Í samræmi við starfsreglur mótanefndar KRR hefur skrifstofa KSÍ staðfest að Jakob Spangsberg Jensen lék ólöglegur með liði Vals gegn Fram í Reykjavíkurmótinu sunnudaginn 29. janúar síðastliðinn.

Dregið hefur verið í riðla í undankeppni EM 2008 og er óhætt að segja að riðillinn sem Ísland hafnaði í sé mjög spennandi.  Þrjú Norðurlandalið eru í riðlinum og fjögur af liðunum sjö léku í úrslitakeppni EM 2004.

Á föstudag kl. 11:00 verður dregið í riðla í undankeppni EM karlalandsliða 2008 og fer drátturinn fram í Montreux í Sviss.  Ísland er í 5. styrkleikaflokki, en hvernig gæti riðill íslenska liðsins litið út? Taktu þátt í könnuninni hér til hliðar.

Kópavogsbær og Knattspyrnusamband Íslands undirrituðu nýlega samkomulag um afnot og aðstöðu í knatthúsi Kópavogsbæjar sem áætlað er að reisa í Vallakór í Vatnsendahverfi síðar á þessu ári.

Stjórn Knattspyrnusambands Íslands ákvað á fundi sínum 23. janúar síðastliðinn að greiða  tæpar 11  milljónir króna til aðildarfélaga KSÍ.  Þetta er fimmta árið í röð sem aðildarfélög KSÍ njóta slíks framlags.

Mótanefnd hefur lokið við niðurröðun leikja í Deildarbikarkeppni KSÍ 2006 og má skoða leiki félaga hér á vefnum.  Nokkrar breytingar hafa verið gerðar frá þeim drögum sem gefin voru út 22. desember.

Um 60 leikmenn hafa verið boðaðir á úrtaksæfingar fyrir U17 og U19 landslið karla um næstu helgi.   KR á flesta fulltrúa í U19 æfingahópnum, en Blikar eru fjölmennastir hjá U17.

Leikjaniðurröðun í Faxaflóamóti meistaraflokks kvenna hefur verið staðfest og má sjá hér á vefnum. Sex félög taka þátt í mótinu og leika þau einfalda umferð í einum riðli.

Föstudaginn 3. febrúar mun Félag íslenskra sjúkraþjálfara (FÍSÞ) halda Dag sjúkraþjálfunar. Dagurinn byggir á fræðslufyrirlestrum, kynningu á rannsóknarniðurstöðum og umræðum um þjálfun, hæfingu og endurhæfingu.

Reykjavíkurmót meistaraflokks karla hefst á laugardag með viðureign Leiknis og KR í B-riðli.  Leikið er í tveimur riðlum í mótinu og mætast sigurvegarar riðlanna í úrslitaleik.

Kvennaráð knattspyrnudeildar FH óskar eftir að ráða spilandi aðstoðarþjálfara fyrir meistaraflokk kvenna, sem einnig myndi aðstoða við þjálfun 2. flokks kvenna.

Ísland er í 95. sæti á styrkleikalista FIFA fyrir karlalandslið, sem gefinn var út fyrr í vikunni, og fellur því um eitt sæti frá því listinn var síðast gefinn út.  Brasilíumenn eru lang efstir sem fyrr.

Að mörgu er að hyggja þegar kemur að framkvæmd leikja í Reykjavíkurmótum meistaraflokka karla og kvenna og því mikilvægt að þau félög sem taka þátt séu meðvituð um sinn þátt.

Rúmlega 50 leikmenn hafa verið boðaðir á æfingar U17 og U19 landsliða kvenna um næstu helgi, dagana 21. og 22. janúar.  U19 liðið æfir á Fylkisvelli og í Egilshöll, en U17 í Fífunni og Reykjaneshöll.

Norðurlandsmót Powerade hefst á laugardag með viðureign Magna og KA í Boganum á Akureyri.  Þetta er í fjórða sinn sem mótið er haldið og hefur það náð að festa sig vel í sessi.

Nýliðar Víkings urðu í dag fimmta félagið til að skila leyfisgögnum vegna umsóknar um þátttökuleyfi í Landsbankadeild karla 2006.  Áður höfðu Keflavík, Fylkir, ÍA og FH skilað sínum gögnum.

