Tækjakassi - Skjalasafn
Í Tækjakassanum er að finna eyðublöð, gátlista og og fleiri skjöl sem notuð er í Leyfiskerfinu (á Word, Excel eða PDF formi).
Gátlisti - Allar forsendur
Leyfisstjóri notar gátlista til að meta stöðu félags gagnvart Leyfiskerfinu. Í þessum gátlista er listi yfir allar forsendur reglugerðarinnar og skýringar varðandi hvernig má uppfylla þær. Félögin geta einnig notað þennan gátlista til að meta eigin stöðu.
- TCP 02.1 - Gátlisti - Forsendur aðrar en fjárhagslegar
- TCP 02.2 - Gátlisti - Fjárhagslegar forsendur
Ráðningarsamningar
Sniðmátið hér að neðan má nota sem grunn fyrir alla þá ráðningarsamninga sem krafist er í leyfiskerfinu. Einnig má sjá tillögur að nokkrum ráðningarsamningum með starfslýsingum. Athugið þó að ef ráðningarsamningur er til staðar (og þar með ekki þörf á að nota sniðmátin hér að neðan) á að skila honum.
- TMA 06.2 - Fjármálastjóri - tillaga
- TMA 06.2 - Fjölmiðlafulltrúi - tillaga
- TMA 06.2 - Öryggisstjóri - tillaga
- TMA 06.2 - Læknir - Tillaga (skv. tillögum frá heilbrigðisnefnd KSÍ)
- TMA 06.2 - Sjúkraþjálfari - Tillaga (skv. tillögum frá heilbrigðisnefnd KSÍ)
- TMA 06.2 - Tengiliður við stuðningsmenn - Tillaga
Ábyrgðarmenn / Undirskriftir
Sýna þarf undirskriftir allra þeirra aðila sem mega undirrita skjöl vegna Leyfiskerfisins hjá viðkomandi félagi á eyðublaðinu hér að neðan. Þetta eru jafnframt einu aðilarnir sem geta fengið að skoða gögn viðkomandi félags hjá leyfisstjóra.
Gæslumenn
Skrá þarf gæslumenn sem koma til með að starfa við heimaleiki viðkomandi félags. Athugið að fullnægjandi er að tilgreina fjölda gæslumanna og hvaðan þeir koma (t.d. 10 úr hjálparsveit skáta).
Áætlun um knattspyrnulegt uppeldi (íþróttanámskrá)
Hvert félag þarf að vera með skriflega áætlun um knattspyrnulegt uppeldi yngri iðkenda sem KSÍ hefur samþykkt. Hér að neðan má sjá leiðbeiningar frá KSÍ um þau atriði sem slík áætlun þarf að innihalda.
Læknisskoðun leikmanna
Samkvæmt leyfisreglugerð KSÍ skal leyfisumsækjandi í efstu deild tryggja að allir leikmenn hans sem eru gjaldgengir í meistaraflokki fari árlega í almenna læknisskoðun. Staðfesting læknis á að læknisskoðunin hafi fari fram eigi síðar en 10. júní árið á undan skal lögð fram af leyfisumsækjanda með leyfisumsókn, á þar til gerðu skýrsluformi. Mælt er með því að sú almenna læknisskoðun sem framkvæmd er í efstu deild sé í samræmi við þessi tilmæli.
- TCP 04.1 - Læknisskoðun fyrir upphaf keppnistímabils
- TCP 04.2 - Læknisskoðun leikmanna - Skýrsluform
Jafnrétti kynþátta
Skrásetta stefnu félags í málefnum kynþáttamisréttis og fordóma á að birta opinberlega og er mælt með því að það verði a.m.k. gert á vefsíðu félagsins. Taka skal mið af 10 þrepa áætlun UEFA um kynþáttamisrétti í Reglugerð UEFA um öryggi og gæslu á leikvöngum.
Fjárhagslegir þættir
Forskrift að ársreikningi: Formúlusettar Excel-skrár / Áritanir endurskoðanda og staðfesting stjórnar
Hjá félögum í efstu deild skal ársreikningurinn endurskoðaður í samræmi við alþjóðlega endurskoðunarstaðla og til að fá samþykki leyfisveitanda verður áritun endurskoðanda að vera án fyrirvara og án ábendingar um rekstrarhæfi. Hjá félögum í 1. deild er fullnægjandi að áritun endurskoðenda sé könnunaráritun (ISRE 2400).
