Byrjunarlið U21 landsliðs karla gegn Skotum hefur verið tilkynnt, en liðin mætast í vináttulandsleik á Firhill leikvanginum í Glasgow í kvöld.  Leikurinn, sem hefst kl. 19:30, er sá fyrsti sem liðið leikur undir stjórn Lúkasar Kostic.

Jörundur Áki Sveinsson, þjálfari A-landsliðs kvenna, hefur tilkynnt íslenska hópinn fyrir vináttulandsleikinn gegn Englendingum í Norwich 9. mars næstkomandi.  Harpa Þorsteinsdóttir úr Stjörnunni er eini nýliðinn í hópnum.

Michel Platini kom til Íslands fyrir tveimur árum síðan og bragðaði þá að eigin sögn besta fisk sem hann hafði nokkurn tímann fengið.  Hann kom aftur um helgina og þegar hann hélt heim á þriðjudag var hann með saltfisk í farteskinu ...

Eyjólfur Sverrisson, þjálfari A-landsliðs karla, hefur tilkynnt byrjunarlið Íslands fyrir vináttulandsleikinn gegn Trinidad & Tobago.  Liðin mætast á Loftus Road í Lundúnum í kvöld og hefst bein útsending Sýnar kl. 19:30.

KSÍ hefur kynnt og undirritað nýja samninga við sjö fyrirtæki undir yfirskriftinni Alltaf í boltanum með KSÍ.  Aldrei fyrr hefur Knattspyrnusambandið gert jafn verðmæta samninga við íslenskt atvinnulíf.

Atli Jónasson markvörður úr KR hefur verið valinn í U21 landsliðshópinn fyrir vináttulandsleikinn gegn Skotum í Glasgow á þriðjudag.  Atli kemur í stað Hrafns Davíðssonar úr ÍBV, sem er meiddur.

KSÍ hefur boðað til kynningarfundar á mánudag þar sem undirritaðir verða nýir samningar á milli KSÍ og sjö fyrirtækja undir yfirskriftinni Alltaf í boltanum með KSÍ.  Sérstakur heiðursgestur verður Michel Platini.

Ólafur Þór Guðbjörnsson landsliðsþjálfari U19 kvenna hefur valið 28 manna undirbúningshóp fyrir úrslitakeppni EM U19 kvenna sem fram fer hér á landi í júlí 2007.  Undirbúningur íslenska liðsins hefst í mars á þessu ári. 

Á fundi stjórnar KSÍ 24. febrúar voru embættismenn stjórnar skipaðir til eins árs og eru þeir óbreyttir frá fyrra ári. Þá var einnig skipað í nefndir fyrir komandi starfsár og má skoða nefndaskipan með því að smella hér að neðan.

Þriðjudaginn 28. febrúar vera A og U21 landslið karla í eldlínunni og leika vináttulandsleiki á erlendri grundu.  Um er að ræða fyrstu leiki liðanna undir stjórn nýrra landsliðsþjálfara. 

KR tryggði sér sigur í Reykjavíkurmóti meistaraflokks kvenna á fimmtudagskvöld með því að leggja Val í hörkuleik í Egilshöll, 2-1.  Valsstúlkum hefði dugað jafntefli í leiknum til að hampa Reykjavíkurmeistaratitlinum.

KSÍ heldur V.stigs þjálfaranámskeið helgina 17-19.mars í Reykjavík.  Þátttökurétt hafa allir þjálfarar sem hafa náð 70 stigum eða meira á UEFA B prófinu sínu. 

Á ársþingi KSÍ 11. febrúar síðastliðinn voru samþykktar breytingar á staðalsamningi KSÍ (staðalformi leikmannasamninga).  Allir samningar leikmanna sem gerðir eru frá og með 11. febrúar þurfa því að vera á nýju eyðublaði. 

Skotar hafa tilkynnt U21 hóp sinn fyrir vináttuleikinn gegn Íslendingum á Firhill leikvanginum í Glasgow 28. febrúar.  Í hópnum eru að mestu leikmenn frá skoskum félagsliðum, en nokkrir leika í ensku deildarkeppninni.

Dagana 25. og 26. febrúar fara fram æfingar fyrir U17 og U19 landslið kvenna og hafa alls um 50 leikmenn verið boðaðir á æfingarnar.  U17 liðið æfir í Reykjaneshöll, en U19 liðið á Fylkisvelli og í Egilshöll.

Lúkas Kostic, þjálfari U21 landsliða  karla, hefur valið Kristján Valdimarsson í hópinn fyrir vináttuleikinn gegn Skotum 28. febrúar.  Kristján kemur í staðinn fyrir Bjarna Hólm Aðalsteinsson, sem er meiddur.

