Átta félög berjast um tvö sæti í 2. deild að ári og er leikið heima og heiman í 8 liða úrslitum þar sem samanlagður árangur ræður því hvaða félög komast í undanúrslit.

Norðmenn hafa tilkynnt hóp sinn hjá U21 karla sem mætir Íslendingum á Kópavogsvelli, þriðjudaginn 6. september næstkomandi.  Landsliðsþjálfarinn Per Joar Hansen hefur valið 18 leikmenn til fararinnar.

Eyjólfur Sverrisson, landsliðsþjálfari U21 karla, hefur valið 23 leikmenn í landsliðshóp til þess að taka þátt í leikjum gegn Belgíu og Noregi.  Leikirnir eru fyrstu leikir Íslands í undankeppni fyrir EM 2013.  Leikið verður við Belga á Vodafonevellinum fimmtudaginn 1. september en leikið verður við Norðmenn á Kópavogsvelli, þriðjudaginn 6. september.

Norðmenn hafa tilkynnt hóp sinn fyrir landsleiki gegn Íslandi og Danmörku sem fara fram 2. og 6. september.  Landsliðsþjálfarinn Egil Olsen velur 20 leikmenn en þar er John Arne Riise reynslumesti leikmaðurinn, hefur leikið 97 landsleiki.  Íslenski hópurinn verður tilkynntur á morgun, fimmtudag, á blaðamannafundi en framundan eru leikir gegn Noregi og Kýpur.

Á nýjum styrkleikalista FIFA sem birtur var nú í morgun er karlalandslið Íslands í 124. sæti og falla um þrjú sæti frá síðasta lista.  Holland er nú í efsta sæti listans og veltir Spánverjum úr því sæti.  Holland er því sjöunda þjóðin sem vermt hefur efsta sæti listans en hinar þjóðirnar eru auk Spánar: Argentína, Brasilía, Frakkland, Ítalía og  Þýskaland.

Í dag var dregið í 32 liða úrslitum Meistaradeildar kvenna og fór drátturinn fram í höfuðstöðvum UEFA.  Tvö íslensk félög voru í pottinum.  Valur mætir Glasgow FC frá Skotlandi og Þór/KA leikur gegn Potsdam frá Þýskalandi.  Fyrri leikirnir fara fram 28./29. september og þeir síðari 5./6. október.

Íslandsleikar Special Olympics í knattspyrnu og frjálsum íþróttum fara fram sunnudaginn 18. september 2011. Knattspyrnumótið fer fram í samstarfi Special Olympics, ÍF, KSÍ og knattspyrnufélagsins Víkings.

Það eru aðeins fimm félög sem hafa hampað sigri í bikarkeppni kvenna í gegnum tíðina og bæði þessi lið eru þar á meðal, KR með fjóra bikartitla og Valur nú með 13, fleiri en nokkuð annað lið.  Næst kemur Breiðablik með 9 bikarmeistaratitla.

Valur fagnaði í dag sigri í úrslitaleik Valitor-bikars kvenna með því að leggja KR með tveimur mörkum gegn engu á Laugardalsvellinum að viðstöddum rúmlega eitt þúsund áhorfendum.  Eitt mark í hvorum hálfleik tryggði Valssigur.

Það er að mörgu að hyggja í lokaundirbúningi úrslitaleiks Valitor-bikars kvenna, sem fram fer á laugardag kl. 16:00.  Starfsfólk Laugardalsvallar er í óða önn að undirbúa leikvanginn, sjálft grasið og umgjörðina.  Hefðbundinn kynningarfundur liðanna með fjölmiðlum var haldinn á fimmtudag.

Svæðisbundin úrslitakeppni í Polla- og Hnátumóti KSÍ fer fram helgina 20.-21. ágúst.  Leikið er annars vegar SV-lands og hins vegar NL / AL og hefur leikjaniðurröðun verið staðfest.  Pollarnir leika á Selfossvelli, ÍR-velli og Þórsvelli, og hnáturnar leika að Hlíðarenda, á Víkingsvelli og Norðfjarðarvelli.

Ísland og Kýpur mætast í síðasta heimaleik íslenska liðsins í undankeppni EM 2012 þriðjudaginn 6. september.  Miðasala á leikinn er nú hafin á midi.is.  Skellum okkur öll á Laugardalsvöllinn og styðjum dyggilega við bakið á okkar strákum!  Áfram Ísland!

