1987 сыл

1987 сыл.

Туох буолбута

Муус устар 19 — «Симпсоннар» (The Simpsons) ойуулук-сэрийээл бастакы сиэрийэтэ тахсыбыт.

Ыам ыйын 23 — ССРС-ка «Америка саҥата» уонна BBC араадьыйа станцияларын бүөлүүрү тохтоппуттар.
Ыам ыйын 28 — 18 саастаах Арҕаа Германия олохтооҕо Матиас Руст Сэбиэскэй Сойуус ПВО-тун итэҕэстэрин туһанан кыра сөмүлүөтүнэн Москубаҕа көтөн кэлэр уонна Кыһыл болуоссакка түһэр.

Бэс ыйыгар (күннэрэ чопчуланыахтаах) Саха АССР-га Нуучча литэрэтиирэтин уонна ускуустубатын күннэрэ ыытыллыбыттар.

От ыйын 4 — Францияҕа уруккута Виши бырабыыталыстыбатыгар гестапо тойоно Клаус Барбье киһи-аймах утары буруйдааҕынан билиниллибит уонна үйэтин-сааһын тухары хаайыыга угуллубут. Бу киһи сэрии кэмигэр бэйэтэ дьону пыткалыырынан биллибитэ, сэрии кэнниттэн Боливияҕа күрээн олорбута, онно былаас уларыйбытыгар тутуллан Францияҕа экстрадицияламмыта.
От ыйын 20 — Канаада хотугу-арҕааҥы провинцияларын дэлэгээссийэтэ Саха сирин ирбэт тоҥҥо тутуллубут эбийиэктэрин көрө кэлэ сылдьыбыттар.
От ыйын 24 — IBM «DOS» операционнай систиэмэ 3.3 биэрсийэтин таһаарбыт.

Атырдьах ыйын 7 — АХШ харбыыһыт дьахтара Линн Кокс бастакынан Беринг силбэһиитигэр баар АХШ Оччугуй Диомид арыытыттан ССРС Улахан Диомид арыытыгар харбаан туораабыт.

Атырдьах ыйын 19 — Уһук Илин, Бурятия уонна Чита уобалаһын оҥорон таһаарар күүстэрин 2000 сылга диэри холбоһуктаах сайыннарыы туһунан ССКП КК уонна ССРС Миниистирдэрин сэбиэтин холбоһуктаах 958 нүөмэрдээх уураахтара тахсыбыт.

Балаҕан ыйын 2 — 19 саастаах Матиас Руст суута саҕаламмыт, кини ыам ыйыгар кырачаан Cessna сөмүлүөтүнэн ССРС-ка көтөн кэлэн Кыһыл болуоссакка олорбута.
Балаҕан ыйын 16 — Озон араҥатын харыстыыр туһунан Монреаль протоколугар илии баттаммыт. Озон араҥата стратосфераҕа 20-25 км үрдүккэ баар. Озон Күнтэн кэлэр сэрэхтээх ультрафиолетовай сандаардыыны иҥэринэрин иһин Сир ньууругар тыынар тыыннаах харамайдар олорор кыахтаахтар.

Алтынньы 2 — ССРС Киин тэлэбиидэнньэтигэр «Взгляд» бырагыраамма аан бастаан тахсыбыт.
Алтынньы 7 — сикхтэр Халистан Ииндийэттэн тутулуга суоҕун биллэрбиттэр; аан дойду таһымыгар бу билиниллибэтэҕэ.
Алтынньы 19 — Хара бэнидиэнньик: аан дойдуга бырамыысыланнас сайдыытын көрдөрөр Доу-Джонс ииндэксэ 22% бырыһыан, ол эбэтэр 508 пуун түспүт.
Алтынньы 22 — Иосиф Бродскайга Нобель бириэмийэтэ анаммыт.

Сэтинньи 19 — Люкс кылаастаах сэдэх массыына "Bugatti Royale" аукциоҥҥа муҥутуур сыанаҕа, 5,5 мөл. дуолларга, атыыламмыт. 1926—1933 сылларга уопсайа 6 "Bugatti Royale" оҥорбуттар, кинилэр бары билигин бааллар.

Ахсынньы 4 — ССРС миниистирдэрин сэбиэтэ кырыым татаардара Кырыымҥа уонна Краснодаар кыраайыгар пропискаланалларын хааччахтыыр туһунан уураах таһаарбыт.
Ахсынньы 9 — Палестинаҕа бастакы интифада саҕаламмыт.
Ахсынньы 18 — Perl көмпүүтэр тылын бастакы барыла тахсыбыт.

Бэс ыйын 22 — Ирина Платонова, дьахталларга 100 харахтаах дуобакка Россия (Уфа) уонна Европа студенкаларын (Польша) ортотугар чемпионка, дьахталларга Европа үрүҥ көмүс призера (Стокгольм), Голландияҕа ыытыллыбыт икки НИАТ кыайыылааҕа. 2003 сыллаахха дьахталларга Арассыыйа чемпиона.

Балаҕан ыйын 20 — Билял Махов — Арассыыйа көҥүл уонна греко-римскай тустууга бөҕөһө. Көҥүл тустууга аан дойду үс төгүллээх чөмпүйүөнэ, көҥүл тустууга Европа чөмпүйүөнэ, көҥүл уонна греко-римскай тустууга Арассыыйа чөмпүйүөнэ. Ырахан ыйааһыҥҥа UFC профессиональнай бөҕөһө.

Мария Дмитриевна Нартахова (1906—1987) — саха судаарыстыбаннай, общественнай уонна политическэй диэйэтэлэ.

Олунньу 22 — Энди Уорхол — XX үйэ иккис аҥарыгар ордук биллэр Америка худуоһунньуга.

Кулун тутар 25 — Иван Иванов-Вано, сэбиэскэй мультипликация олохтооччуларыттан биирдэстэрэ (1900 төр.).

От ыйын 16 — Акылбай Кунанбаев — хаһаах норуотун бэйиэтэ, хаһаах литэрэтиирэтин төрүттээччи Абай улахан уола.

Алтынньы 9 — Федоров Егор Васильевич (1934—1987), тыл үөрэҕин билимнэрин кандидата.
Алтынньы 23 — Канаев Никита Петрович (1907—1987), тыл үөрэҕин билимнэрин кандидата.