Eval: kod satrini ishga tushirish

O’rnatilgan eval funktsiyasi kod satrini bajarish imkonini beradi.

Sintaksis:

let result = eval(code);

Masalan:

let code = 'alert("Salom")';
eval(code); // Salom

Kod satri uzun bo’lishi, satr uzilishlari, funktsiya e’lonlari, o’zgaruvchilar va boshqalarni o’z ichiga olishi mumkin.

eval natijasi oxirgi ifodaning natijasidir.

Masalan:

let value = eval("1+1");
alert(value); // 2

let value = eval("let i = 0; ++i");
alert(value); // 1

Eval qilingan kod joriy leksik muhitda bajariladi, shuning uchun u tashqi o’zgaruvchilarni ko’ra oladi:

let a = 1;

function f() {
  let a = 2;

  eval('alert(a)'); // 2
}

f();

U tashqi o’zgaruvchilarni ham o’zgartirishi mumkin:

let x = 5;
eval("x = 10");
alert(x); // 10, qiymat o'zgartirildi

Qat’iy rejimda eval o’zining leksik muhitiga ega. Shuning uchun eval ichida e’lon qilingan funktsiyalar va o’zgaruvchilar tashqarida ko’rinmaydi:

// eslatma: 'use strict' sukut bo'yicha ishlaydigan misollarda yoqilgan

eval("let x = 5; function f() {}");

alert(typeof x); // undefined (bunday o'zgaruvchi yo'q)
// f funktsiyasi ham ko'rinmaydi

use strict siz, eval o’zining leksik muhitiga ega emas, shuning uchun biz x va f ni tashqarida ko’rardik.

“eval” dan foydalanish

Zamonaviy dasturlashda eval juda kam ishlatiladi. Ko’pincha “eval yovuz” deyiladi.

Sababi oddiy: uzoq, uzoq vaqt oldin JavaScript ancha zaif til edi, ko’p narsalarni faqat eval bilan qilish mumkin edi. Lekin u vaqt o’n yil oldin o’tdi.

Hozir eval dan foydalanish uchun deyarli hech qanday sabab yo’q. Agar kimdir undan foydalanayotgan bo’lsa, uni zamonaviy til konstruktsiyasi yoki JavaScript Moduli bilan almashtirishi mumkin.

Uning tashqi o’zgaruvchilarga kirish qobiliyati yon ta’sirga ega ekanligini unutmang.

Kod minifierlari (JS ishlab chiqarishga chiqishdan oldin uni siqish uchun ishlatiladigan vositalar) mahalliy o’zgaruvchilarni qisqaroq nomlarga (a, b va boshqalar) o’zgartirib, kodni kichikroq qiladi. Bu odatda xavfsiz, lekin eval ishlatilganda emas, chunki mahalliy o’zgaruvchilarga eval qilingan kod satridan kirish mumkin. Shuning uchun minifierlar eval dan potentsial ko’rinadigan barcha o’zgaruvchilar uchun bunday qayta nomlashni qilmaydi. Bu kod siqish nisbatiga salbiy ta’sir qiladi.

eval ichida tashqi mahalliy o’zgaruvchilardan foydalanish ham yomon dasturlash amaliyoti deb hisoblanadi, chunki bu kodni saqlashni qiyinlashtiradi.

Bunday muammolardan butunlay xavfsiz bo’lishning ikki usuli bor.

Agar eval qilingan kod tashqi o’zgaruvchilardan foydalanmasa, iltimos eval ni window.eval(...) sifatida chaqiring:

Bu usulda kod global miqyosda bajariladi:

let x = 1;
{
  let x = 5;
  window.eval("alert(x)"); // 1 (global o'zgaruvchi)
}

Agar eval qilingan kod mahalliy o’zgaruvchilarga muhtoj bo’lsa, eval ni new Function ga o’zgartiring va ularni argumentlar sifatida o’tkazing:

let f = new Function("a", "alert(a)");

f(5); // 5

new Function konstruktsiyasi "new Function" sintaksisi bo’limida tushuntirilgan. U satrdan funktsiya yaratadi, shuningdek global miqyosda. Shuning uchun u mahalliy o’zgaruvchilarni ko’ra olmaydi. Lekin yuqoridagi misoldagidek ularni argumentlar sifatida aniq o’tkazish ancha aniqroq.

Xulosa

eval(code) chaqiruvi kod satrini ishga tushiradi va oxirgi ifodaning natijasini qaytaradi.

• Zamonaviy JavaScript da kam ishlatiladi, chunki odatda kerak bo’lmaydi.
• Tashqi mahalliy o’zgaruvchilarga kirishi mumkin. Bu yomon amaliyot deb hisoblanadi.
• Buning o’rniga, kodni global miqyosda eval qilish uchun window.eval(code) dan foydalaning.
• Yoki, agar kodingiz tashqi miqyosdan ba’zi ma’lumotlarga muhtoj bo’lsa, new Function dan foydalaning va uni argumentlar sifatida o’tkazing.