Miðasala á tvo síðustu útileiki A landsliðs karla í undankeppni EM 2012 er nú í fullum gangi.  Ísland mætir Noregi í Osló 2. september og Portúgal í Porto 7. október.  Smellið á hlekkinn hér að neðan til að sjá nánari upplýsingar.

Miðasala á viðureign Portúgals og Íslands í undankeppni EM 2012 er hafin.  Hægt er að panta miða á leikinn hjá KSÍ og skal senda pantanir á [email protected] eigi síðar en mánudaginn 22. ágúst nk. til að tryggja miða.

Á fundi aga- og úrskurðarnefndar KSÍ 16. ágúst 2011 var samþykkt að sekta Þór vegna framkomu stuðningsmanna félagsins í leik Þórs og KR í Valitor-bikar KSÍ 13. ágúst  2011.  Um er að ræða annað atvik keppnistímabilsins vegna framkomu stuðningsmanna Þórs.

Úrslitaleikur Valitor-bikars kvenna fer fram á Laugardalsvelli á laugardag kl. 16:00.  Liðin sem mætast í úrslitaleiknum í ár hafa átt ólíku gengi að fagna á þessu sumri.  Valur er í harðri baráttu við Stjörnuna um Íslandsmeistaratitilinn, en KR berst við falldrauginn.

Gunnar Gylfason, starfsmaður KSÍ, verður vettvangsstjóri UEFA (UEFA Venue Director) á leik danska liðsins OB og Villareal frá Spáni.  Leikurinn fer fram á leikvangi OB í Óðinsvéum á miðvikudag og er liður í umspili um sæti í riðlakeppni Meistaradeildar UEFA.

Norræn dómaraskipti eru í fullum gangi í vikunni.  Á mánudag starfaði Gunnar Jarl Jónsson sem dómari og Andri Vigfússon sem aðstoðardómari á leik Qviding og Angelholm í næstefstu deild í Svíþjóð.  Þeir Marko Grönholm dómari og Mika Lamppu aðstoðardómari munu svo starfa á leik Selfoss og Þróttar í 1. deild karla í kvöld.

Miðasala er hafin á úrslitaleik Valitor bikar kvenna, sem fer fram á Laugardalsvelli laugardaginn 20. ágúst og hefst kl. 16:00.  Það eru KR og Valur sem mætast og er miðasala hafin í gegnum miðasölukerfi hjá midi.is.

Fjölnismenn hafa tapað fyrstu tveimur leikjum sínum í undankeppni Evrópukeppni félagsliða í Futsal, Futsal Cup, en riðillinn er leikinn í Varna í Búlgaríu.  Fjölnismenn eiga því ekki möguleika á því að komast í milliriðil en lokaleikurinn er gegn norska liðinu Vegakameratene á þriðjudaginn.

Sigur KR í úrslitaleik Valitor-bikars karla í ár er tólfti bikarmeistaratitill KR-inga og auka þeir því enn forystu sína á önnur lið í bikarsigrum, en næst KR-ingum koma Valur og ÍA með 9 bikarmeistaratitla.

Það var aldeilis boðið upp á hörkuleik þegar Þór og KR mættust í úrslitaleik Valitor-bikars karla á Laugardalsvellinum í dag.  Þórsarar voru mun sterkari aðilinn lengst af og sóttu grimmt, án þess þó að ná að skora.  Það gerðu KR-ingar hins vegar tvisvar og fögnuðu sigri í leikslok.

Fjölnismenn eru komnir til Varna í Búlgaríu þar sem þeir leika í Futsal Cup, Evrópukeppni félagsliða í Futsal.  Fjölnismenn eru Íslandsmeistarar í Futsal og taka því þátt fyrir Íslands hönd í keppninni.  Í riðli Fjölnis eru, auk heimamanna í Varna, Vegakameratene frá Noregi og BGA frá Danmörku.

Úrtökumót KSÍ fyrir pilta fædda 1996 fer fram að Laugarvatni 19.-21. ágúst næstkomandi.  Alls hafa á sjöunda tug leikmanna fengið boð um að mætaog koma þeir frá um 30 félögum víðs vegar af landinu. 

