Mótamál
Miðasala á úrslitaleik Meistaradeildar UEFA hefst 2. mars
Miðasala fer fyrst um sinn eingöngu fram á heimasíðu UEFA
Mánudaginn 2. mars getur hinn almenni knattspyrnuáhugamaður freistað þess að krækja sér í miða á úrslitaleik Meistaradeildar UEFA sem fram fer í Róm 27. maí. Hægt verður að sækja um í gegnum heimasíðu UEFA, www.uefa.com.
Það verða um 67.000 manns sem komast fyrir á Olympíuleikvangnum í Róm þann 27. maí næstkomandi og í fyrstu umferð miðasölunnar verða um 10.000 miðar seldir. Dregið verður á milli þeirra er sækja um miða ef eftirspurnin verður meiri en framboðið. Umsóknarfrestur er til mánudagsins 16. mars í þessari fyrstu atrennu miðasölunnar.
Hægt er að nálgast frekari upplýsingar um miðasöluna hér.