Framboð til stjórnar KSÍ skal samkvæmt 12. grein laga KSÍ berast skrifstofu sambandsins minnst hálfum mánuði fyrir þing.  Kjörnefnd er þó heimilt að samþykkja framboð sem fram kemur síðar.

Alls hafa 35 leikmenn verið boðaðir til úrtaksæfinga fyrir U16 landslið karla, sem fram fara í Boganum á Akureyri 21. og 22. janúar næstkomandi.  Um er að ræða leikmenn frá félögum á Norður- og Austurlandi.

Knattspyrnusambandið hefur endurráðið þá Guðna Kjartansson, Lúkas Kostic og Frey Sverrisson til eins árs til að þjálfa yngri landslið karla.  Þá hefur Lúkas verið ráðinn til að sinna útbreiðslustörfum í fullu starfi á árinu 2006.

Faxaflóamót yngri flokka 2006 verður með með svipuðu sniði og undanfarin ár.  Leikið er í hraðmótum í 6. og 7. flokki í maí.  Þátttöku þarf að tilkynna eigi síðar en 17. janúar næstkomandi.

FH-ingar hafa skilað fylgigögnum með leyfisumsókn sinni fyrir komandi keppnistímabil í Landsbankadeild karla.  FH er því fjórða félagið til að skila leyfisgögnum sínum, en áður hafa Keflavík, Fylkir og ÍA skilað.

Fjöldi félagaskipti á árinu sem leið var alls 1.427, sem er nokkur aukning frá árinu á undan.  Fjöldi félagaskipta árin 1999 - 2002 var tiltölulega stöðugur, en þeim fjölgaði nokkuð árið 2003 og aftur á síðasta ári.

Alls hafa um 60 leikmenn verið boðaðir á úrtaksæfingar fyrir U17 og U19 landslið karla, sem fara fram dagana 14. og 15. janúar.  Æft verður í Egilshöll, Fífunni og Reykjaneshöll.

Drög að leikjaniðurröðun í Faxaflóamóti meistaraflokks kvenna liggur nú fyrir og má sjá hér á vefnum.  Félög eru sérstaklega beðin að athuga að ekki verður leikið þrjár helgar vegna æfinga landsliða.

Reykjavíkurmót yngri flokka karla og kvenna verður með svipuðu sniði og undanfarin ár og yngstu flokkarnir leika árgangaskipt í hraðmótum í Egilshöll.  Lokafrestur til að skila inn þátttökutilkynningu er 16. janúar.

Unglingaráð knattspyrnudeildar Víkings R. óskar eftir að ráða metnaðarfullan og öflugan þjálfara fyrir 3. flokk karla.  Umsækjendur þurfa að hafa reynslu af þjálfun og tilskilin réttindi frá KSÍ eða sambærilega menntun.

Alls munu um 15.000 sjálfboðaliðar starfa við úrslitakeppni HM í Þýskalandi næsta sumar.  Áhugasamir aðilar geta sótt um þátttöku til og með 28. febrúar, en nú þegar hafa um 40.000 manns sótt um.

Eiður Smári Guðjohnsen, fyrirliði íslenska landsliðsins, var á þriðjudagskvöld krýndur íþróttamaður ársins 2005 af samtökum íþróttafréttamanna.  Þetta er annað árið í röð sem Eiður hlýtur þennan heiður.

Úrtaksæfingar fyrir U17 og U19 landslið kvenna fara fram um næstu helgi, dagana 7. og 8. janúar.  Alls hafa tæplega 50 leikmenn frá félögum víðs vegar af landinu verið kallaðir til æfinga að þessu sinni.

Vel á fjórða þúsund leikmenn tóku þátt í vel lukkuðu Jólamóti KRR, sem fram fór í Egilshöll í desember.  Samanlagt fóru fram 565 leikir, en þátttökuliðin frá aðildarfélögunum níu voru alls 321.

Faxaflóamót í meistaraflokki kvenna hefst í byrjun febrúar og er stefnt að því að keppni sé lokið áður en keppni í Deildarbikar kvenna hefst.  Fyrirkomulag verður ákveðið þegar ljóst er hver fjöldi liða verður.