Aga- og úrskurðarnefnd hefur tekið fyrir kæru Markaregns gegn KFG vegna leiks í 3. deild karla.  Kærandi krafðist þess að úrslit leiksins yrðu dæmd ógild, en til var að leikurinn yrði háður að nýju.  Nefndin úrskurðaði að úrslitin skyldu standa óhögguð.

Í byrjun næstu viku kemur í heimsókn til KSÍ fulltrúi SGS, sem er alþjóðlegt matsfyrirtæki sem UEFA hefur ráðið til að gera árlega gæðaúttekt á leyfiskerfi í öllum aðildarlöndum sambandsins.  Fulltrúi SGS mun skoða vel alla uppbyggingu leyfiskerfis KSÍ. 

Það má með sanni segja að Laugardalsvöllurinn skarti sínu fegursta þessa dagana og verður í algjöru toppstandi fyrir úrslitaleik Valitor-bikars-karla, sem fram fer á laugardag kl. 16:00.  Grasið sleikir sólina á milli þess sem það svalar þorsta sínum.

Tilkynnt hefur verið hverjir dæma úrslitaleik Þórs og KR í Valitor-bikar karla á laugardag og fellur það í hlut Valgeirs Valgeirssonar að vera með flautuna í leiknum.  Aðstoðardómarar verða þeir Gunnar Sverrir Gunnarsson og Frosti Viðar Gunnarsson.

Úrslitaleikur Valitor-bikars karla fer fram á Laugardalsvelli á laugardag kl. 16:00, þar sem Þór og KR mætast.  Bikarsaga liðanna er ansi ólík. KR-ingar eru að leika til úrslita í 17. sinn, en Þórsarar eru í fyrsta sinn í úrslitum bikarkeppninnar. 

A landslið karla tapaði með fjórum mörkum gegn engu í vináttuleik í Búdapest í kvöld.  Fyrri hálfleikurinn var nokkuð jafn og liðin skiptust á að sækja, en heimamenn náðu að setja tvö mörk.  Ungverjarnir voru sterkari í síðari hálfleik og bættu við tveimur mörkum.

Ólafur Jóhannesson, þjálfari A landsliðs karla, hefur opinberað byrjunarlið sitt gegn Ungverjum, en Ísland leikur vináttuleik gegn ungverska liðinu í dag og hefst leikurinn, sem er í beinni á Stöð 2 sport, kl. 17:45.

Þeir Vilhjálmur Alvar Þórarinsson og Ásgeir Þór Ásgeirsson voru í dómarateyminu á leik FC Espoo og KPV í næst efstu deild í Finnlandi þann 7. ágúst.  Þetta verkefni var hluti í samstarfi knattspyrnusambandanna á Norðurlöndunum í norrænum dómaraskiptum.  

Miðasala á viðureign Noregs og Íslands í undankeppni EM 2012 er hafin, en liðin mætast í Osló 2. september næstkomandi.  Hægt er að panta miða á leikinn hjá KSÍ, fyrir 19. ágúst nk. til að tryggja miða.

Áfrýjunardómstóll KSÍ hefur tekið fyrir áfrýjun Víkings Ólafsvík gegn Aga- og úrskurðarnefnd KSÍ þar sem þjálfari Víkings Ól. var dæmdur í þriggja leikja bann.  Áfrýjandi krafðist þess að leikbannið yrði stytt.

KSÍ heldur 6. stigs þjálfaranámskeið í Wokefield Park, Englandi dagana 30. janúar til 6. febrúar 2012.  Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður í október á þessu ári.

Nokkrar breytingar hafa verið gerðar á hópnum hjá A-landsliði karla fyrir vináttulandsleikinn gegn Ungverjum á miðvikudag.  Fimm leikmenn hafa helst úr lestinni og í staðinn hefur Ólafur Jóhannesson landsliðsþjálfari kallað á fjóra.

Ísland tryggði sér í dag Norðurlandameistaratitilinn hjá U17 karla þegar þeir lögðu Dani í úrslitaleik á Þórsvelli í dag.  Lokatölur urðu 1 - 0 fyrir Ísland og skoraði Ævar Ingi Jóhannesson markið á 22. mínútu.  Ísland 2 lék einnig í dag við Norðmenn í leik um 3. sætið en þar höfðu Norðmenn betur, 2 - 1.

Úrslitaleikur Valitor bikar karla fer fram á Laugardalsvelli, laugardaginn 13. ágúst og hefst kl. 16:00.  Það eru Þór og KR sem mætast og er miðasala hafin í gegnum miðasölukerfi hjá midi.is.

