Leyfisumsókn ÍBV ásamt fylgigögnum hefur nú borist KSÍ og hafa því leyfisumsóknir allra félaganna tólf í 1. deild karla skilað sér.  Tíu leyfisumsóknir höfðu borist á miðvikudag og tvær síðustu bárust í dag, frá Víkingi Ólafsvík og ÍBV.

Þrjú félög til viðbótar hafa nú skilað leyfisumsóknum sínum ásamt fylgigögnum og hafa því níu af tólf félögum 1. deildar skilað.  Þessi þrjú félög eru Leiknir R., Þróttur R. og Fjölnir.

Leyfisumsóknir Grindavíkur og KA, ásamt fylgigögnum, hafa nú borist leyfisstjórn og hefur því helmingur félaganna í 1. deild skilað sínum gögnum, sex félög af tólf alls.

Fjarðabyggð er þriðja liðið til að skila umsókn um þátttökuleyfi fyrir komandi keppnistímabil í 1. deild karla, en áður höfðu Njarðvík og Reynir Sandgerði skilað sínum gögnum.

Öll félögin í Landsbankadeild karla skiluðu leyfisumsókn ásamt fylgigögnum innan settra tímamarka, en skilafresturinn rann út mánudaginn 15. janúar.  Skiladagur félaga í 1. deild er miðvikudagurinn 17. janúar.

Breiðablik hefur nú skilað umsókn um þátttökuleyfi ásamt fylgigögnum og hefur þá helmingur Landsbankadeildarfélaga skilað.  Eins og kynnt hefur verið rennur skilafrestur Landsbankadeildar út í dag, mánudag. 

Njarðvíkingar urðu fyrstir félaga í 1. deild karla til að skila leyfisumsókn ásamt fylgigögnum.  Lið Reykjanesbæjar urðu þar með fyrst til að skila í sínum deildum, en áður höfðu Keflvíkingar skilað fyrstir í Landsbankadeildinni.

Skiladagur leyfisumsóknar og fylgigagna, annarra en fjárhagslegra, er 15. janúar og er sá dagur runninn upp.  Þegar hafa fjögur félög í Landsbankadeild karla skilað gögnum - Keflavík, Fylkir, HK og Valur.

Leyfisstjórn hefur ákveðið að framlengja skilafrest á leyfisumsóknum félaga í 1. deild karla um tvo daga.  Félögin 12 verða nú að skila umsókn um þátttökuleyfi eigi síðar en miðvikudaginn 17. janúar.

Keflvíkingar voru fyrstir til að skila leyfisumsókn fyrir keppnistímabilið 2007 ásamt fylgigögnum.  Gögnin bárust leyfisstjóra fyrir áramót, þrátt fyrir að lokaskiladagur gagna, annarra en fjárhagslegra, sé 15. janúar.