Grétar Ólafur Hjartarson er meiddur og getur því ekki leikið með A landsliði karla í vináttuleiknum gegn Trinidad & Tobago 28. febrúar.  Í stað hans hefur Gylfi Einarsson verið kallaður í hópinn.

Drög að niðurröðun landsdeilda (Landsbankadeild karla, 1. deild karla, 2. deild karla og Landsbankadeild kvenna), og VISA-bikars karla og kvenna hafa nú verið birt hér á vefnum, auk leikja í Meistarakeppni karla og kvenna.

Leikjaniðurröðun í Reykjavíkurmóti yngri flokka hefur verið staðfest og má sjá hér á vefnum.  Af gefnu tilefni skal tekið fram að með öllu er óheimilt að færa til leiki án samþykkis mótanefndar.

Laugardaginn 18. febrúar verður þriðja Ragnars-mótið í Reykjaneshöllinni, en mótið er haldið til minningar um Ragnar Margeirsson, einn fremsta knattspyrnumann Keflavíkur. 

Mánudaginn 20. febrúar verður opnað fyrir umsóknir um miða á úrslitaleik UEFA-bikarsins.  Hægt verður að sækja um miða í gegnum uefa.com og lokað verður fyrir umsóknir 20. mars. 

Drög að leikjaniðurröðun í Faxaflóamóti yngri flokka liggja nú fyrir og má sjá þau hér á vefnum.  Mikilvægt er að farið sé vandlega yfir leikina og athugasemdum komið á framfæri ef einhverjar eru.

KSÍ hefur samið við Knattspyrnusamband Spánar um að A-karlalandslið þjóðanna leiki vináttuleik á Laugardalsvelli 16. ágúst næstkomandi.  Liðin eru jafnframt saman í riðli í undankeppni EM 2008.

Leo Beenhakker hefur valið 20 manna landsliðshóp Trinidad & Tobago, sem mætir Íslandi í vináttulandsleik á Loftus Road í Lundúnum 28. febrúar.  Beenhakker mun nota leikinn til að gefa nokkrum nýjum leikmönnum tækifæri.

Leo Beenhakker, þjálfari landsliðs Trinidad & Tobago, leitar nú að sterkum leikmönnum um allan heim sem eiga rætur sínar að rekja til landsins og gætu leikið með liðinu á HM í sumar.

U21 landslið karla mætir Skotum í vináttulandsleik á Firhill Stadium í Glasgow 28. febrúar næstkomandi.  Lúkas Kostic, þjálfari íslenska liðsins, hefur tilkynnt hópinn fyrir leikinn, sem er sá fyrsti undir hans stjórn.

Eyjólfur Sverrisson, þjálfari A-landsliðs karla, hefur tilkynnt fyrsta hóp sinn síðan hann tók við stjórn liðsins síðastliðið haust.  Íslenska liðið mætir Trinidad & Tobago í vináttulandsleik á Loftus Road í Lundúnum 28. febrúar.

Fjórða söluþrep í miðasölu fyrir úrslitakeppni HM opnar 15. febrúar á fifaworldcup.com.  Um 30.000 miðar eru í boði að þessu sinni og góðar líkur eru á því að fleiri miðar verði í boði eftir því sem líður á þrepið.

Á fundi aganefndar 9. febrúar síðastliðinn var Alexander V. Þórarinsson, leikmaður 2. flokks Grindavíkur úrskurðaður í eins leiks bann vegna atviks í leik í riðlakeppni Íslandsmótsins innanhúss.

Úrslitakeppni Íslandsmóts yngri flokka innanhúss fer fram um næstu helgi.  Leikið verður í Laugardalshöll, í Austurbergi í Breiðholti, á Akranesi, að Varmá í Mosfellsbæ, í Fylkishöll í Árbæ og í Kaplakrika í Hafnarfirði.

Þórsarar eru með góða stöðu í efsta sæti Norðurlandsmóts Powerade, enFjarðabyggð á þó möguleika á að komast upp fyrir Þór, en til þess þarf liðið að sigra í síðustu tveimur leikjum sínum í mótinu.

Jörundur Áki Sveinsson, þjálfari A landsliðs kvenna, hefur boðað 26 leikmenn á æfingar liðsins í febrúar.  Liðið mætir Englendingum í vináttulandsleik á Carrow Road í Norwich 9. mars næstomandi.

60. ársþingi KSÍ, sem fram fór á Hótel Loftleiðum í dag laugardag er lokið.  Helstu niðurstöður þingsins má sjá undir "Lög og reglugerðir" í valmyndinni hér hægra megin.  Engar breytingar urðu á stjórn KSÍ.

Breiðablik hlaut kvennabikarinn fyrir árið 2005 og var hann afhentur á ársþingi KSÍ.  Árni Bragason úr stjórn knattspyrnudeildar Breiðabliks tók við bikarnum fyrir hönd félagsins úr hendi formanns KSÍ.

