Skrifstofu KSÍ berast reglulega spurningar um hin ýmsu leyfi sem gefin eru út.  Leyfin eru sem sagt þrenns konar:  Keppnisleyfi, vallarleyfi og þátttökuleyfi.  Og um hvað snúast þessi leyfi þá, er þetta allt um sama hlutinn, er þetta allt í leyfiskerfinu?

Samkvæmt reglugerð KSÍ um félagaskipti, samninga og stöðu leikmanna og félaga hefur skrifstofa KSÍ gefið út afreksstuðla leikmanna og hafa þeir verið uppfærðir á vef KSÍ.  Hægt er að áfrýja flokkun leikmanns til samninga- og félagaskiptanefndar.

Árlegur haustfundur með formönnum og framkvæmdastjórum aðildarfélaga KSÍ fór fram í höfuðstöðvum sambandsins í dag.  Farið var yfir ýmis mál á fundinum, þ.á.m. keppnistímabilið sem leið, næsta keppnistímabil, leikdaga, fjármál aðildarfélaga og fleira. 

Meðfylgjandi er þátttökutilkynning fyrir Deildarbikarkeppni KSÍ í knattspyrnu.  Tilkynna ber þátttöku í síðasta lagi sunnudaginn 20. nóvember.  Leikið verður með sama fyrirkomulagi og 2011.  A-deild karla hefst um miðjan febrúar en keppni í öðrum deildum í byrjun mars.

KSÍ boðar til fundar formanna og framkvæmdastjóra aðildarfélaga laugardaginn 19. nóvember í höfuðstöðvum KSÍ á Laugardalsvelli kl. 12:00 - 14.30.  Kl. 14.00 verður dregið í töfluröð í Pepsi-deild, 1. og 2. deild karla og Pepsi-deild kvenna á sama stað.