虞洽卿

东正教信徒

虞洽卿（教会罗马字：Nyü ‘Ah-ky‘ing，1867年6月19号－1945年4月26号），吴越人，出生浙江省宁波。本名虞和德，字洽卿，幼名瑞岳，是20世纪前半段上海顶有名个企业家，社会名流，海上闻人，东正教信徒，上海中国正教协会会长，教名安德烈·帕夫洛维奇·虞（俄语：Андрей Павлович Юй）。

生平

出生推板

1867年6月19号（清同治六年阴历五月十八日卯时），虞洽卿出生垃浙江省宁波府“三北”地区镇海县北部龙山乡山下村（镇海、慈溪、余姚三县北部临海，并称“三北”），屋里无啥铜钿，垃伊6岁辰光，爷生毛病落气哉，只好由伊拉娘做生活炼命，一直养伊到仔14岁。

混迹上海

1884年，是伊獨個子到上海。头先伊在拉瑞康顏料行當學徒工。為仔頭子活絡、生活清爽阁落，老板奚潤如交關看相渠，乃麽让渠出道做業務。在拉迭個過程當中，伊搭洋行接觸，觉著在拉上海迭個國際商埠英文是邪氣要緊，個咾開始利用業餘辰光讀英文，夜裏還到仔城隍廟替外國人做導遊，練習會話。

出任买办

1902年伊辭脫魯麟洋行個職務，改做華俄道勝銀行買辦；第二年又轉任荷蘭銀行買辦，通過進出口押匯等業務，銅鈿賺仔海海會。

自营商业

1908年搭寧波人袁鎏、朱佩珍、吳傳基、李厚垣、方舜年、嚴義彬、葉璋、周晉鑣、陳薰併幫開辦四明银行（乃朝旧址在拉上海市黄浦区江西中路北京东路路口西北角）。

1909年，虞洽卿想做航运业生意。迭个辰光，上海搭仔宁波之间水上运输拨拉东方、太古两爿外商轮船公司以及有官界立升个轮船招商局霸牢仔。迭三爿公司为仔多趁铜钿，常庄仔一道拉高货运搭客运价钿，在上海个宁波藉商人拨拉吃足苦头；乃么宁波商帮个迫切巴望好有得自家办个轮船公司。虞洽卿头脑邪气活络，豪燥仔把牢迭隻抢司，開始投資於航運業創辦寧紹、三北、鴻安3家火輪船公司經營上海到寧波、上海到漢口个航路。

声望日隆

1911年辛亥革命爆发。迭歇辰光，上海个工商业交关人在勒轧苗头个辰光。虞洽卿捉牢机会，起勁搭牽陈其美替伊筹集军饷。之后，伊也因为投机成功咾陈交關抬舉伊，成为仔上海军政府打話个外務部副部长，在拉都督府个名簿当中列位顾问团首位。之后，伊彻底成为仔海上闻人，常莊仔作为各种商团个主席、会长，代表上海商圈进行活动搭外頭打交道。

1924年當選為上海總商會會長，之后，还出任过交关重要个上海商界职位，成为上海迭个時節里宁波帮商人个代表、也是江浙地区新兴资本家个代表。

1927年，伊也积极配合国民党；在拉四一二事件当中，畀仔国民党交关幫襯。

关系网络

搭工部局个关系

搭黑社会个关系

搭罗刹个关系

虞洽卿後生個辰光搭仔羅宋人做生意，為仔当伊拉个买办，个咾为了做事體便當頭，索介加入东正教。之后，伊利用在拉俄华道胜洋行个便利性，接触仔交关俄罗斯人，成为来沪宁波人当中极少数亲俄名流。安利烈•帕夫洛维奇•虞（虞洽卿）是苏联个老牌克格勃，伊歇东正教会实则丄是上海一隻出名个间谍窠；但伊同时也是上海商会个重要主持人，五卅运动暗頭里推手之一。

搭北洋政府个关系

在拉北洋军阀混战阶段，虞洽卿为仔自家利益，常莊仔进行借贷活动。譬方1919年12月，伊就从北洋政府财政部趁到白银30万两。

搭国民党个关系

虞洽卿是蒋介石个同乡。雖則伊搭北洋军阀关系紧密，但也時時保持搭国民党个聯繫。在拉北伐战争当中，国民党征用伊个船隻，每趟总归侪出钞票畀虞洽卿，从来弗曾空过伊铜钿歇。

曾经出任个职务

• 上海总商会会长

• 淞沪商埠市政会办

• 纳税华人会主席

• 上海市轮船同业公会主席

遗迹

乃朝上海个西藏路老早底曾叫虞洽卿路。