Í dag fara fram lokaleikirnir í riðlakeppni Norðurlandamóts U17 karla og verður leikið í dag á Dalvík og á Húsavík.  Mikil spenna er fyrir lokaumferðina og margir möguleikar í spilinu en leikið verður um sæti á sunnudaginn og fara þeir leikir fram á Akureyri og Grenivík.

KR leikur í dag síðari leik sinn í þriðju umferð undankeppni Evrópudeildar UEFA og eru andstæðingarnir Dinamo Tbilisi frá Georgíu.  Róðurinn verður þungur hjá KR en Georgíumenn unnu fyrri leikinn á KR velli, 4 - 1.

Á fundi Aga- og úrskurðarnefnd KSÍ 2. ágúst 2011 var samþykkt að sekta KR um 25.000.- vegna framkomu stuðningsmanna félagsins í leik BÍ/Bolungarvíkur og KR í Valitor-bikar KSÍ 31. júlí 2011.

Úrtökumót KSÍ 2011 fyrir stúlkur fæddar árið 1996 fer fram dagana 12. - 14. ágúst.  Úrtökumótið verður á Laugarvatni og eru félög leikmanna eru beðin um að kynna sér upplýsingar sem finna má hér að neðan.

Á öðrum leikdegi á Norðurlandamóti U17 karla voru sigur og jafntefli aftur upp á teningnum á íslensku liðunum.  Ísland 1 lagði Færeyjar með þremur mörkum gegn engu og Ísland 2 gerði jafntefli við Finna, 1 - 1.

Ólafur Jóhannesson, landsliðsþjálfari, hefur valið hópinn er mætir Ungverjum í vináttulandsleik, miðvikudaginn 10. ágúst.  Leikið verður á Ferenc Puskas vellinum í Búdapest og hefst leikurinn kl. 17:45 að íslenskum tíma.  Tveir nýliðar eru í hópnum að þessu sinni og eru þeir báðir markverðir.

Vegna úrslitaleiksins í Valitor-bikar karla 13. ágúst  og vegna þátttöku KR í Evrópudeild UEFA hefur nokkrum leikjum í Pepsi-deild karla verið breytt.  Næst síðasta umferðin, 21. umferð, hefur verið færð í heild sinni aftur um einn dag.

Í dag fara fram fjórir leikir á Norðurlandamóti U17 karla og verða leikir dagsins á Sauðárkróki og Ólafsfirði.  Eins og áður hefur komið fram er Ísland með tvö lið að þessu sinni á mótinu.  Ísland 1 mætir Færeyjum á Sauðárkróki kl. 14:00 en Ísland 2 leikur gegn Finnum á Ólafsfirði kl. 16:00.

Í dag hófst Norðurlandamót U17 karla en mótið fer fram að þessu sinni hér á landi og er leikið á Norðurlandi.  Tvo íslensk lið eru með á mótinu að þessu sinni og léku þau bæði í dag.  Ísland 2 lagði Svía að velli, 3 - 1, en Ísland 1 gerði jafntefli við Norðmenn, 2 - 2.

Norðurlandamót karla U17 hefur göngu sína í dag og að þessu sinni er Ísland með tvö lið í mótinu.  Ísland 1 mætir Noregi kl. 16:00 á Þórsvelli en núna kl. 14:00 leikur Ísland 2 gegn Svíum.  Gunnar Guðmundsson stjórnar liði 1 en Freyr Sverrisson stjórnar liði 2.  Þeir hafa tilkynnt byrjunarlið sín.

Nú er ljóst að það verða Þór og KR sem leika til úrslita í Valitor bikar karla.  Þór lagði ÍBV í undanúrslitum og KR hafði betur gegn BÍ/Bolungarvík nú um helgina en leikið var á Ísafirði.  Úrslitaleikurinn fer fram á Laugardalsvelli, laugardaginn 13. ágúst..

Í dag hefst Norðurlandamót U17 karla og verður það leikið víðsvegar um Norðurland.  Ísland er að þessu sinni með tvö lið í mótinu en aðrar þjóðir eru: Færeyjar, Noregur, Svíþjóð, Danmörk, Finnland og England.  Leikirnir í dag fara allir fram á Akureyri, á Akureyrarvelli og Þórsvelli.