Sérstök viðurkenning var afhent Hilmari Björnssyni, sjónvarpsstjóra Sýnar, á ársþingi KSÍ á Hótel Loftleiðum. Eggert Magnússon, formaður KSÍ, afhenti Hilmari viðurkenninguna.

Guðmundur Hilmarsson, blaðamaður á Morgunblaðinu, hlaut Fjölmiðlapenna KSÍ fyrir árið 2005.  Það var Eggert Magnússon, formaður KSÍ, sem afhenti Guðmundi fjölmiðlapennann á ársþingi KSÍ.

Niðurröðun landsdeilda stendur yfir um þessar mundir og verða fyrstu drög birt mánudaginn 20. febrúar.  Fylgist með hér á ksi.is ...

Smellið hér að neðan til að fylgjast með afgreiðslu tillagna og annarra mála sem liggja fyrir 60. ársþingi KSÍ, sem haldið er á Hótel Loftleiðum í Reykjavík.  Upplýsingarnar verða uppfærðar reglulega á meðan á þinginu stendur.

Stjórn KSÍ hefur ákveðið fyrirkomulag 3. deildar karla fyrir keppnistímabilið 2006, en alls taka 30 lið þátt í deildinni í ár.  Fyrst fer fram svæðisbundin riðlakeppni og síðan hefðbundin útsláttarkeppni.

Níu félög nýttu sér tækifærið á dögunum og kræktu sér í sæti úr gömlu stúkunni á Laugardalsvelli, en eins og knattspyrnuáhugafólki er kunnugt um er er nú unnið að stækkun og endurbótum á stúkunni.

Vinna við niðurröðun Íslandsmóta yngri flokka karla og kvenna 2006 stendur nú yfir. Mótadeild KSÍ óskar eftir upplýsingum um allar utanferðir félaga í sumar, sem geta haft áhrif á niðurröðun móta.

Per Ravn Omdal, heiðursforseti norska knattspyrnusambandsins og einn af varaforsetum UEFA, verður sérstakur gestur á ársþingi KSÍ sem fram fer á Hótel Loftleiðum á laugardag og er um leið fulltrúi UEFA.

Drög að leikjaniðurröðun í Reykjavíkurmóti yngri flokka liggja nú fyrir og má sjá hér á vefnum.  Mikilvægt er að farið sé vandlega yfir leikjaniðurröðun og athugasemdum komið á framfæri ef einhverjar eru.

Laugardaginn 11. febrúar næstkomandi fer fram 60. ársþing KSÍ á Hótel Loftleiðum í Reykjavík.  Alls hafa 119 fulltrúar rétt til setu á þinginu, en nú þegar hefur kjörbréfum verið skilað fyrir flesta fulltrúa.

Fyrsta unglingadómaranámskeið ársins hefst 17. febrúar. Þátttakendur sækja námsefnið hingað á vefinn og fá send verkefni með tölvupósti, en námskeiðinu lýkur síðan með prófi laugardaginn 11. mars. 

Alls hafa um 60 leikmenn verið boðaðir á úrtaksæfingar fyrir U17 og U19 landslið karla, sem fram fara um næstu helgi.  U17 hópurinn er nokkuð stærri, en henn telur 34 leikmenn.

Trinidad & Tobago verður í sumar fámennasta þjóðin sem tekur þátt í úrslitakeppni HM frá upphafi.  Í landinu býr 1,1 milljón manna á rúmlega 5 þúsund ferkílómetrum.

Leikstaður hefur verið ákveðinn fyrir vináttuleik A landsliðs kvenna gegn Englandi 9. mars næstkomandi.  Leikið verður á Carrow Road, heimavelli knattspyrnuliðsins Norwich City.

Héraðsmót meistaraflokka eru nú í fullum gangi.  Riðlakeppni Reykjavíkurmóts karla lýkur um næstu helgi, Stjarnan og Breiðablik eru með fullt hús í Faxaflóamóti kvenna og Þórsarar hafa forystu í Powerade-mótinu.

Engin ný framboð bárust til stjórnar KSÍ fyrir ársþing sambandsins, sem fram fer á Hótel Loftleiðum 11. febrúar, en samkvæmt 12. grein laga KSÍ verða framboð að berast minnst hálfum mánuði fyrir þing. 

Tæplega 30 leikmenn hafa verið boðaðir á úrtaksæfingar fyrir U21 landslið karla, sem fara fram í Reykjaneshöll dagana 11. og 12. febrúar.  Æfingarnar fara fram undir stjórn Lúkasar Kostic, þjálfara liðsins.

Ísland er sem stendur í 25. sæti á háttvísilista UEFA með einkunnina 7,875, en einkunnin er byggð á þátttöku íslenskra félagsliða og landsliða í keppnum á vegum UEFA.