Ársreikningur skal innihalda viðeigandi áritun endurskoðanda, skýrslu stjórnar og framkvæmdastjóra.
Hér að neðan er forskrift að ársreikningi samkvæmt kröfum leyfisreglugerðarinnar. Um er að ræða formúlusettar Excel-skrár. Í Excel-skránum er að finna eftirfarandi:
-
-
Forsíða og efnisyfirlit
-
Fyrirvaralaus áritun endurskoðanda (full áritun)
-
Könnunaráritun endurskoðanda
-
Skýrsla stjórnar
-
Rekstrarreikningur
-
Rekstrarreikningur - Sundurliðanir
- Efnahagsreikningur
- Yfirlit um sjóðstreymi
- Skýringar
- Rekstraráætlun
- Rekstraráætlun ef krafa um fjárhagsleg viðmið er ekki uppfyllt
- Áætlað sjóðstreymisyfirlit
- Greiðslutafla vegna félagaskipta (keyptir leikmenn)
- Tafla um útistandandi kröfur vegna félagaskipta (seldir leikmenn)
- Leikmannaskrá (verðmæti leikmanna) - (leikmannaskrá með dæmum)
- Starfsmannaskrá (vegna engra vanskila)
- Greiðslutafla - Opinberir aðilar (vegna engra vanskila)
-
Ráðningarbréf endurskoðanda
Leyfisumsækjandi velur endurskoðanda og skal hann vera meðlimur í Félagi löggiltra endurskoðenda (FLE). Leyfisumsækjandi og endurskoðandi gera með sér samkomulag um vinnu við ársreikning félagsins.
- TCP 13.2 - Ráðningarbréf endurskoðanda vegna fullrar áritunar
- TCP 13.2 - Ráðningarbréf endurskoðanda vegna könnunaráritunar
Staðfestingarbréf stjórnenda
Með ársreikningi skal fylgja yfirlýsing frá stjórnendum um að fjárhagsforsendur hafi ekki breyst í veigamiklum atriðum frá áramótum til áritunar.
Einstaklingsstaðfestingar á engum vanskilum
Hver og einn starfsmaður sem skilgreindur er í kafla um starfsfólk og stjórnun og þiggur laun frá félaginu (leyfisumsækjanda) þarf að staðfesta að félagið standi í skilum hvað varðar laun og launatengd gjöld (leikmenn, þjálfarar og aðrir).
- TCP 13.5 - Staðfesting starfsmanns (leikmenn, þjálfarar, framkvæmdastjóri, o.s.frv.) á engum vanskilum (íslenska eða enska hér fyrir neðan).
Yfirlýsing frá aðalstjórn
Leyfisumsækjandi (ef knattspyrnudeild) þarf að leggja fram yfirlýsingu frá aðalstjórn varðandi stöðu knattspyrnudeildar, sjálfstæði deildarinnar í fjárhagslegum skuldbindingum og ábyrgð aðalstjórnar.
Staðfestingar endurskoðanda vegna engra vanskila
Endurskoðandi félags verður að útbúa skýrslu samkvæmt sniðmátunum hér að neðan og staðfesta með undirritun sinni að hann hafi kannað hvort um vanskil sé að ræða varðandi greiðslur milli félaga tengd félagaskiptum eða vegna launagreiðslna/verktakagreiðslna til leikmanna, þjálfara og annarra starfsmanna sem tilgreindir eru í leyfisreglugerðinni.
Útreikningur vegna krafna um eiginfjárstöðu og skuldabyrði
Seinni staðfesting stjórnar
Leggja verður fram skriflega staðfestingu frá stjórn félagsins um hvort efnahagslegar forsendur hafi breyst verulega eftir dagsetningu endurskoðaðs ársreiknings. Staðfestingin má ekki vera eldri en vikugömul þegar gögn eru lögð fyrir leyfisráð í byrjun mars.
